MATTHAI 13:11 - Laibaibal Thiang (BSI)

¹¹ Anih nih, “Vanbawi pennâk biathli hi nan hngalh dingah pêk nan si, asinain annih cu pêk an si ve lo ruangah a si,” tiah a ti.

Lai (Hakha) Common Language Bible 2006

¹¹ Annih cu a leh hna i, “Vancung Pennak kong biathli hngalhnak cu nannih cu pek nan si cang, sihmanhsehlaw hi hna cu pek an si lo.

MATTHAI 13:11 Խաչաձեւ Հղումներ

1 KORIN 2:14

Vawlei mi nih cun Pathian Thlarau thil kha an cohlang duh lo, zeitintiah a nih caah cun hruhbia an si, thlarau leiin hngalh fian a si caah an hngal kho hrimhrim lo.

MATTHAI 19:11

Anih nih, “Cu bia cu a pêkmi hna ca dah ti lo ahcun mikip pom khawh a si lo.

JEIM 1:5

Nan lakah fimnâk a baumi nan um ahcun, Pathian sinah hal seh law, mi vialte sinah siangngai le uilo tein a pe tawntu nih a pêk lai.

1JOHAN 2:27

Asinain Amah sin in nan comi sathau thuhnâk kha nan chungah a hmun i aho cawnpiak hmanh nan herh lo; sathau thuhnâk lila nih khan thil vialte an cawnpiak hna, cun lih si loin a dikmi a si, cawnpiak nan sining te khan Amah ah hmun ko u.

1JOHAN 2:20

Asinain nan nih cu Mi Thiang nih chiti an thuh hna i zeizong vialte nan hngalh.

MATTHAI 16:17

Jesuh nih a sinah, Jonah fapa Simon, mithluachuak na si, titsa le thisen nih an hngalhtermi a si lo, van i ka Pa nih an hngalhtermi na si.

EFESA 1:9

Amah nih â tinhning le lawmhning tein, a duhnâk biathli cu kan sinah a phuan cang,

EFESA 5:32

Hihi a thûk ngaimi biathli pakhat a si, asinain Krih le a kawhhran kong ka chim.

ROM 16:25

Ka Thawngṭha le Jesuh Krih chimmi bang i an fehter khotu hna, Amah sinah vawlei serka in biathli â thupmi phuan a si bangin,

LUKA 8:10

Anih nih, “Nan nih caah cun Pathian pennâk biathli hi hngalhsian a si. Asinain midang sinah cun tahchunhnâk lawng in chim a si, an zoh ko nain an hmuh nâkhnga lo le an theih ko nain an hngalh khawh nâkhnga lo, tiah a ti.

1 KORIN 15:51

Ngaihmanh u biathli kan chimh hna lai. Kan dihlakin kan i hngilh dih theng lai lo, asinain thlen in kan um lai,

1 KORIN 2:7

Asinain Pathian biathli fimnâk kha kan chim tawn, â thupmi fimnâk, kan sunparnâk dingah Pathian nih vawlei ser hlanin a ruah cangmi kha,

JOHAN 6:65

Cun a chim ṭhân i, “Cucaah dahkaw nan sinah Pa nih a pêk hna dah ti lo ahcun ahohmanh ka sinah nan ra kho lo, tiah kan ti hna kha,” tiah a ti.

1TIMOTE 3:9

zumhnâk biathli chiaṭha hngalhnâk thiangin a tlaitu an si awk a si.

1 KORIN 13:2

Biaphuan thilpêk co in, bia thli hna le hngalhnâk vialte ngei in, tlângṭhial khawhnâk zumhnâk vialte ngei hmanh ninglaw dawtnâk ka ngeih lo ahcun pakpalawng ka si lai.

MARKA 4:11

Anih nih, “Pathian pennâk biathli theih cu nannih caah cun sian a si, asinain lênglei mi hna caah cun zeizong vialte hi tahchunhnâk in chim a si;

KOLOSE 2:2

Pathian, Pa le Krih biathli hngalhnâk kongah an lungthin cu thazâng pêkmi a si i dawtnâk ah i funtom in a fekmi theihthiamnâk tling le rumnâk vialte kha an co khawh lai,

EFESA 6:19

cun thawngṭha biathli cu phuang dingin pêk ka si i ka kâ ka ân i ral ṭhain ka chim khawh nâkhnga thla ka campiak ve u,

1 KORIN 4:7

Zeitintiah midang nâkin phundang deuh in an sertu hna cu ahodah an si? Cun nan cohlan mi hlei in hmuhmi dang nan ngei maw? Na cohlan ko nain zeiruangahdah a cohlang lomi bangin na hmaihngal pi?

1 KORIN 4:1

Kan nih hi Krih sinum le Pathian biathli kengtu ah mi nih kan ruat hna seh.

JOHAN 7:17

Amah duhnâk tuah a duhmi pauh nih ka cawnpiakmi hi Pathian sin in maw a si, keimah ṭawnchawm dah a si a hngalh ko lai.

SALM 25:14

BAWIPA biathli cu amah ṭihzahtu sinah a um i a biakam cu a hmuhsak hna lai.

1TIMOTE 3:16

Pathianmisinâk biathli liannganning cu elkhawh a si lo. Pathian cu thisa ah â cang i Thlarau ah thiamcoter a si, vanmi nih an hmuh i Gentel mi hna sinah aupi le vawlei mi nih an zumh i sunparnâk ah kaipimi a si.

EFESA 1:18

nan lungthin mit dei terin, Amah kawhnâkah ruahchannâk le, mithiang hna ro coding a sunlawi ning le a rumning kha nan hngalhfian khawh lai,

LAMKALTU 16:14

Cuticun nu pakhat, a min Lidia nih kan bia a ngai. Amah cu maimaw puansen zuartu, Thiatira khua mi, Pathian a biami a si. Paul nih a chimmi bia ṭha te i ngai dingin Bawipa nih a lungthin a onpiak.

MATTHAI 13:10

Cun lamkaltu kha a sinah an ra i, “Zeiruangahdah tahchunhnâk in an sinah bia na chim?” tiah an ti.

MATTHAI 20:23

Cuticun an sinah, “Ka hrai cu nan din ko lai, ka in hngami baptisma zong nan in ve ko lai, asinain ka orh le keh i ṭhutnâk nawl cu Keimah pek awk a si lo, ka Pa nih a timhhlamh piakmi hna caah a si,” tiah a ti.

MARKA 10:40

Asinain ka orhlei le ka kehlei i ṭhutnâk nawl cu keimah pêk awk a si lo. An timhpiakmi hna caah a si,” tiah a ti hna.

ROM 11:25

Ule nau hna, hi biathli hi nan hngalh lo ka duh lo, culoahcun nanmah le nanmah nan i fimter sual lai: Gentel mi hna tlamtlinnâk a phâk hlan pauh cu Israel mi hna cungah lungpinnâk a um rih.