MATTHAI 4:25 - Laibaibal Thiang (BSI)

²⁵ Galili ram, Dekapoli, Jerusalem, Judia ram le Jordan tiva ral tiangin mibu tampi an ra i Amah kha an zulh.

Lai (Hakha) Common Language Bible 2006

²⁵ Galilee ram le Khua Pahra timi peng khan le Jerusalem khua le Judea ram le Jordan tiva khattelei ral ram in mi tampi an ra i amah kha an zulh.

MATTHAI 4:25 Խաչաձեւ Հղումներ

LUKA 6:17

Cun an dihlak in an rung ṭum i lamkaltu le mitampi he hmunrawn ah an dir, mizapi hna cu Judia ram dihlak le Jerusalem khua, Tair le Sidon pawngkam rili kam i a ummi an si, a bia ngai ding le an zawtnâk damter duhah an ra,

MARKA 5:20

A kal i Dekapolis khua ah Jesuh nih a ca i thil a tuahpiakmi lianhnganning kha a tlang aupi i mi vialte nih mak an ti ngaingai.

MARKA 7:31

Cuticun Tair le Sidon ram kha a chuahtâk ṭhân i Dekapolis ram lan in Galili Rili kha a phân.

LUKA 6:19

Amah chungin a chuakmi thiltikhawhnâk nih khan a damter hna caah, mi vialte nih amah cu tongh an timh cio.

MARKA 6:2

Sabbath ni a phâk tikah sinagog ah cawnpiak a thawk hna. A cawnpiaknâk a ngaitu kha an lung a suk hna, “Hipa nih hin hi thil hna hi khuazeiindah a hmuh hnga? A sin i pêkmi fimnâk hi zeidah a si? A kut in hi tluk a nganmi thil hna a tuah khawhmi hi? tiah an ti.

MATTHAI 19:2

Mi tampi nih an zulh i cukâ ah a rak damter hna.

MATTHAI 12:15

Jesuh nih cucu a theih tikah cu hmun cu a chuahtâk. Mi tampi nih an zulh i an dih lakin a rak damter hna.

MATTHAI 8:1

Tlâng cungin a rung ṭum tikah, mibu tampi nih amah kha an zulh.

MATTHAI 5:1

Mibu kha a hmuh tikah tlâng cungah a kai i a ṭhut hnu ah zultu kha a sinah an ra.

MATTHAI 4:15

“Zebulun le Naphtali ram, rihli panhnâk lam, Jordan va ral i a ummi Galili Gentel hna;