MATTHAI 13:23 - Laibaibal Thiang (BSI)

²³ Asinain lei ṭha i a tlami cu bia a hnâ in a theih i a sullam a hngalmi kha an si; theitlai a chuahmi cu a let zakhat, a let sawmruk le a let sawmthum in a karh tawn.

Lai (Hakha) Common Language Bible 2006

²³ Cun vawlei ṭhatnak hmun i a tlami thlaici cu Vancung Pennak kong kha a thei i a sullam zong a hngalmi kha an si. Thei kha an tlai i a cheu cu a let za khat in, a cheu cu a let sawm ruk in, a cheu cu a let sawm thum in an karh,” tiah a ti.

MATTHAI 13:23 Խաչաձեւ Հղումներ

FILIPI 1:11

Pathian suparnâk le thangṭhatnâk caah, Jesuh Krih i a ummi dinnâk theitlai in nan khat lai.

JOHAN 15:16

Nannih nih nan ka thim lo, keimah nih kan thim hna, theiṭha chuah awk le a hmunmi theitlai chuah dingin kan ruahmi hna nan si, ka min in Pa sinah nan halmi pauh an pêk hna nâkhnga.

MATTHAI 12:33

Thingṭha cu a thei a ṭha, nan ti lo le, thingchia cu a thei zong a chia ti lawlaw u, thing cu a theiin hngalh a si.

MATTHAI 13:8

Sihmanhsehlaw cheukhat lei ṭha ah tla i a let zakhat, a let sawmruk, a let sawmthum in theitlai an chuah.

KOLOSE 1:6

cucu vawlei vialte ah a phân i theitlai a chuah bantukin nan sin zongah a rak phân, Pathian zângfahnâk biatak nan ngaih i nan hngalh hnuah nanmah lak zongah theitlai a chuah cuahmah lio a si;

MATTHAI 3:8

Cucaah theitlai chuah lak in i ngaihchih u,

LUKA 13:9

A tlai ahcun a ṭha tuk lai. Asinain a tlai lo ahcun na hau ko lai,” tiah a ti.

1JOHAN 5:20

Pathian Fapa cu a ra i a dikmi Amah kha kan hngalh khawhnâk dingah hngalhthiamnâk a kan pêk cang ti kha kan hngalh. Kannih cu a Fapa Jesuh Krih a dikmi Amah ah khan kan um. Hihi Pathian dik le zungzal nunnâk a si.

2 PETER 3:18

Kan Bawipa le khamhtu Jesuh Krih zângfahnâk le hngalhnâk ah khan ṭhang ko u. Atu le zungzal tiangin Amah sinah sunparnâk um ko seh. Amen.

KOLOSE 1:10

Bawipa lawmhter awktlâk in tling tein nan nun i thilṭha phunkip tuahnâk ah theitlai chuah in Pathian hngalhnâk i nan ṭhân khawh nâkhnga,

HEBRU 8:10

Cuhnuah Isarel chungkhar hna sin i biakam ka tuah laimi cu hihi a si, BAWIPA nih a ti. An ruahnâk ah ka nawlbia hna ka chiah lai i an lungthin ah ka ṭial lai. An Pathian ka si lai i annih cu ka mi an si lai.

HEBRU 4:2

A ngaingai tiah, kan sin i chim a si bangin Thawngṭha kha an sin zongah chim a si ve ko, asinain a ngaitu hna nih zumhnâk he an fonh hna lo ruangah an ngaihmi bia kha san an tlaihpi lo.

2 THESALON 2:10

cun a lotlau ding a simi hna cu, dinlonâk vialte in hlen an si lai, zeicatiah khamh an si khawh nâkhnga dawtnâk biatak kha an cohlang duh lo.

1THESALON 4:1

Cuticun ule nau hna a donghnâk ah, Pathian lawmh terin nan nun khawh nâkhnga le kan sinin nan hmuhmi bantuk kha tam chinchin in nan ngeih nâkhnga Bawipa Jesuh ah tha pêk pah in kan nin nawl hna,

FILIPI 4:17

Thilpêk ka kawl lo, nanmah ah theitlai kha karh hna seh ti kha ka kawlmi a si.

2 KORIN 9:10

Cubangin thlaici tuhtu sinah thlaici petu, eiawk rawl petu, thlaici petu le karhtertu, dinnâk theitlai karhtertu nih,

LAMKALTU 17:11

Cu khuami hna cu Thesalonika khuami hna nâk in an ṭha deuh, bia kha timhcia tein an rak cohlan, hi thil hna hi a si taktak maw si taktak lo ti hngalhnâk caah nichiar tein Cathiang in an dothlat.

LAMKALTU 16:14

Cuticun nu pakhat, a min Lidia nih kan bia a ngai. Amah cu maimaw puansen zuartu, Thiatira khua mi, Pathian a biami a si. Paul nih a chimmi bia ṭha te i ngai dingin Bawipa nih a lungthin a onpiak.

JOHAN 8:47

Pathian mi nih Pathian bia a ngaih tawn. Nannih nih ka bia nan ngai lo, zeicatiah Pathian ta nan si lo caah,” tiah a ti.

LUKA 8:15

Asinain lei ṭha i a tlami tu cu, lungthin fel le ṭha in bia cu an theih, an i cinken peng i tuar khawhnâk he thei tlai an chuah tawn.

MARKA 10:15

Biataktein kan chimh hna, Pathian pennâk cu ngakchia te nih a lawmh bantukin a lawm lomi pauh cu a chungah a lut lai lo,” tiah a ti.

MARKA 4:20

Asinain leiṭha i vorh cu hibantuk hi an si; bia cu thei in a pom i a let sawmthum, a let sawmruk, a let zakhat i theitlai a chuahmi hna an si,” tiah a ti.

MATTHAI 3:10

Atu zongah thingkung hram kipah hreitlung an chiah cang. Theiṭha a tlai lomi pauh cu an hau lai i meiphu ah hlawnh a si lai.

HEBRU 6:7

Ruahnih a surh tawnmi vulei, rianṭuantu hna caah theipar a chuah ahcun Pathian thlauchuah an hmuhmi a si.

LUKA 8:8

Asinain cheukhat cu leiṭha ah a tla, a ṭhang i a let zakhat in thei a tlai,” tiah a ti. Cu bia a chim lio ah a au i, “Theihnâk dingah hna a ngeimi pauh nih thei ko seh,” tiah a ti.