MATTHAI 5:16 - Laibaibal Thiang (BSI)

¹⁶ Cubangin nan ceunâk cu mi hmaiah ceu seh law nan tuahmi ṭhatnâk kha an hmuh lai i van i a ummi nan Pa kha an thangṭhat lai.

Lai (Hakha) Common Language Bible 2006

¹⁶ Cu bantukin nannih nan ceunak zong cu mi hmaiah a ceu awk a si, cuticun thil ṭha nan tuahmi kha an hmuh lai i vancung khua i a ummi nan Pa kha an thangṭhat lai.

MATTHAI 5:16 Խաչաձեւ Հղումներ

1 PETER 2:12

Gentel mi hna sinah upat awktlâk in nung u, cuticun minih thil ṭha lo tuahtu bangin nan thang an chiat zongah, thil ṭha nan tuahmi an hmuhnâk thawngin Pathian nih a veh hna ni ah an thangṭhat ve lai.

TITAS 2:7

thilṭha tuahnâk ah a lamkip in mi zohchunh awkin um law, cawnpiaknâk ah nâ biataknâk, hmaizahmi sinâk le hrawhkhawh lomi na sinâk kha langhter,

JOHAN 15:8

Tampi in theitlai nan chuah ah hin ka Pa cu thangṭhat in a um tawn. Cuticun aka zultu nan si lai.

EFESA 5:8

Zeitintiah hlanah khuamui nan rak si nain atu cu Bawipa ah khuaceu nan si. Cucaah khuaceu fale bantukin nung u,

1 PETER 3:16

Chia le ṭha hngalhnâk thiang ngei u, cuticun ṭhatlonâk tuahtu bangin puh an in timh mi hna cu, Krih i â dawhmi nun in nan umnâk nih an ning a zahter hna lai.

1 PETER 4:14

Krih min ruang i sik nan sin ahcun nan van a ṭha, zeitintiah sunparnâk Thlarau, Pathian Thlarau kha nan cungah a um. Anmah leiah Amah cu thangchiat a sinain nanmah leiah Amah cu thangṭhat a si.

1 PETER 2:9

Asinain nannih cu thimmi miphun, siangpahrang tlângbawi, miphun thiang, a hleiin Amah mi nan si; cucu a mak ngaimi a ceunâk i lut dingah muihnâk chungin an kotu hna Amah cu nan phuan khawh nâkhnga;

TITAS 3:14

Cun kanmi le hna zong theipar chauh loin an um nâkhnga lo an herhnâk zawn i hman awk an ngeih khawh nâkhnga rianṭha ṭuan pengin um hna seh.

1TIMOTE 6:18

Thilṭha tuah hna seh, thilṭha tuahnâk ah rum hna seh, midang nih an ciangzar an tem ve nâkhnga nun siang hna seh,

2 KORIN 9:13

hi rian nih hin, Krih thawngṭha zumhnâk nan pom ning le, anmah le mi vialte ca pêk lei i nan siannâk thawngin Pathian an thangṭhat tawn,

EFESA 2:10

Thilṭha tuah dingah Krih Jesuh ah sermi kan si i Amah kutchuak kan si, cu thilṭha tuah cu kan umnâk dingah Pathian nih a rak timhlamh ciami a si.

HEBRU 10:24

Cun dawtnâk le thilṭha tuahnâk in i tharthawh dingin ruat cio u sih.

PHUNGTHLÛKBIA 4:18

Asinain midik hna lam cu ni ceu bantuk a si, cucu chun laifang ceunâk bantuk a si.

1 PETER 4:11

Jesuh Krih thawngin Pathian cu zeizong vialte ah thangṭhat i a um khawh nâkhnga, mi zei pauh nih phung a chim ahcun Pathian chimning tein chim seh, mizei pauh nih rian a ṭuan ahcun Pathian nih ti khawhnâk a pêk ning tein ṭuan seh, sunparnâk le biaceihnâk cu zungzal in zungzal tiang Amah ta a si. Amen.

1THESALON 2:12

cucu a pennâk le sunparnâk chungah an kotu hna Pathian mi si awktlâk in nan nun khawh nâkhnga caah a si.

1 PETER 3:1

Nupi le hna, nan va le sinah i pe u, nan va le lakah Pathian zum lomi an um zongah, holh lo zongin, nun ningin an nupi le nih an tei khawhnâk ding ahcun,

LAMKALTU 9:36

Joppa khua ah zultu pakhat a min Tabitha a um, cucu Dorkhas ti a si, a sullam cu sazuk tinâk a si. Cu nu cu ṭhatnâk tuah le misifak bomhnâk lei ah nun siang ngaimi a si.

1TIMOTE 5:25

Cubantuk ṭhiamṭhiam in mi chekhat ṭhatnâk tuahmi cu a langh a fawi, chekhat tuahmi ṭhatnâk cu lang rih lo hmanhsehlaw thuh thai khawh a si lo.

MATTHAI 5:45

cucu van i a ummi nan Pa fale nan si khawh nâkhnga caah a si. Anih nih cun misual le miṭha cungah ni a tlanter i miding le miding lo cungah ruah a surter.

TITAS 2:14

Amah nih nawlbuarnâk vialte chungin a kan tlanh khawh nâkhnga, Amah caah thiantermi, a hlei khun in Amah mi si in, rianṭha ṭuan i â zuammi kan si khawh nâkhnga Amah hrimhrim kha kan caah â pe.

1TIMOTE 5:10

ṭhatnâk tuahnâk kongah thangṭhatmi, fale zong tlamtling in a rak bawmtu le, thilṭha kip ṭhahnem ngai i tuahtu a si ahcun nuhmei ah ṭial khawh a si.

1TIMOTE 2:10

Pathian a ṭanhtu nu hna nih a za tawkin thilṭha tuah in i ṭamh hna seh.

GALATI 1:24

Keimah ruangah Pathian kha an thangṭhat.

TITAS 3:4

Asinain kan Khamhtu Pathian dawtnâk le velngeihnâk cu minung cung i a langh tikah,

1 KORIN 14:25

Cun a lungchung i biathli hna cu langhter dih a si lai, cuticun bawhbu in Pathian a biak lai i nan lakah Pathian a um tak tak tiah a ti khawh lai.

LUKA 11:2

Anih nih, “Hitihin thla cam u, van i a ummi kan Pa, na min thianghlim seh, na pennâk cu tlung ko seh, van i naduhnâk an tuah bangin, leiah tuah si ve seh,

MATTHAI 9:8

Mizapi nih an hmuh tikah, an khuaruah a har i minung sinah cubantuk thiltikhawhnâk a petu Pathian kha an thangṭhat.

MATTHAI 23:5

An tuahmi vialte cu minung hmuh ding lawngah an tuah. An bânbunh le an calkhimhmi an puamter i an angki fual an bawrhter.

MATTHAI 6:16

“Cuhleiah, rawl nan ulh tikah, mi depde hna bantukin hmaichia in um hlah u. Zeitintiah annih nih rawl an ulh kha mi nih kan hngal hna seh tiah hmai chia ṭiamṭuam in an um tawn. Biataktein kan chimh hna, an ṭuanman an hmuh cang.

MATTHAI 23:9

Leicungah hin ahohmanh ‘Kapa’ ti hlah u; zeitintiah nan Pa cu pakhat lawng lawng a si i van i a ummi khi a si.

MATTHAI 6:9

Cucaah nannih cu hitihin thla cam u; Vancung khua i a ummi kan Pa, na min thianghlim seh.