MATTHAI 5:7 - Laibaibal Thiang (BSI)

⁷ Zângfahnâk a ngeimi cu mithluachuak an si, zeitintiah zângfah an si ve te lai.

Lai (Hakha) Common Language Bible 2006

⁷ Midang cungah zaangfahnak a ngeimi cu lunglawmmi nan va si dah! Pathian nih an zaangfah hna lai.

MATTHAI 5:7 Խաչաձեւ Հղումներ

EFESA 4:32

Pathian nih Krih ah an ngaihthiam hna bangin i zângfah in, vel i ngeih ulaw, i ngaithiam u.

SALM 18:25

Zângfah thiammi sinah na zângfahthiamnâk na langhter lai i dotlami sinah dotlami na sinâk na langhter lai.

JEIM 2:13

Zeitintiah mi cungah zângfahnâk ngei lomi cu zângfahnâk tel loin biaceih an si lai. Biaceihnâk cu zângfahnâk nih a tei.

JEIM 3:17

Asinain cung leiin a chuakmi fimnâk cu hmaisa bik ah a thiang, cuhnu ah daihnâk a duh, a nun a nem, nawl a ngai, zângfahnâk le theipar ṭha in a khat, thleidan a ngei lo i ziar a ngei lo.

KOLOSE 3:12

Cucaah Pathian thimmi, a thiangmi le dawtmi nan si bangin velngeihnâk, zângfahnâk, toidornâk, nunnemnâk le lungsaunâk in i thuam u;

LUKA 6:35

Asinain nan ral va daw ulaw, thilṭha tuah piak hna u, chamṭhân ding ruahchan loin cawih hna u. Nan ṭuanman cu a ngan tak tak lai i Cungnung bik fale nan si lai. A nih cu lawmh a hngalh lomi le misual cungah vêl a ngei.

PHUNGTHLÛKBIA 19:17

Misifak a zângfahtu nih BAWIPA sinah a cawih a si, a rak pêk cangmi thil hna cu a cham ṭhân hrimhrim lai.

HEBRU 6:10

Zeicatiah Pathian hi nan ṭuanmi le Amah minin dawtnâk i nan langhtermi rian le mithiang hna ca i nan rak ṭuan cangmi le nan ṭuan cuahmah mi hna philh ding tiangin mi dinglo a si lo.

HEBRU 4:16

Cucaah bomh kan herh cân ah vel le zângfahnâk kan co khawh nâkhnga zângfahnâk ṭhutdanh cu ralṭha in panh u sih.

PHUNGTHLÛKBIA 11:17

Vêl a ngeimi nih a nunnâk caah thilṭha a tuah, asinain zângfahnâk ngei lomi cu a taksa caah harnâk petu a si.

1 PETER 2:10

hlan ah minung hmanh nan rak si lo, asinain atu ah Pathian minung nan si cang, hlanah vêl nan rak hmu bal lo, asinain atu cu vêl nan hmuh cang.

MARKA 11:25

“Cun thlacam i nan dir tikah, aho cung zongah bia nan ngeih ahcun ngaithiam hna u, cuticun van i nan Pa zong nih nan sualnâk an ngaihthiam ve hna lai.

PHUNGTHLÛKBIA 14:21

A innpa a zomhtaihtu cu misual a si, asinain misifak zângfahtu cu lunglawmmi an si.

SALM 112:9

A phawtzamh i misifak a pêk hna; a dinnâk cu zungzal in a hmun; a ki cu upatnâk in cawisan a si lai.

SALM 112:4

Miding caah cun muihnâk zongah ceunâk a chuak tawn i amah cu zângfahnâk, vêl le dinnâk in a khatmi a si.

SALM 37:26

Mi a zângfah zungzal i a coih hna, cun a tefa kha thluahchuah an si.

1TIMOTE 1:13

Hlanah thangchiattu le serhsattu le mi sawksâmtu ka rak sinain zumlonâk le hngallo buin ka rak tuahmi a si caah velhngeihnâk ka rak conâk hi a si.

1 KORIN 7:25

Cun ngaknu thiang kongah Bawipa nawlpêk cia ka ngei lo, asinain Bawipa nih a zângfahnâk thawngin zumhtlâk i a ka sernâk thawngin ruahnâk ka cheuh hna lai.

1TIMOTE 1:16

Asinain hi ruangah hin velngeihnâk ka hmuh hi a si, cucu Jesuh Krih nih ka cungah a lungsaunâk vialte a langhter hmasa i atu thawkin zungzal nunnâk co awkah a zum hngami hna caah zohchunh awk a si nâkhnga.

2 KORIN 4:1

Cucaah zângfahnâk kan hmuhning cio in hi rian hi kan hmuh bangin kan lung a dong bal lo.

ROM 11:30

Zeitintiah nannih zong Pathian nawl ngailo nan rak si, asinain atu ah annih nawl an ngaihlo ruangah nannih nih zângfahnâk nan hmu.

PHUNGTHLÛKBIA 11:25

Nun a siangmi hna nun cu rumter a si lai, ti a toihtu nih amah zong â toih ve.