MATTHAI 11:25 - Laibaibal Thiang (BSI)

²⁵ Cu cân ah Jesuh nih, “Maw, ka Pa, lei le van Bawipa, Nangmah nih mifim le mithiam hna lakah hi bia hi na thuh i ngakchia sem sin tu ah na phuan caah lawmhnâk bia kan chimh.

Lai (Hakha) Common Language Bible 2006

²⁵ Khi caan ah khan Jesuh nih aa thawh i, “Maw ka Pa, van le vawlei a uktu. A fimmi le cathiammi hna sinin na thuhmi kha cathiam lomi hna sinah na langhter caah na cungah ka lawm.

MATTHAI 11:25 Խաչաձեւ Հղումներ

MATTHAI 21:16

A sinah, “Hi hna chimmi hi na thei maw? an ti i Jesuh nih, “Ka theih ko, ‘Ngakchia hna le hnukding liomi hna hmurkâ i a chuakmi nih thangṭhatnâk a tlinter timi hi, nan rel bal lo maw? tiah a ti hna.

SALM 8:2

Bawhte hna le hnuk ding lio hmurkâ in a chuakmi in ṭhawnnâk na fehter, zeicatiah na ral hna ruangah phuhlamtu le ral na daihter khawh nâkhnga.

MATTHAI 16:17

Jesuh nih a sinah, Jonah fapa Simon, mithluachuak na si, titsa le thisen nih an hngalhtermi a si lo, van i ka Pa nih an hngalhtermi na si.

2 KORIN 3:14

Asinain an ruahnâk cu cawtter a si. Zeitintiah nihin ni tiangin Biakam hlun an rel tikah hmaikhuhnâk cu ong loin a um peng, cu hmaikhuhnâk cu Krih ah lak a si cang.

LAMKALTU 17:24

Pathian, vawlei le a chung i a ummi vialte a sertu cu lei le van Bawi a si caah, kut i sakmi ṭempal ah a um lo.

JOHAN 11:41

Cuticun mithi an chiahnâk hmun i lung cu an lak i Jesuh cu vanlei zoh in, “Ka Pa, ka bia na ngaih ruangah na cungah kâ lawm.

LUKA 22:42

“Ka Pa, rem na ti ahcun, hi hrai hi ka sin in ka ṭhial piak ko, asinain keimah nawl si loin, nangmah nawl siseh,” tiah a ti.

LUKA 23:34

Jesuh nih, “Ka Pa annih hi ngaithiam hna, zeitintiah an tuahmi hi an hngal lo,” tiah a ti. A hnipuan kha camcawhfung zuh in an i phaw.

JOHAN 12:27

Atu ah hin ka nunnâk a ngaih a chia, zeidah ka chim kun lai? Ka Pa, hi cân ah hin ka khamh ko ka ti ko lai maw? Asinain hihi ka rat chan a si.

JOHAN 12:28

“Ka Pa, na min thangṭhat tuah,” tiah a ti. Vanin aw a rak chuak i, “Ka thangṭhat cang, Ka thangṭhat rih ko lai,” tiah a ti.

1 KORIN 2:10

Asinain cucu Pathian nih kan sinah a Thlarau in a kan hngalhter. Thlarau nih cun zeizong vialte a dahhriah dih, asi, a thûkmi Pathian bia zong.