MATTHAI 26:10 - Laibaibal Thiang (BSI)

¹⁰ Jesuh nih cucu a theih tikah, “Minu hi zeicadah hna nan hnawh? Ka cungah thilṭha ngai a tuahmi a si.

Lai (Hakha) Common Language Bible 2006

¹⁰ Jesuh nih an i ceihmi cu a theih i, “Zeicahdah hi nu hi nan hnahnawh? A ka tuahpiakmi hi thil ṭha le thil dawh pei a si hi.

MATTHAI 26:10 Խաչաձեւ Հղումներ

TITAS 3:8

Hihi zumhawk a tlâkmi bia, nangmah zongnih na fehter lengmang awkah ka duh, Pathian a zum cangmi hna nih thilṭha tuah peng dingin ṭha tein ruat hna seh. Hi thil hna hi minung caah a ṭha i san a tlai.

HEBRU 13:21

A duhnâk tuah dingin rianṭha kipah tlam in tlinter hna seh, Jesuh Krih thawngin a mithmuh ah a lawmh tertu nih nanmah ah `uandih ko seh, Amah sinah zungzal in zungzal tiang sunparnâk kha um ko seh. Amen.

TITAS 3:14

Cun kanmi le hna zong theipar chauh loin an um nâkhnga lo an herhnâk zawn i hman awk an ngeih khawh nâkhnga rianṭha ṭuan pengin um hna seh.

TITAS 3:1

Uktu hna le nawlngeitu hna tangah um in, an nawl ngaiding le, ṭhatnâk phunkip tuah awkah timhcia te i um ding le,

TITAS 2:14

Amah nih nawlbuarnâk vialte chungin a kan tlanh khawh nâkhnga, Amah caah thiantermi, a hlei khun in Amah mi si in, rianṭha ṭuan i â zuammi kan si khawh nâkhnga Amah hrimhrim kha kan caah â pe.

TITAS 1:16

Pathian a hngal ngaimi in an i phuang nain tuahsernâk in an hlawt tawn, fih a nungmi, nawl a ngai lomi le thilṭha tuahnâk ah a tling lomi an si.

2TIMOTE 2:21

Cucaah a hnu deuh chungin â thiantermi hna cu a thiangmi ûm, Bawipa hman awktlâk, rianṭha vialte caah timh ciain a ummi, sunh lawihmi ûm an si.

1TIMOTE 5:10

ṭhatnâk tuahnâk kongah thangṭhatmi, fale zong tlamtling in a rak bawmtu le, thilṭha kip ṭhahnem ngai i tuahtu a si ahcun nuhmei ah ṭial khawh a si.

1TIMOTE 3:1

Kawhhran hotu si a duhmi pauh cu ṭhatnâk tuah a duh timi bia hi zumhtlâk a si.

2 THESALON 2:17

nan lungthin kha hnangam terin bia ṭha phun kip le tuahsernâk phun kip in in fehter hna seh.

KOLOSE 1:10

Bawipa lawmhter awktlâk in tling tein nan nun i thilṭha phunkip tuahnâk ah theitlai chuah in Pathian hngalhnâk i nan ṭhân khawh nâkhnga,

EFESA 2:10

Thilṭha tuah dingah Krih Jesuh ah sermi kan si i Amah kutchuak kan si, cu thilṭha tuah cu kan umnâk dingah Pathian nih a rak timhlamh ciami a si.

GALATI 6:17

Atu thawkin ahohmanh nih hna ka hnawh ti hna hlah seh, zeitintiah Bawipa Jesuh chinchiahnâk cu ka pum cungah hin kâ put cang.

GALATI 5:12

An buaitertu hna cu fing tein i tan lawlaw hna sehlaw ka hei duh dah.

GALATI 1:7

Cucu Thawngṭha a si lo; nanmah buai terin Krih Thawngṭha merh a timmi an si.

2 KORIN 9:8

Cun rian ṭha kha tampi in nan ṭuan khawh nâkhnga le, zeizong vialte tling tein nan ngeih khawh nâkhnga, Pathian nih a zângfahnâk cu nan cungah tam piin an pêk hna lai.

MARKA 14:6

Asinain Jesuh nih, “Dai tein umter u. Zeiruangahdah nan zai hnawh, ka cungah thilṭha ngai a tuah.

1 PETER 2:12

Gentel mi hna sinah upat awktlâk in nung u, cuticun minih thil ṭha lo tuahtu bangin nan thang an chiat zongah, thil ṭha nan tuahmi an hmuhnâk thawngin Pathian nih a veh hna ni ah an thangṭhat ve lai.

MATTHAI 26:9

Zeitintiah hi zihmui hi man tampi ah zuar i misifak hna pek khawh a si, tiah an ti.

MATTHAI 26:11

Zeitintiah mi sifak cu nan sinah an um peng ko lai, Kei tu cu nan sinah sau ka um ti lai lo.

LUKA 8:49

A chimlio ah, Sinagog uktu inn in mi pakhat a ra i “Na fanu a thi cang, Cawnpiaktu hi buaiter ti hlah” tiah a ti.