MATTHAI 10:16 - Laibaibal Thiang (BSI)

¹⁶ Zohhmanh u, Cenghngia lak i tuu bangin kan thlah hna. Rul bangin fim u law, fahnâk ape bal lomi ṭhuro bangin um u.

Lai (Hakha) Common Language Bible 2006

¹⁶ “Ngai hmanh u! Cenghngia hrang rual lak i thlahmi tuu bantukin kan thlah hna. Cucaah rul bantukin vaa fim u law ṭhuro bantukin nan nun va nem u.

MATTHAI 10:16 Խաչաձեւ Հղումներ

LUKA 10:3

Kal u, ngaihmanh u, cinghnia rual lak i tuufa bantukin kan thlah hna.

FILIPI 2:15

â merhmi le â ngerhngawimi chan ah hin, Pathian fa, palhnâk ngei lo, fahnâk pe lo le, sawi awk um loin vawlei ah ceunâk bangin nan ceu lai,

1 KORIN 14:20

Ule nau hna, hngalhnâk ah ngakchia si hlah u, asinain sualnâk lei tu ah bawh te si ulaw hngalhnâk ah upa si u.

KOLOSE 4:5

Lenglei mi hna lakah fim ngaiin um u law a herh ningin cân rem kha hngak u.

LUKA 21:15

zeitintiah nan ral hna nih an leh khawh lo tiangin fimnâk le kâ kan pêk hna lai.

LAMKALTU 20:29

Zeitintiah ka kal hnuah cinghnia hrangrual an rak lut lai i tuu kha an ngân hna lai lo, ti kha ka hngalh.

2 KORIN 11:3

Asinain rulnih a fimzernâk in Evi a hlen bantukin Krih i tluangtlam te i nan umnâk chungin nan ruahnâk kha a hrawh sual lai ti kha ka phang.

1THESALON 5:22

Ṭhatlonâk muisam vialte chungin i thianter u.

2 KORIN 11:14

Cucu khuaruahhar awk a si lo! Satan hmanh ceunâk vancungmi bantukin â umter khawh ko.

1THESALON 2:10

Nan lak i zumtu hna sinah sawiawk um loin dik ngai le i pumpe dih in kan umning kha a kan hngalhpitu nan si i Pathian zong nih a kan hngalhpi;

KOLOSE 1:9

Hiruangah kannih zong nih thlarau lei fimnâk le theihthiamnâk vialte nan ngeih i Amah duhning i hngalhnâk in nan khah khawh nâkhnga, nan kong kan theih ni in nan ca thlacam le nawlpiak kan ngol lo;

2 KORIN 1:12

Kan hmaihngalnâk cu hihi a si. Vawlei ah hin tluangtlam te le zumhtlâk in, minung fimnâk telhchih loin, Pathian zângfahnâk thawngin khua kan sa, nan sinah ṭha chinchin in kan um, ti hi kan chiaṭha hngalhnâk zong nih a pompi.

2 KORIN 8:20

hi thilpêk tamnawn kan lâknâk ah hin mi sawiselnâk kan ton nâkhnga lo hrial kan timh pengmi a si.

MATTHAI 24:25

Ngaihmanh u, kan chimh chung cang hna hih.

MATTHAI 24:45

Zumh awk a tlâkmi le a fimmi sinum, a pu nih an chungkhar uktu le zohkhenhtu le rawl petu ah a hman hngami cu mizeidah a si lai?

MATTHAI 25:2

Anmah lakah panga an fim i panga an hrut.

MATTHAI 25:4

asinain a fimmi nih cun meiin le zinân a thawl in an i ken.

MATTHAI 25:9

Asinain a fimmi hna nih, kan ca le nan caah a za lai lo, a zuartu sinah va kal ulaw, va caw u, tiah an leh hna.