MARKA 9:7 - Laibaibal Thiang (BSI)

⁷ Cun minmei a rak zâm i lo lakin a tuam hna, cun minmei in aw a hung chuak i, “Hihi ka dawtmi Fapa a si, Amah bia ngai u,” tiah a ti.

Lai (Hakha) Common Language Bible 2006

⁷ Minmei a hung zam i a hun zelh hna i minmei chung cun aw pakhat a hung chuak i, “Hihi ka dawtmi ka Fapa a si, a bia kha ngai u,” tiah a ti hna.

MARKA 9:7 Խաչաձեւ Հղումներ

2 PETER 1:17

Zeitintiah Pa Pathian sinin thangṭhatnâk le sunparnâk a hmuh lio ah, Liannganbik sinin aw a rak phân i, “Hihi ka Fapa dawtmi, kâ lawmhnâk bik cu a si,” tiin.

MATTHAI 3:17

Cun ngaihmanh, van in aw a rung chuak i, “Hihi ka Fapa dawt, ka lawmh tukmi a si,” tiah a ti.

MARKA 1:11

Van in aw a rung chuak i, “Nangmah hi ka dawtmi Fapa, na cungah kâ lawm ngai ngai,” tiah a ti.

BIAPHUAN 1:7

Zohhmanh, khuadawm lakah ara lai, mit vialte nih an hmuh lai, Amah a chunhtu hrimhrim nih khan an hmuh lai. Cun lei i miphun vialte cu Amah ruangah an ṭap lai, cubantuk cu si ko seh. Amen.

HEBRU 2:1

Cucaah kan theihmi thil hna kha biapi ngaiah kan ruah awk a si, culoahcun tlau lakin kan tawlh sual lai.

JOHAN 20:31

Asinain hi hna hi Jesuh cu Krih Pathian Fapa a si tiah nan zumh i cu zumhnâk thawngin nunnâk Amah min in nan ngeih khawh nâkhnga ṭialmi an si.

JOHAN 6:69

Krih Pathian nung Fapa na si kha kan hngalh i kan zumh,” tiah a leh.

JOHAN 1:34

Ka hmuh cang i hihi Pathian Fapa a si kha ka hngalhter cang,” tiah a ti.

1JOHAN 5:20

Pathian Fapa cu a ra i a dikmi Amah kha kan hngalh khawhnâk dingah hngalhthiamnâk a kan pêk cang ti kha kan hngalh. Kannih cu a Fapa Jesuh Krih a dikmi Amah ah khan kan um. Hihi Pathian dik le zungzal nunnâk a si.

ROM 1:4

thianhlimnâk Thlarau phungah thihnâk i a thawhṭhannâk nih Pathian Fapa a si zia thiltikhawhnâk in a phuan.

LAMKALTU 8:36

Cubangin an kal lioah ti umnâk an phân. Tildih pa nih, “Zoh hmanh, hika ah ti a um. Baptisma ing dingin zeinihdah aka donh?” tiah a ti.

LAMKALTU 7:37

“Hihi Moses nih Israel tefa hna sin i a chimmi cu a si. BAWIPA nan Pathian nih keimah bantuk profet pakhat nan unau hna chungin a chuahter te lai, amah bia cu nan rak ngaih lai.

LAMKALTU 1:9

Cu thil a chim dih in, an hmuh hngan teah vanah cawi in a um i khuadawm nih an hmuh khawh lonâk ah a lâk.

JOHAN 19:7

Judah mi nih, “Nawlbia kan nei. Cu nawlbia ningin Pathian Fapa ah â canter ruangah a thih awk a si,” tiah an ti.

JOHAN 9:35

An ṭhawl ti kha Jesuh nih a hngalh tikah a kawl i, “Pathian Fapa na zum maw?” tiah a ti.

JOHAN 5:37

Cun aka thlahtu Pa zong nih ka kong hi a hngalhter cang. Nannih nih zeitikhmanhah a aw nan thei ballo, a mui zong nan hmu bal lo.

JOHAN 5:18

Judah mi nih thah an timh chin chin, zeicatiah Sabbath a buar lawng si loin, Pathian khi ka Pa, a ti ruangah le Pathian tlukah â ruah ruangah a si.

JOHAN 1:49

Nathanael nih, “Rabbi, Pathian Fapa na si! Israel Siangpahrang na si,” tiah a leh.

MATTHAI 27:54

Cuticun ralbawipa le a sin i Ralkap a um vemi hna nih thil umtuning an hmuh tikah an ṭih ngaingai. Hipa hi Pathian Fapa a si hrimhrim ko, tiah an ti.

MATTHAI 27:43

Pathian a zumh a si lo maw, a duh ahcun atu hrimhrim ah hin run khamhseh. Pathian Fapa ka si, â ti fam cu ta,” tiah an ti.

SALM 97:2

Khuadawm le muihnâk nih an kulh i dinnâk le diknâk cu a bawiṭhutdan hrambunhnâk a si.

SALM 2:7

“Nawlpêk kha ka phuan lai: BAWPA nih, ‘Nang cu ka Fapa na si, ni hin ah kan hrin’ tiah ka sinah a chim cang.

MARKA 9:6

a ṭihtuk caah chimawk hmanh a hngal lo.

MARKA 9:8

Hmakhatteah an hun i mer i an zoh tikah, Jesuh le anmah dah ti lo cu ahohmanh an hmu ti lo.

LUKA 3:22

Cun Thiang thlarau cu ṭhuro pum bantukin a rung zuang i a cungah â fu, van in aw a rung chuak i, “Nangmah cu ka dawtmi Fapa na si; Na cungah ka lawm tak tak,” tiah a ti.

JOHAN 12:28

“Ka Pa, na min thangṭhat tuah,” tiah a ti. Vanin aw a rak chuak i, “Ka thangṭhat cang, Ka thangṭhat rih ko lai,” tiah a ti.