MATTHAI 5:22 - Laibaibal Thiang (BSI)

²² Asinain a chan um lo i a unau cungah a thin a hungmi pauh cu ṭih a nungmi biaceihnâk ah chuahpi an si lai. A unau sinah, ‘mimolhpa’ a timi pauh cu biaceihnâk sângah chuahpi an si lai, ‘mihrutpa’ a timi pauh zong ṭih a nungmi hell mei ah a kal lai, kan ti hna.

Lai (Hakha) Common Language Bible 2006

²² Asinain kei nih cun, ‘A u a nau cung i a thin a hungmi paoh cu biaceihtu hmaiah chuahpi nan si lai i a u siseh, a nau siseh, “Zei rua ram lo,” a timi paoh cu biaceihtu bu sinah chuahpi nan si lai; cun ahohmanh, a u siseh, a nau siseh, “Mihrut” a timi paoh cu hell mei chung i tlak awkah aa tlakmi nan si lai,’ kan ti hna.

MATTHAI 5:22 Խաչաձեւ Հղումներ

1JOHAN 2:9

Mi nih ceunâk ah ka um a ti i a unau a huatu cu atu tiangin muihnâk ah a um ko rih.

JEIM 3:6

Lei hi mei a si, sualpalhnâk vawlei pakhat a si. Lei hi kan pumpuluk thûrter kho dingin chiahmi pumnge a si. Kan kokek ziaza hi a kangh i cucu hell mei in khanghmi a si.

TITAS 3:2

ahosinhmanh ah bia chia-khâ chimlo ding le, dai te i um awkah, nunnemnâk in mi vialte sinah toidarnâk vialte langhter dingin theihter ṭhân hna.

MATTHAI 10:28

Taksa a that kho nain thlarau a that kho lotu cu ṭih hlah u. Hremhmun i thlarau le taksa he a thla khotu khi ṭih deuh u.

MATTHAI 18:35

Cuticun lungthin tak tein nan unau sualnâk nan ngaihthiam hna lo ahcun, van i ka Pa zong nih cubangin nan cungah a tuah ve lai.

1 PETER 3:9

sual cu sual lila in lehrul hlah u; siknâk zong siknâk lila in lehrulh ding a si lo, thluachuah tu pe lehlam u. Cubantuk tuah awkah kawhmi nan si; cuticun thluachuahnâk nan hmuh lai.

ROM 12:10

Unau i dawt bangin i daw cio u; mah nâkin midang kha sâng deuh ah chia u.

1 PETER 2:23

sik asi tikah a let hna lo i a tuar lio ah a hrocer hna lo; ding tein a ceihtu sin tu ah Amah le Amah â pe.

MATTHAI 18:21

Peter a ra i, “Bawipa, ka unau nih ka cungah sualnâk tuah sehlaw, voi zeizat tiang dah ka ngaih thiam lai? Voi sarih tiang in maw?” tiah a ti.

SALM 109:3

Huatnâk bia in anka dûm i chan um lo in anka doh.

SALM 37:8

Thinhunnâk hi ngol law, thinhânnâk hi kaltâk; ngaihchia in um hlah, cu nih cun fahnâk lawng a chuahpi.

JUDAS 1:9

A cungnung bik vancungmi Michael hmanh nih, Moses ruak kong i khuachia he bia an i al ah khan, thangchiat lei in sual a puh ngam lo, “Bawipa nih in sî seh,” tiah a ti.

1JOHAN 3:10

Hitihin Pathian fa le khuachia fa cu langhter a si. Dinnâk a tuah lomi pauh cu Pathian ta an si lo, a unau a daw lotu zong Pathian ta an si lo.

LAMKALTU 17:18

Epikorian le Stoik mifim cheukhat zong nih amah cu an rak el tawn. Cheukhat nih, “Hi biaduh pa nih hin zeidah chim a timh?” tiah an ti. Jesuh kong le thawhṭhannâk kong a chim caah cheukhat nih, “Ramdang pathian kong chimtu a si ko rua,” tiah an ti.

1THESALON 4:6

hi kongah ahohmanh nih a unau cungah hibantuk sualnâk hi tuah hlah seh, Bawipa cu cubantuk sualnâk a tuahtu hna cungah lehrultu a si caah, kannih zong nih a hlan kanin ralrinnâk pein kan in hngalhter hna.

MARKA 14:55

Cubangin tlângbawi hna le biaceihtu vialte nih Jesuh thahnâk dingah a sualnâk an kawl, asinain a sualnâk an hmu kho lo.

