MATTHAI 4:23 - Laibaibal Thiang (BSI)

²³ Jesuh nih an sinagog ah cawnpiak in pennâk thawngṭha kha chim in, zawtnâk le fahnâk phunkip chungin mizapi kha damter in Galili ram vialte kha a ṭol.

Lai (Hakha) Common Language Bible 2006

²³ Jesuh cu Galilee ram dihlak ah khan aa chawk i pumhnak inn ah khan a cawnpiak hna i pennak Thawngṭha kha a chimh hna i zawtnak le fahnak a ingmi a phunphun kha a damter hna.

MATTHAI 4:23 Խաչաձեւ Հղումներ

MATTHAI 9:35

Cuticun Jesuh nih an sinagog ah cawn piakin, pennâk thawngṭha kha chimin, zawtnâk le fahnâk phunkip kha dam terin khuapi he khuate he a tlawn duahmah hna.

MARKA 1:39

Cun Galili ram vialte a ṭol dih i an sinagog ah phung chimin, khuachia zong a ṭhawl hna.

LAMKALTU 10:38

Nazaret Jesuh, kha bantukin Pathian nih Thiang Thlarau le thiltikhawhnâk in sathau a thuh ning le thilṭha tuah in khual a tlawng i khuachia serhsatmi vialte a damter hnanâk kong kha, zeitintiah a sinah Pathian a um.

LUKA 7:22

Jesuh nih an sinah, “Va kal ulaw, nan hmuhmi le nan theihmi thil hi Johan cu va chim u; mitcaw nih khua an hmuh i ke beimi ke in an kal, thinghmui mi an thiang i hnachetmi nih thawng an theih, mithi thawhter an si i sifak hna nih Thawngṭha an theih.

MATTHAI 11:5

Mitcaw mi nih khua an hmuh, kei beimi ke in an kal, thinghmuimi an thiang, hnachetmi nih thawng an theih, mithi hna thawhter an si i sifak hna nih thawngṭha an theih.

MATTHAI 13:54

A umnâk khua a rak phân i an Sinagog ah a cawnpiak hna, an khuaruah a har ngaingai. “Hipa nih hin hi fimnâk le khuaruahhar tuahkhawhnâk hi khauzeiindah a hmuh?

MARKA 1:21

Cuticun Kapernaum khua ah an lut i Sabbath ni ah Sinagog ah lut in a cawnpiak hna.

SALM 103:3

Na sualpalhnâk vialte a ngaihthiam i na zawtnâk vialte a damter.

ROM 10:15

Thlah loin zeitindah an chim lai? Daihnâk thawngṭha chimtu hna an ke cu a vâ dawh dah,” tiah ṭialmi bangin.

LUKA 8:1

Cuhnu ah Jesuh cu phungchim le Pathian Pennâk Thawngṭha i ken in khuapi he khua te he a tlawng hna i a sinah hleihnih kha an um.

MARKA 6:2

Sabbath ni a phâk tikah sinagog ah cawnpiak a thawk hna. A cawnpiaknâk a ngaitu kha an lung a suk hna, “Hipa nih hin hi thil hna hi khuazeiindah a hmuh hnga? A sin i pêkmi fimnâk hi zeidah a si? A kut in hi tluk a nganmi thil hna a tuah khawhmi hi? tiah an ti.

MATTHAI 24:14

Hi vanbawi pennâk Thawngṭha hi miphun vialte theihter awkah vawlei dih lakah chim a si lai, cuticun donghnâk kha a phân lai.

MATTHAI 12:9

Cu hmun a chuahtâk hnuah an sinagog ah a lut.

JOHAN 18:20

Jesuh nih, “Vawlei theih in langhngan in ka cawnpiak tawn; Sinagog le ṭempal zongah, Judah mi an i butnâk hmunah ka cawnpiak tawn. A thlithup in zeihmanh ka chim lo.

LUKA 13:10

Sabbath ni ah Sinagog pakhat ah mi a cawnpiak hna.

LUKA 9:11

Sihmanhsehlaw mizapi nih an theih i an zulh. Anih nih a rak cohlan hna i Pathian Pennâk thawngṭha a chimh hna i damter a herhmi zong a damter hna.

