MATTHAI 22:16 - Laibaibal Thiang (BSI)

¹⁶ Anmah zultu le Herod zultu hna he a sinah an thlah i, “Cawnpiaktu, midik na si i Pathian kong biatak in na cawnpiak tawn, minung mithmai na zoh ballo ti kha kan theih, ahohmanh na thleidang hna lo.

Lai (Hakha) Common Language Bible 2006

¹⁶ anmah zultu tlawmpal hna le Herod paṭi mi tlawmpal hna kha a sinah cun an hei thlah hna. An vaa thawh i, “Saya, nang cu lih chim hmang lomi na si ti kha kan hngalh. Pathian nih, cuticun um hna seh, a tining kha biatak tein na cawnpiak tawn hna i ahohmanh an mithmai kha na zoh hlei hna lo.

MATTHAI 22:16 Խաչաձեւ Հղումներ

MARKA 3:6

Farasih kha an chuak i Herod minung hna he i fonh zau in Amah an thah khawh nâkhnga khua an khâng.

LUKA 20:21

Annih nih, “Cawnpiaktu, dik ngaiin na cawnpiak i ahohmanh thleidang loin Pathian kong na cawnpiak tawn tiah kan hngalh.

MARKA 12:14

A sin an phâk tikah, “Cawnpiaktu, miding na si, uar khunmi zong na ngei lo, thleidan zong na ngei lo. Biatak in Pathian bia na cawnpiak tawn. Sizar sin i ngunkhuai pek hi phungning a si maw si lo dah?

MARKA 8:15

Cun an sinah, “Farasih hna thilnu le Herod thilnu chungin ṭha tein i ralring u,” tiah a ti.

1JOHAN 5:20

Pathian Fapa cu a ra i a dikmi Amah kha kan hngalh khawhnâk dingah hngalhthiamnâk a kan pêk cang ti kha kan hngalh. Kannih cu a Fapa Jesuh Krih a dikmi Amah ah khan kan um. Hihi Pathian dik le zungzal nunnâk a si.

JOHAN 18:37

Pailat nih, “Cuti a si ahcun, Siangpahrang na si ko lo maw? tiah a ti. Jesuh nih, “A dikmi na chim. Siangpahrang ka si,” Biatak chim le hngalhter hi vawlei ka chuahchan le ka rat chan a si. Biatak i a ummi pauh nih ka aw hi a ngaih tawn” tiah a ti.

JOHAN 14:6

Jesuh nih, “Keimah hi lam le, biatak le, nunnâk ka si. Keimah in dah ti lo cun ahohmanh Pa sin ah an phân bal lo.

JOHAN 7:18

Mah ṭawnchawm a chimtu nih amah sunparnâk a kawl, sihmanhsehlaw a thlahtu sunparnâk lawng a kawltu cu midik a si i Amah ah dinlonâk zeihmanh a um lo.

JEIM 3:17

Asinain cung leiin a chuakmi fimnâk cu hmaisa bik ah a thiang, cuhnu ah daihnâk a duh, a nun a nem, nawl a ngai, zângfahnâk le theipar ṭha in a khat, thleidan a ngei lo i ziar a ngei lo.

1THESALON 2:4

Asinain thawngṭha chim rian hi Pathian nih pêk awk tlak i a kan ruah bantukin kan chim tikah minung lawmhternâk men ah si loin, kan lungthin a hniksaktu Pathian lawmh terin kan chim tawn.

GALATI 2:6

A biapi deuhmi zong an rak um kho ko, kan caah zeihmanh a dang hlei lo. Pathian nih thleidan a ngei lo, cucaah biapi deuh i ruahmi an um zongah, zeihmanh a poi hlei lo.

GALATI 1:10

Minung lêmsoi maw ka timh Pathian dah? Asiloah, minung lawmhter maw ka timh? Minung lawmhtertu ka si ahcun Krih sal ka si lai lo.

2 KORIN 5:16

Cucaah atu thawk cun ahohmanh hi vawlei phungin kan zoh ti hna lo. Krih zong minung hngalh in rakhngal cang hmanh ning law, atu ah cun cu lam cun ka hngal ti lo.

2 KORIN 4:2

Ningzah awktlak thuhmi thil hna kha kan hlawt hna, zernâk in kan nung lo, asiloah Pathian bia hi zatlâng hlennâk ah kan hmang fawn lo, Pathian hmai ah biatak cu phuangin mikip chiaṭha hngalhnâk le mit hmuh ah zoh a dawh maw ti hi kan conhmi a si.

2 KORIN 2:17

Zeitintiah mi tampi nih Pathian bia hi chawlehnâk i an hman bangin kannih nih cun kan hmang ve lo; biatak tein; Pathian thlahmi kan si bangin Pathian mithmuh ah Krih ah bia kan chim tawn.

LUKA 7:40

Jesuh nih, “Simon na sinah chim awk ka ngei,” tiah a ti. Anih nih, “Cawnpiaktu, chim tuah,” tiah a ti.

MARKA 10:17

Lam i a kal lioah, mi pakhat a rak tli i khukbil in a sinah, “Cawnpiaktu ṭha, zungzal nunnâk ngeih awkah zeidah ka tuah lai?” tiah a hal.

MATTHAI 26:49

Jesuh cu ava panh cawlh i, “Daihnâk, Rabbi!” tiin a hnamh.

MATTHAI 26:18

Anih nih, “Khuapi ah mi pakhat sinah kal ulaw, Cawnpiaktu nih, ka cân a nai cang; ka Lamkaltu hna he, Lanhtâk Thô na inn ah kan tuah lai, a ti, tiah nan va ti lai,” tiah a ti hna.

MATTHAI 22:26

Pahnihnâk zong fa ngei loin a thi, pathumnâk le pasarihnâk tiangin fa ngei loin an thih tâk.

MATTHAI 22:24

“Cawnpiaktu, Moses nih, fa ngei loin mi a thih ahcun, a nau nih fa a ngeihpiak lai tiah,” a ti.

PHUNGTHLÛKBIA 29:5

A innpa a deu in a thangṭhattu nih, a ke awhnâk sur a phah a si.

SALM 55:21

A hmurkâ chuak bia hna cu cawhnuk khal bangin a nal, asinain a lungthin ah raldohnâk a um; a bia cu chiti bangin a tlawr, asinain a harmi namte bantuk a si.

SALM 12:2

An innpa hna he biasawng an tlawrh sawhsawh i vêlhle hmurkâ le lung hnih putin bia an chim.

SALM 5:9

Zeitintiah ankâ ah zumhtlâksinâk a um lo; an chunglei cu rawhnâk a si; an hrom cu onmi thlân a si; anlei lawngin mi an thangṭhat.

MARKA 12:13

A bia in an tlaih khawh nâkhnga Farasih le Herod mi kha a sinah an thlah.