MATTHAI 26:59

Tlângbawi ngan hna le, upa hna le biaceihtu vialte hna nih an thah khawh nâkhnga lih in sualphawtnâk an kawl,

JOHAN 11:47

Cuticun tlângbawi le Farasih hna nih biaceihtu kha an auh hna i, “Zeitindah kan tuah lai?” Hi pa nih hin hmelchunhnâk tampi a tuah cang.

BIAPHUAN 20:14

Cuticun Thihnâk le Mithi khua cu mei tili chungah hlawnh an si. Hihi thih voihnihnâk a si.

LAMKALTU 7:37

“Hihi Moses nih Israel tefa hna sin i a chimmi cu a si. BAWIPA nan Pathian nih keimah bantuk profet pakhat nan unau hna chungin a chuahter te lai, amah bia cu nan rak ngaih lai.

LUKA 12:5

Sihmanhsehlaw ahodah nan ṭih awk a si kha kan hmuhsak hna lai. Thah nan si hnu i hell ah an thla khotu cu va ṭih u, asi, kan chimh hna, Amah cu ṭih u.

MATTHAI 5:44

Asinain kei nih cun, nan ral va daw hna u law, chiat an serhtu kha thluachuah va pe hna u, an huatu hna caah ṭhatnâk tuah u law, an diriamtu hna le serhsattu hna caah thlacam u,

MATTHAI 5:34

Asinain kei nih cun, chiatserh in bia i kam hrimhrim hlah u. Van chalh in chiat i serh hlah u, zeitintiah cucu Pathian bawiṭhutdanh umnâk a si.

MATTHAI 3:17

Cun ngaihmanh, van in aw a rung chuak i, “Hihi ka Fapa dawt, ka lawmh tukmi a si,” tiah a ti.

PHUNGTHLÛKBIA 14:16

Mifim nih a ṭih i sual a kaltak tawn, asinain mihrut cu amah le a mah i zum in a ral â ṭhatter tawn.

SALM 7:4

ka sinah dai tein a ummi ṭhalonâk in ka lehrulh hna ahcun, asiloah ka ral kha a chan umlo in ka rok hna ahcun,

1JOHAN 5:16

Mizei pauh nih a unau thihnâk tlâk a si lomi sualnâk a tuah tawnmi hmu sehlaw, a hal piak lai i Pathian nih thihnâk tlak a si lomi sualnâk a tuahtu cu nunnâk a pêk lai. Thihnâk tlak sual zong a um. Cu kongah cun nan hal piak lai ka timi a si lo.

JEIM 2:20

Maw mihrutpa tuahsernâk tello i zumhnâk lawng cu zeihmanh a si lo kha na hngal duh taktak maw?

HEBRU 12:25

I ralring u Biachimtu hi nan rak hlawtsual lai. Zeitintiah vawlei i Biachimtu an duh lo ruangah hremnâk in an luat khawh lo ahcun van in Biachimtu zei i kan rel lo sual ahcun kan luat lo chin chin lai,

HEBRU 5:9

Tlamtlinter a si hnu ah, a nawl ngaitu vialte caah zungzal khamhnâk hrampi ah a cang.

1 KORIN 6:10

mifir, hakkaumi, zurit hmang, mi hauhhmang, ningcang lo lak hmangmi hna nih Pathian pennâk an co lai lo.

1 KORIN 6:6

Unau nih a unau cu biaceihtu sinah a chuahpi, cuzong cu zumlotu hmai ah hei si kaw!

LAMKALTU 5:27

Cuti i an ratpi hnuah biaceihtu hna hmai ah an dirter hna i tlângbawi nganbik nih an sinah,

JOHAN 15:25

An nawlbia ca-uk ah, ‘chan le sullam um loin anka huat’ tiah ṭialmi kha a tlin nâkhnga caah a si.

JOHAN 8:48

Judah mi nih, “Samaria mi, khuachia tuahmi kan rak inti kha a dik tak ko lo maw?” tiah an leh.

JOHAN 7:20

Mizapi nih an leh i khuachia nih an tuah ko hih. Ahonihdah thah an in timh? tiah an ti.

MARKA 15:1

A thaizing zingka te ah, tlângbawi hna le upa hna, nawlbiacawnpiaktu hna le biaceihtu vialte kha an i tong, Jesuh cu ṭem buin an kalpi i Pailat kutah an pêk.