LUKA 5:17

Nikhat cu a cawnpiak hna lio ah Farasih le nawlbiacawnpiaktu kha an ṭhu ve, cu hna cu Galili ram le Judia ram kip le Jerusalem in a rami an si. Mi damter khawhnâk Bawipa thiltikhawhnâk kha a sinah a um.

MARKA 6:6

An zumh lo ruangah a khuaruah a har ngai. Cuticun cawnpiak pah in khuate kha a tlawng.

MARKA 3:10

Zeitintiah mi tampi a rak damter cang hna caah zawtnâk a ngeimi pauh nih Amah kha tongh cio an timh.

MARKA 1:14

Johan thong i an thlak hnuah, Jesuh cu Pathian pennâk thawngṭha chimin, Galili ram a rak phân.

SALM 74:8

An lung in, “Hrawk dih u sih” an ti i, ramchung i Pathian biaknâk hmun vialte an khangh dih.

LAMKALTU 20:25

Pathian Pennâk bia chim i ka vahnâk hmun nannih nih hin ka mui nan hmu ti lai lo ti kha ka hngalh.

LAMKALTU 18:4

Sabbath nichiarte Sinagog ah Pathian bia a chim tawn i Judah mi le Krik mi zong a sawm khawh hna.

JOHAN 6:59

Cu bia hna cu Kapernaûm khua i Sinogog chungah chim in a cawnpiakmi an si.

LUKA 10:9

Mizaw damter ulaw, an sinah Pathian Pennâk cu nan pawngah a phân cang, tiah nan ti lai.

LUKA 6:17

Cun an dihlak in an rung ṭum i lamkaltu le mitampi he hmunrawn ah an dir, mizapi hna cu Judia ram dihlak le Jerusalem khua, Tair le Sidon pawngkam rili kam i a ummi an si, a bia ngai ding le an zawtnâk damter duhah an ra,

MATTHAI 14:14

Tikam a phâk tikah mibu tam nawn a hmuh hna, a zângfah ngai ngai hna i an zawtnâk kha a damter hna.

MATTHAI 13:19

Mizei pauh nih pennâk Thawngṭha hi a theih i a sullam a hngalh lo ahcun, mi ṭhalopa cu ara i a lungthin i a tlami thlaici cu a lâkpiak tawn. Cucu lamlak i a tlami cu a si.

MATTHAI 3:2

“I ngaihchih u, zeicatiah vanbawi pennâk cu a nai cang,” tiah a ti.

JOHAN 7:1

Cu thil hna hnu ah Jesuh nih Galili ram a ṭol i Judah mi nih thah an timh ruangah Judia ramah a kal duh lo.

LUKA 20:1

Cu cân ah nikhat cu ṭempal ah a cawnpiak hna i thawngṭha a chim lio ah tlângbawi le nawlbiacawnpiaktu le upa hna he an ra i hmaitonh in

LUKA 4:14

Jesuh cu Thlarau thiltikhawhnâk he Galili ah a kir, a thawngpang cu cuka ram hrawngah a thang dih.

LUKA 6:6

Cuticun sabbath ni dang zongah sinagog ah lut in a cawnpiak hna. Mi pakhat orhlei kut a zengmi a rak um.

LUKA 7:21

Cu cân ah Jesuh nih zawtnâk phunkip le fahnâk phunkip le thlarau ṭhalo kha a damter hna i mitcaw zong khua a hmuhter hna.

LUKA 9:60

Jesuh nih, “Mithi nih an mi thi cu vui hna seh; nangtu nih cun Pathian pennâk kong va thanh deuh,” tiah a ti.

LUKA 16:16

Nawlbia le profet hna kha Johan tiang a si. Cu hnu ah Pathian Pennâk kong hi chim a si. Luh awkah mi nih an fuh len ko.

LAMKALTU 28:31

Pathian Pennâk kong chim in, Bawi Jesuh Krih kong kha ralṭha in a cawnpiak hna i ahohmanh nih an kham lo.