MATTHAI 10:23 - Laibaibal Thiang (BSI)

²³ Hi khua i an in serhsat hna ahcun, khau dangah zâm u. Biataktein kan chimh hna, Mi Fapa a rat hlanah, Israel khua hna hi nan ṭol dih manh lai lo.

Lai (Hakha) Common Language Bible 2006

²³ Cun khua pakhat i an in hrem hna tikah, khua dang ah va zaam ko u. Hihi kan chimh hna: Mi Fapa a rat hlanah, Israel ram khua dihlak kha nan ṭol dih manh hna lai lo.

MATTHAI 10:23 Խաչաձեւ Հղումներ

MATTHAI 16:28

Biataktein kan chimh hna, hika i a dirmi hna lakah hin, Mi Fapa a pennâk i a rat an hmuh hlan lo thihnâk a tep lo ding an um,” tiah a ti hna.

LAMKALTU 17:10

Unau hna nih cu zan lila ah Paul le Sailas kha Beria khua ah an kalter hna. Cuka an phâk tikah Judah mi sinagog ah an lut.

LAMKALTU 8:1

Saul zong nih a thih cu a hna a tla ve. Cu cân thawk in Jerusalem i kawhhran kha fak piin serhsat an thawk hna. Lamkaltu hna dah ti lo cu Judia le Samaria ramah an i ṭhek dih.

MARKA 13:26

Cu hnu ah Mi Fapa hi thiltikhawhnâk lianhngannâk le sunparnâk he khuadawm lak i a rat kha an hmuh lai.

LUKA 21:27

Cu cân ah Mi Fapa hi thiltikhawhnâk le a liannganmi sunparnâk he minmei lak i a rat kha an hmuh lai.

LUKA 18:8

Kan chimh hna, ‘An phu cu khulrangin a hlampiak hna lai. Asinain Mi Fapa hi a rat tik ah vawlei ah hin zumhnâk a hmu hnga maw?” tiah a ti.

JOHAN 7:1

Cu thil hna hnu ah Jesuh nih Galili ram a ṭol i Judah mi nih thah an timh ruangah Judia ramah a kal duh lo.

MATTHAI 26:64

Jesuh nih, “Na chimning kha a si ko. Asinain kan chimh, tu hnu ah Mi Fapa hi Thiltikho orhlei kam i a ṭhut le, van in khuadawm lak i a rat kha na hmuh lai,” tiah a ti.

MATTHAI 24:30

Cucân ah Mi Fapa hmelchunhnâk cu vanah a lang lai i vawlei miphun vialte cu ngaihchia in an hrûm an ai lai. Mi Fapa hi thiltikhawhnâk le a lianngami sunparnâk he vanah khuadawm lak i a rat kha an hmuh lai.

LAMKALTU 17:14

Cuticun unau hna nih rili tiang kal dingin Paul cu an thlah, Sailas le Timote tu cu cuka ah an câm.

MATTHAI 25:13

Cucaah, Mi Fapa ratnâk a ni le a suimilam cân nan hngalh lo caah, ralring tein um u, tiah a ti hna.

MATTHAI 24:48

Asinain a sualmi sinum nih a lung chungin, kapu cu tuanah ara lai lo tiah ruah in,

MATTHAI 24:27

Zeitintiah Nimtlau â lek i vanhram deng tiangin a ceuh bantukin Mi Fapa a rat niah cun a si te lai.

MATTHAI 23:34

Cucaah nan sinah, profet hna le, mifim hna le, nawlbiacawnpiaktu kha ka rak thlah hna lai, cheukhat nan rak thah hna lai i vailamah nan tah hna lai, cheukhat sinagog ah nan velh hna lai, khua kipah nan rak serhsat ṭhân hna ko lai.

MATTHAI 4:12

Johan kha thongah thlâk a si ti kha Jesuh nih a theih tikah, Galili ah a kal.

MATTHAI 2:13

An kal hnu ah, ngaihmanh, Bawipa vancungmi pakhat Josef sinah â lang i, “Naute le anu kha hruai hna law, Ezip ramah zâm, kan chimh ṭhân hlantiang cuka ah um, zeicatiah Herod nih Naute thah awkah a kawl,” tiah a ti.

LAMKALTU 20:1

Buainâk a dih hnu ah Paul nih zultu kha a sinah a kawh hna i a pom hna hnu ah Masidonia lei panh in a chuak.

MATTHAI 16:27

Zeitintiah Mi Fapa hi a vanmi hna le a Pa sunparnâk he i thuamin a ra ṭhân lai, cu cân ah cun an tuahmi he â tlakin ṭuanman pêk an si te lai.

MATTHAI 23:36

Biataktein kan chimh hna, cu thil vialte hna cu atu chanmi hna cungah a phân te lai.

MATTHAI 24:34

Biataktein kan chimh hna, cu thil cu a tlin dih lo ahcun atu chanmi hi an lo lai lo.