MATTHAI 5:3 - Laibaibal Thiang (BSI)

³ “Thlarau in sifakmi cu mithluachuak an si, zeitintiah vanbawi pennâk cu anmah ta a si.

Lai (Hakha) Common Language Bible 2006

³ Mi chambau kan si ti aa hngalmi cu, lunglawmmi nan va si dah! Vancung Pennak cu nanmah ta a si.

MATTHAI 5:3 Խաչաձեւ Հղումներ

PHUNGTHLÛKBIA 29:23

Porhlawtnâk hi a kan niamtertu a si i thlarau in toidormi cu mi nih an upat tawn.

SALM 34:18

Lungkuaimi hna caah BAWIPA cu a nai tawn, thlarau ngaihchiami kha a khamh hna.

PHUNGTHLÛKBIA 16:19

Ruamkaimi hna sin i hranchaw i phawt nâkcha cun, tangdormi hna sin i niamter i um a ṭha deuh.

LUKA 18:14

Kan chimh hna, a hmasa deuh nâkin hi pa hi thiamco in inah a tlung. Mah le mah â santermi pauh ṭhumh an si lai i mah le mah â ṭhummi pauh santer an si lai,” tiah a ti.

SALM 51:17

Pathian duhning raithawinâk cu thlarau kehkuai hi a si, lungthin kekkuai i chirnâk hi Maw Pathian, zeirel loin na um lai lo.

JEIM 2:5

Ka dawtmi unau hna, zohhmanh u, Pathian nih hi vawlei thil i misifak hna hi zumhnâk ah rumding le Amah dawtu hna sinah a kamhmi pennâk kha co cawk ah a thimmi an si lo maw?

LUKA 11:28

Anih nih, “Pathian bia a thei i â nunpimi hna hi, mi vanṭha an si deuh,” tiah a ti.

SALM 112:1

BAWIPA cu thangṭhat u! BAWIPA a ṭihtu le a nawlpêkmi biatak in â lomhpitu hna cu mi vanṭha an si.

SALM 1:1

Pathian-zeiaharellomi hna khuakhân nâkah a kal lo i misual hna lamah a dir lo i nihsawhtu hna ṭhutdan ah a ṭhu lomi cu mithluachuak a si;

MATTHAI 11:25

Cu cân ah Jesuh nih, “Maw, ka Pa, lei le van Bawipa, Nangmah nih mifim le mithiam hna lakah hi bia hi na thuh i ngakchia sem sin tu ah na phuan caah lawmhnâk bia kan chimh.

LUKA 4:18

BAWIPA Thlarau cu ka cungah a um, zeicatiah sifakmi hna sin i Thawngṭha chim dingin chiti a ka thuh; lungkuaimi hna damter awkah aka thlah i saltangmi hna luatter ding le, mitcawmi hna khua hmuhter ding le, lamhchihmi hna luatnâk ding

MARKA 10:14

Cucu Jesuh nih a hmuh tikah a lung a si lo ngaingai i lamkaltu hna sinah, “Ngakchia kha ka sinah ratter ulaw, dawn hna hlah u, Pathian pennâk cu hibantuk hna caah a si.

MATTHAI 13:16

Nan mit hi a van a ṭha i nan hnâ hi a van a ṭha tuk. zeicatiah an hmuh i an theih cang.

SALM 146:5

Bawmtu ah Jakob Pathian â tlaihtu cu mithluachuak a si, â ruahchannâk cu BAWIPA a Pathian ah a um.

SALM 41:1

Sifak hna zawn a ruattu cu mithluachuak a si, harnâk cân ah BAWIPA nih a khamh lai.

SALM 2:12

Fapa cu hnam u, culoahcun a thin a hung sual lai, cân tlawmte a thin a hun tikah, lam lakah nan lotlau dih sual lai. Amah â hngatchanmi vialte cu mithluachuak an si.

JEIM 1:12

Tukforhnâk lungsau in a tuartu cu mi vanṭha a si, zeitintiah hngalhpiak a si tikah nunnâk luchin, Bawipa nih Amah dawtu hna ca i a timhpiakmi kha a co lai.

JOHAN 20:29

Jesuh nih, “Thomas, nangnih cun naka hmuh caah na zumh. Hmu lo in a zummi cu mithuachuak an si,” tiah a ti.

MATTHAI 24:46

Apu a rat cân i cubantuk i a rak ummi sinum kha a si hrim hrim lai.

SALM 84:12

Maw ralkapbu BAWIPA, nangmah bochantu cu mi thluachuak a si.

JEIM 1:10

asinain mirumpa cu niamter a si ruangah i lawm seh; zeicatiah ram lak pangpar bangin a lotlau dingmi a si.

PHUNGTHLÛKBIA 8:32

“Cucaah ka fale, atu ka bia ngai tuah u; zeitintiah ka lam a zultu hna cu mithluachuak an si.

BIAPHUAN 22:14

Khualipi kutkâ ah an luh i nunnâk thing cungah nawl an ngeih khawh nâkhnga a nawlpêk hna a tuahtu cu mithluachuak an si.

BIAPHUAN 19:9

Anih nih ka sinah, “Tuufano nupi ṭhitnâk i sawmmi hna cu mithluachuak an si,” tiah ṭial tuah, a ka ti. Cun ka sinah, “Hi hna hi Pathian chimmi taktak an si,” tiah a ti.

MATTHAI 25:34

“Cuticun Siangpahrang nih a orh leimi hna sinah, ‘Ka Pa, thluachuahmi hna, ra u law, vawlei ser lio i nan ca i timhmi pennâk cu co u:

SALM 128:1

BAWIPA a ṭih i a lam a zultu hna cu mithluachuak an si.

MATTHAI 11:6

Keimah kong i a lung a hring lomi cu mithluachuak an si;” tiah a leh hna.

MATTHAI 8:11

Hihi kan chimh hna, chak le thlangin mi tampi an ra lai i vanbawi pennâk chungah Abraham, Isaak le Jakob sinah an ṭhu lai.

MATTHAI 3:2

“I ngaihchih u, zeicatiah vanbawi pennâk cu a nai cang,” tiah a ti.

MATTHAI 19:14

Asinain Jesuh nih, “Ngakchia kha ka sinah ratter hna ulaw, dawn hna hlah u; zeitintiah vanbawi pennâk cu hibantuk hna caah hin a si,” tiah a ti.

LUKA 22:29

Ka Pa nih ka sin i aka pêk bang khan, nan sinah pennâk kan pêk cang hna,

LUKA 22:30

cuticun ka Pennâk chung i ka cabuai cungah nan ei i nan din khawh nâkhnga le, Israel phun hleihnih bia ceihpiak in, bawi ṭhutdanh i nan ṭhut khawh nâkhnga,” tiah a ti.

BIAPHUAN 3:17

Zeicatiah ka rum ko, chawva ka ngei, zeihmanh ka baulo, na ti, mi sifak, zângfah awktlâk, zeihmanh ngei lo, mitcaw, taklawng i a ummi na si kha nâ hngal lo.