MATTHAI 25:41

Cutikah, a kehlei mi hna sin zongah, ‘Chiatserh mi hna, zungzal mei, khuachia le a zultu hna ca i timhlamh miah ka kaltâk ko u;

MATTHAI 23:33

Rul hna, rul fale hna, hremhmun hremnâk cu zeitindah nan luat khawh lai.

MATTHAI 23:15

Nannih nawlbiacawnpiaktu le Farasih depde hna, ngaihchia nan va si dah! Zeitintiah mi pakhat zumtu siter dingin rili le fingtlang nan ṭol dih, zumtu i nan sermi kha nanmah nâk leh hnih in hell fa ah nan canter ṭhân.

MATTHAI 17:5

A chim lioah khan, zohhmanh, a rângmi minmei nih a tuam hna i chikkhatteah minmei chungin aw pakhat a hung chuak, “Hihi Ka Fapa dawtmi a si, Amah bia kha ngai u,” tiah a ti.

MATTHAI 12:24

Farasih hna nih cucu an theih tikah, “Hipa nih hin khuachia bawi Belzebul thawng lo cun khuachia kha a ṭhawl kho lai lo,” tiah an ti.

MATTHAI 10:17

Asinain minung lakah i ralring u, biaceihnâk sangah an in phâkpi hna lai i sinagog chungah an in velh hna lai.

PHUNGTHLÛKBIA 18:6

Mihrut hmurkâ in siknâk a chuahter i a hmurkâ chuak nih tuknâk a chuahter.

SALM 92:6

Mihrut nih an hngal kho lo i lung tlawmmi nih an theithiam lo.

SALM 69:4

Chan um lo in aka huatu kha kalu i samfang nâk in an tam deuh; hrawh aka timtu kha mi ṭhawngṭha lawngte an si, sullam um loin anka huat; zeihmanh ka fir lo nain ka cham a herh ṭhiamṭhiam.

SALM 49:10

Zeitintiah mifim zong an thi, cubantuk ṭhiamṭhiam in mihrut le zeiruaram lo zong an thi ve ko, cun an chawva hna cu midang caah an chiahta tawn hna ti kha a hmuh.

SALM 35:19

Dik lo ngaiin ka ral hna nih nihchuak ah ka saih hna hlah seh, a chan um loin aka huatu hna nih ka met hna hlah seh.

SALM 25:3

Nangmah hngaktu pauh cu ning zakin um hrimhrim hlah seh; a chan um loin hlenthawi a hmangmi hna cu ningzak in um hna seh.

SALM 14:1

Mihrut nih a lung chungin, “Pathian a um lo,” tiah a ti. An rawk dik, fihnungmi kha an tuah, ṭhatnâk a tuahmi kha an um lo.

LUKA 22:66

A thaizing khua a dei le cângkâ zatlâng upa hna le, tlângbawi hna le, nawlbia cawnpiaktu kha an i tong i an biaceihnâk ah an kalpi.

LAMKALTU 4:15

An biaceihnâk hmun in kâ dangah kal dingin nawl an pêk hna hnu ah anmah le anmah an i ceih.

LAMKALTU 5:21

Cu bia cu an theih tikah, zingka te ah ṭempal ah an kal i an cawnpiak hna. Cu cân ah tlângbawi nganbik le a hawi le nih biaceihtu kha an kawh hna i cuka ah Israel miphun lakah upa vialte kha an auh hna, lamkaltu hna cu ratpi dingin thonginn ah mi an hei thlah hna.

LAMKALTU 6:12

Cun zatlâng le, upa hna le nawlbiacawnpiaktu an forh hna i an tlaih i biaceihtu hna sinah an kalpi.

LAMKALTU 6:15

Biaceihnâk i a ṭhumi vialte nih Steven cu cat loin an zoh peng i a hmai kha vanmi hmai bantukin an hmuh.

LAMKALTU 22:30

A thaizing ah zeiruangahdah Judah mi nih sual an puh ti kha hngalhfian a duh i a ṭemnâk cu a phoihpiak, tlângbawi hna le biaceihtu vialte kha a hmai ah rak chuak dih dingin nawl a pêk hna. Paul zong cu a chuahter i an hmai ah a dirter.

LAMKALTU 23:1

Cuticun Paul nih biaceihtu hna cu ṭha tein a zoh peng hna i, “Ule nau hna, nihin tiangin Pathian hmai ah, a dihumnâkin chiaṭha hngalhnâk ṭha he ka nung tawn,” tiah a ti.

LAMKALTU 24:20

Asilole hi hna nih biaceihtu hna hmai i ka dir lioah ka palhmi zeidah chim hna seh,