MATTHAI 10:17 - Laibaibal Thiang (BSI)

¹⁷ Asinain minung lakah i ralring u, biaceihnâk sangah an in phâkpi hna lai i sinagog chungah an in velh hna lai.

Lai (Hakha) Common Language Bible 2006

¹⁷ An in tlaih hna lai i zung ah an in chuahpi hna lai, pumhnak inn ah an in chuahpi hna lai i an in tuk hna lai cu caah vaa ralring u.

MATTHAI 10:17 Խաչաձեւ Հղումներ

MARKA 13:9

I ralring u, biaceihnâk ah an in chuahpi hna lai, Sinagog ah an in velh hna lai, ka bia hngalhter awkah, hruaitu le uktu hna hmai ah keimah ruangah chuahpi nan si te lai.

MATTHAI 23:34

Cucaah nan sinah, profet hna le, mifim hna le, nawlbiacawnpiaktu kha ka rak thlah hna lai, cheukhat nan rak thah hna lai i vailamah nan tah hna lai, cheukhat sinagog ah nan velh hna lai, khua kipah nan rak serhsat ṭhân hna ko lai.

LAMKALTU 26:11

Sinagog kip ah ka serhsat hna i hranhrâm loin (Pathian)cawhdehnâk bia ka chimter tawn hna. An cungah ka hrâng tuk hringhran i ramlêng khuapi zongah ka hrem hna.

JOHAN 16:2

Sinagog in ṭhawl nan si lai, asi, an thattu hna nih Pathian caah thilṭha ngai tuah ah an i ruah cân a phân lai.

LUKA 12:11

Sinagog i biaceihtu le nawlngeitu hna hmai i chuahpi nan si tikah, a lehnâk ding le chimding kha zeitindah a si lai tiah rak i ruat cia hlah u.

MATTHAI 5:22

Asinain a chan um lo i a unau cungah a thin a hungmi pauh cu ṭih a nungmi biaceihnâk ah chuahpi an si lai. A unau sinah, ‘mimolhpa’ a timi pauh cu biaceihnâk sângah chuahpi an si lai, ‘mihrutpa’ a timi pauh zong ṭih a nungmi hell mei ah a kal lai, kan ti hna.

LAMKALTU 22:19

Kei nih, ‘Bawipa, sinagog kip ah nangmah zumtu hna ka tuk hna i thong i ka thlak hna kha an hngalh dih.

HEBRU 11:36

Cheukhat nih mi nisawh le sikvelh an tuar, asi, thongchung ah hrengkhenh in an um.

2TIMOTE 4:15

Nang zong khapa ah khan fakpi in i ralring, zeitintiah kan chimmi fak piin a ralchanh.

FILIPI 3:2

Uico hna lakah i ral ring u, Ṭhatlonâk a tuahtu hna lakah i ralring u law, cuarpartan a uartu hna lak zongah i ral ring u.

JOHAN 11:47

Cuticun tlângbawi le Farasih hna nih biaceihtu kha an auh hna i, “Zeitindah kan tuah lai?” Hi pa nih hin hmelchunhnâk tampi a tuah cang.

MARKA 13:12

Cuticun thah awkah unau le unau an i rawi lai, pa nih a fa, fale nih an nu le an pa an doh lai i an thahter hna lai.

MATTHAI 26:59

Tlângbawi ngan hna le, upa hna le biaceihtu vialte hna nih an thah khawh nâkhnga lih in sualphawtnâk an kawl,

LAMKALTU 17:14

Cuticun unau hna nih rili tiang kal dingin Paul cu an thlah, Sailas le Timote tu cu cuka ah an câm.

MATTHAI 20:19

nichuak saihnâk le vuakding le vailamtahnâk i khenhchih dingin Gentel mi hna sinah an pêk lai. Cun ni thum ni ah a thoṭhân lai, tiah a ti hna.

MATTHAI 10:18

Keimah ruangah uktu le hruaitu hna sinah an in phâkpi hna lai, anmah le Gental mi nih ka bia an theih khawh nâkhnga.

LAMKALTU 9:2

hi lam zultu a hmuhmi pauh nu he pa he ṭem buin Jerusalem khua ah a hnuh khawh nâkhnga Damaska khua i Sinagog vialte ah pêk awk ca a va hal.