MATTHAI 12:34 - Laibaibal Thiang (BSI)

³⁴ Rul fale hna, misual nan si buin biaṭha nan chim kho hnga maw? Lungthin i a liammi kha kâ nih a chim tawn.

Lai (Hakha) Common Language Bible 2006

³⁴ Rul hna, zeitindah miṭhalo nan si ahcun nan kaa in bia ṭha cu a chuah khawh lai? Kaa nih cun lungchung i a khatmi kha pei a chim cu.

MATTHAI 12:34 Խաչաձեւ Հղումներ

LUKA 6:45

Miṭha nih a lungchung i robawm chungin thilṭha a chuahter tawn i misual nih a lungchung i robawm ṭhalo chungin thilṭha lo a chuahter tawn. Zeitintiah lungthin chungin a liammi cu kâ nih a chim tawn.

MATTHAI 15:18

Asinain kâ in a chuakmi tu hi, lungthin in a rak chuakmi an si i cu nih cun minung hi a thûrter.

EFESA 4:29

Bia ṭhalo nan kâ in chuak hlah seh, mi ṭhatnâk ding bia tu chim deuh ulaw, nan bia ngaitu caah zângfahnâk si ko seh.

1JOHAN 3:10

Hitihin Pathian fa le khuachia fa cu langhter a si. Dinnâk a tuah lomi pauh cu Pathian ta an si lo, a unau a daw lotu zong Pathian ta an si lo.

MATTHAI 12:35

Miṭha nih cun a ro bawm chung i thilṭha a chuahter tawn i mi ṭhalo nih â khawnmi thilṭha lo kha a chuahter tawn.

JOHAN 8:44

Nannih cu nanpa khuachia ta nan si i a duhmi kha tuah nan duh. Amah cu a hramthawk in lainawng a rak si, biatakah a um lo, a chungah biatak a um lo caah. Lih a chim tikah, amah kokek a chimmi a si, anih cu milihchim a si i lih pa zong a si.

MATTHAI 23:33

Rul hna, rul fale hna, hremhmun hremnâk cu zeitindah nan luat khawh lai.

SALM 64:3

Cuhna nih an lei hna cu vainam bangin an hâr ter i an likuk cu kuai in a khâmi bia in kah an timh tawn hna,

MATTHAI 3:7

Asinain Johan nih Farasih le Sadusih mi baptisma ing ding i an rat kha a hmuh tikah, “Rul fale hna! A ra laimi thinhunnâk zâmtâk dingin ahonihdah ralrin an pêk hna?

LUKA 3:7

Anih nih, a sin i baptisma in awkah a rami mizapi sinah, “Rul fale hna, a ra laimi thinhunnâk zâmtâk dingin, ahonihdah ralrinnâk an pêk hna?

SALM 53:1

Mihrut nih a lungthin in, “Pathian a um lo,” tiah a ti; an rawk dih i fih a nungmi sualpalhnâk kha an tuah; ṭhatnâk a tuahmi an um lo.

SALM 64:5

Ṭhatlonâk tuah awkah thazâng an i pe i a thli tein rap chiahnâk kong an ceih tawn, “Ahonihdah a hmuh lai,?” tiah an ti.

PHUNGTHLÛKBIA 4:23

Thildang vialte nâkin na lungthin ṭha tein kilveng, zeitintiah nunnâk rak chuahnâk hram a si.

PHUNGTHLÛKBIA 16:23

Mifim lungthin nih a hmurkâ a cawnpiak tawn i a hmurkâ in thiamnâk a chapchih tawn.

EFESA 5:4

zer kong caih le, holh dawhcah lo le, a thûrhnawmmi capo saih zong hi nan caah â dawh lo, cu nâk cha cun, lawmhnâk biatu chim deuh u.

JEIM 3:2

Zeitintiah kan dihlak in thil tampi ah sualnâk kan tuah tawn. Bia chim lei i a palh lomi cu mi tlamtling a si i a pum â uk khomi a si.