MATTHAI 13:30 - Laibaibal Thiang (BSI)

³⁰ Rawlṭuan tiangin umṭi ko hna seh, rawlṭuan tikah a ṭuntu hna sinah, a deu kha khawm hna ulaw meiphu ah paih hna u, a ṭhami kha buk chungah khumh hna u, ka ti te hna lai,” tiah a ti.

Lai (Hakha) Common Language Bible 2006

³⁰ Rawl kung le belh cu hmunkhat ah rawl ṭuan caan tiang ṭhang ṭi ko hna seh. Cun khi tikah rawl ṭuantu pawl cu ka thawh hna lai i: Belh kha bawt hmasa hna u law mei chung i paih awkah tom hna u; cun rawl kha ṭuan hna u law ka buk chungah rawn hna u, ka ti hna lai,’ a ti,” tiah a ti.

MATTHAI 13:30 Խաչաձեւ Հղումներ

MATTHAI 3:12

A kut in sisiap â put i hrih ah facang kha a zah lai, a fangṭha kha bukah a khumh hna lai, asinain a hi vialte cu a mit kho lomi mei ah khangh an si dih lai,” tiah a ti hna.

1TIMOTE 5:24

Cheu khat sualnâk cu alang cawlh i lehrulh an si cawlh ve. Cheukhat sualnâk cu a lang zau lomi zong a um.

1 KORIN 4:5

Cucaah Bawipa a rat hlan i a cân a phâk hlanah hin zeihmanh hniksak hlah u. Amah nih khuamui i thuhmi hna kha khuaceu ah a langhter te lai. Lungchung i timhmi zong kha a langhter dih lai. Cucân ah kan co tawk cio thangṭhatnâk zong Pathian sinin kan hmuh cio lai.

JOHAN 15:6

Keimah i a um peng lomi cu nge bangin hlawnh a si i a uai i mei chungah hlawnh a si i a kâng tawn.

MATTHAI 25:32

A hmaiah miphun vialte an i pum lai i tuukhal nih meheh lakah a tuu hna a ṭhen tawn bangin, a ṭhen hna lai.

LUKA 3:17

A kut in sisiap â ken i a hrih ah a zah lai, cun a fang kha bukah a khumh lai i a hi tu cu a mit lomi mei in a khangh lai,” tiah a ti.

MATTHAI 25:41

Cutikah, a kehlei mi hna sin zongah, ‘Chiatserh mi hna, zungzal mei, khuachia le a zultu hna ca i timhlamh miah ka kaltâk ko u;

MATTHAI 13:25

Asinain zan i â hngailh lio ah a ralpa a ra i ciṭha lakah ciṭha lo a deu kha a rak vorh i lo diam a kal.

MATTHAI 13:29

Anih nih, “Sihlah e, a deu nan khawmhnâk ah a tak nan hrawh sual lai.