MATTHAI 18:7 - Laibaibal Thiang (BSI)

⁷ Tluknâk ruangah vawlei hi chiatserh si ko seh. Zeitintiah tluknâk kha a um awk hrimhrim a si; asinain tluknâk a umtertu cungah chiatserhnâk tlung ko seh.

Lai (Hakha) Common Language Bible 2006

⁷ Vawlei cungah hin cu bantuk tlukrilhnak a um caah a va poi hringhran dah! Cu bantuk cu a um ṭheoṭheo ko lai, sihmanhsehlaw cu bantuk a umtertu caah cun ṭihnung a si hringhran ko.

MATTHAI 18:7 Խաչաձեւ Հղումներ

LUKA 17:1

Cuhnuah a lamkaltu hna sinah, tluknâk hi umlo kho a si lo. asinain tluknâk a umtertu cu ngaihchia a va si dah!

1 KORIN 11:19

Nanlakah a taktak a simi an langhkhawh nâkhnga zumhnâk phundang a ngeimi zong an um awk a si.

MATTHAI 26:24

Mi Fapa hi a kong an rak ṭial bantuk te khan a kal lai. Asinain Mi Fapa a rawitu cungah chiat tlung ko seh! cu minung cu chuak loin rak um sehlaw a caah a ṭha deuh lai,” tiah a ti.

JUDAS 1:4

Zeitintiah mizei maw a thliin an lut, cu hna cu Pathian-zeiaharellomi an si, Pathian zângfahnâk hi hornâk caah an hman i kan ngeih chun, Bawipa Pathian le kan Bawipa Jesuh Krih zong an hlawt, cubantuk mi hna cu hlan lio pi khan thiamlo co ding ah ruah ciami an si.

TITAS 2:8

a kan dohtu hna nih thangchiatnâk ding zeihmanh an hmuhlo ruang i an ning a zah nâkhnga sawi awk umlo bia dawh kha hman i zuam.

TITAS 2:5

biachim â ralringmi, a thiangmi, chungkhar kilkhawitu le ṭha te i um ding le an va le nawl ngai dingin, cawnpiak hna, cucu Pathian bia hi thangchiat i a um sual nâkhnga lo caah a si.

1TIMOTE 6:1

Pathian min le a cawnpiaknâk thangchiat a si nâkhnga lo, sal hngawngkual banhmi ṭemchih sal vialte nih anmah le hotu hna cu zeizong kip ah thangṭhat tlâk an si zia hngal hna seh.

LAMKALTU 1:16

unau hna, “Thiang Thlarau nih David kâ in Jesuh a tlaitu hna hruaitu pa Judas kong Cathiang ah a rak chimchungmi hi a tlin awk a si ko,

JOHAN 17:12

Vawlei i an sin ka um lio ah khan na min in ka kilven hna, an lakah lotlau fapa dah ti lo cu pakhat hmanh an tlau lo; cu zong cu cathiang a tlin nâkhnga caah a si.

MARKA 13:7

Ral dohnâk le raltuknâk thong nan theih lai, asinain buai hlah u, zeitintiah cu thil hna cu a um hrimhrim awk a si, asinain donghnâk cu a si rih lai lo.

MATTHAI 16:23

Asinain Peter kha a mer hnawh i “Satan, ka hnu ah kal! Ka caah tluknâk na si, Pathian thil kha ruat loin minung thil kha na ruah caah a si,” tiah a ti.