MATTHAI 18:14 - Laibaibal Thiang (BSI)

¹⁴ Cubantukin hi hna lak i a hme bik pakhat te tlau hmanh hi van i nan Pa duhning a si lo.

Lai (Hakha) Common Language Bible 2006

¹⁴ Cu bantukte cun, vancung khua i a ummi nan Pa nih, hi ngakchia tete pakhatte hmanh hi tlauter a duh hna lo.

MATTHAI 18:14 Խաչաձեւ Հղումներ

2 PETER 3:9

Mi cheu khat nih nuar ngai i an ruah bangin, Bawipa cu a biakam ah a nuar lo, ahohmanh an tlau duh loin, mi vialte i ngaihchih hna seh tiah kanmah leiah a lung a sau caah a si.

JOHAN 17:12

Vawlei i an sin ka um lio ah khan na min in ka kilven hna, an lakah lotlau fapa dah ti lo cu pakhat hmanh an tlau lo; cu zong cu cathiang a tlin nâkhnga caah a si.

JOHAN 21:15

Thaithawh ei dih ah, Jesuh nih Simon Peter sinah, “Simon, Jonah fapa, hi hna nâk in naka daw deuh maw? tiah a ti. Anih nih,” A si, Bawipa, kan tlaihchan kha na hngalh,” tiah a ti. Anih nih, “Ka tuu fale kha cawm hna” tiah a ti.

HEBRU 12:13

cuticun kebei mi kha tlu sawn loin damter an si nâkhnga, nan ke caah nan lam kha dinter hna u.

2TIMOTE 2:10

Cucaah Krih Jesuh khamhnâk cu zungzal i lianngannâk he an hmuh ve nâkhnga thimmi hna ruangah thil vialte ka tuar tawn.

LUKA 12:32

Bu tlawmte hna, ṭih hlah u, zeitintiah pennâk pêk hi nan Pa lawmhnâk a si.

MATTHAI 6:32

Zeitintiah cu thil vialte cu Gentel mi nih an kawl tawn. Asinain cuvialte cu nan herh dih ti kha vanlei nan Pa nih a hngalh dih ko.

MATTHAI 6:9

Cucaah nannih cu hitihin thla cam u; Vancung khua i a ummi kan Pa, na min thianghlim seh.

MATTHAI 5:16

Cubangin nan ceunâk cu mi hmaiah ceu seh law nan tuahmi ṭhatnâk kha an hmuh lai i van i a ummi nan Pa kha an thangṭhat lai.

MATTHAI 18:13

Biataktein kan chimh hna, a hmuh ṭhân ahcun a tlau lomi sawmkua le pakua hna nâkin pakhat te cungah khan â lawm deuh lai.

MATTHAI 18:15

Cun na unau nih na cungah sualnâk a tuah ahcun, va kal law, amah le nangmah lawng nan si lio ah na chimhhrin lai. Na bia a ngaih ahcun, na unau na tei cang.