MATTHAI 21:41 - Laibaibal Thiang (BSI)

⁴¹ Annih nih, “Cu misual hna cu fak piin a hrem hna hnu ah a hrawh dih hna lai i misur dûm cu zohkhenhtu dang, a cân a zat tikah a hmuh hngami a pe khotu sinah a chiah lai,” tiah an ti.

Lai (Hakha) Common Language Bible 2006

⁴¹ “Cu miṭhalo hna cu a thah hrimhrim hna lai i a theitlai a pe dingmi midang kha dum cu a hlanh hna lai,” tiah an leh.

MATTHAI 21:41 Խաչաձեւ Հղումներ

LAMKALTU 18:6

Asinain an rak doh i an thangchiat tikah a puan a thinhnawh hna i an sinah, “Nan thisen mawh cu nan lucung ah tla seh, kei cu ka thiang. Atu thawk in Gentel hna sinah ka kal cang lai,” tiah a ti.

MATTHAI 21:43

Cucaah kan chimh hna, Pathian pennâk cu nan sin in lâk a si lai i theitlai a chuah hngami miphun sinah pêk a si lai,” tiah a ti hna.

LAMKALTU 28:28

“Cucaah Pathian khamhnâk bia hi Gentel mi hna sinah kuat a si cang tihi hngal ko u, annih nih an ngaih lai,” tiah a ti.

HEBRU 12:25

I ralring u Biachimtu hi nan rak hlawtsual lai. Zeitintiah vawlei i Biachimtu an duh lo ruangah hremnâk in an luat khawh lo ahcun van in Biachimtu zei i kan rel lo sual ahcun kan luat lo chin chin lai,

HEBRU 2:3

hi tluk in a nganmi khamhnâk hi zei rel loin kan um ahcun, zeitindah kan luat khawh lai? Cucu a hramthawk ah Bawipa nih a rak chim i a theitu hna nih kan sinah an fehter.

1THESALON 2:16

Gentel mi hna khamh an si khawh nâkhnga an sin i phungchim an kan thlauh, an sualnâk nih a donghnâk a phân, asinain a donghnâk ahcun thinhunnâk cu anmah cung li la ah a phân.

LAMKALTU 28:8

Publius pa cu raifanh le senten in a rak zaw i a it ko. Paul cu a sinah a lut i a cungah kut chuangin thla a camh i a dam.

LAMKALTU 15:7

Fakpi in an i al hnuah, Peter a dir i, “Unau hna, Gentel mi nih keimah hmurkâ in Thawngṭha bia an rak theih i an zumh khawh nâkhnga tuan deuh ah Pathian nih a ka thimning zong nan hngalh ko.

MATTHAI 3:12

A kut in sisiap â put i hrih ah facang kha a zah lai, a fangṭha kha bukah a khumh hna lai, asinain a hi vialte cu a mit kho lomi mei ah khangh an si dih lai,” tiah a ti hna.

SALM 2:9

Thirfung in na khuai hna lai; ûmsertu bangin na khuai cikcek hna lai,” tiah a chim cang.

MATTHAI 21:34

A thei ṭuancân a zat tikah a tlai hmasa mi a co nâkhnga dûm zoh khenhtu hna sinah sinum kha a thlah hna.

MATTHAI 21:40

Cuticun misur dûm ngeitu a rat tikah dûm congtu hna cu zeitindah a tuah lai? tiah a ti.

LUKA 20:16

Ara lai i dûm congtu hna cu a hrawh dih lai i dûm congtu dang sinah a pêk lai, tiah a ti. Cu bia an theih tikah, biangaitu hna nih, cucu phân sawh hlah seh, tiah an ti.