MARKA 7:4 - Laibaibal Thiang (BSI)

⁴ Market in inah an ṭin tik zongah an i kholhṭawl ta lo ahcun an ei bal lo. Zulh ding hrimhrim ah an i chanhchinmi zong tampi a um, hrai le bel, khêng le ṭhutdanh hna kholhṭawl zong a si.

Lai (Hakha) Common Language Bible 2006

⁴ cun chawdawr i an va cawkmi thil zong kha a ningcang tein an ṭawl hna lo ahcun an ei fawn hna lo. Cuticun an pupa hna nih an chimhmi hna phung dangdang zong an zulhmi tampi a um, a biana ah hrai ṭawlning tehna, um ṭawlning tehna, darkheng ṭawlning tehna le ihkhun ṭawlning tehna an si.

MARKA 7:4 Խաչաձեւ Հղումներ

HEBRU 9:10

cu hna cu serṭhatnâk cân a phâk hlan i thisa phunglam, ei le dinnâk kong le, ṭawlthiannâk a phunphun kong an rak si.

MATTHAI 23:25

Nannih nawlbiacawnpiaktu le Farasih depde hna, ngaihchia nan va si dah! Zeitintiah kheng le hrai a leng lei nan ṭawl i a chung lei tu cu ziarngeihnâk le nun thladorh nâkin a khat.

JEIM 4:8

Pathian naih u law, Amah zong nih an naih hna lai. Nannih misual hna, nan kut ṭawl ulaw, ruahnâk set ngei lomi hna, nan lungthin thianter u.

JOHAN 2:6

Judah mi i thenhhlimhnâk phung bangin lung ralca paruk Galan 25 hrawng a tlummi cuka ah cun a um.

1JOHAN 1:7

Asinain Amah cu ceunâk ah a um bantukin, ceunâk ah kan um ahcun, pakhat le pakhat hawikawmhnâk kan ngei i a Fapa Jesuh Krih thisen in kan sualnâk vialte a kan thenh piak tawn.

MATTHAI 27:24

Pailat nih, zeitihmanhin dan khawh a si ti lo ti kha a hmuh i a buai chin chin lai ti kha a hmuh tikah, ti â lak i mizapi hmaiah a kut â ṭawl. “Hi miding thisen ah hin ka thiang. Nanmah thu si seh,” tiah a ti.

SALM 26:6

Ka kut ṭawl in ka thianter lai, cuticun Maw BAWIPA, na biakṭheng vêlchum ah ka kal lai,

JOHAN 3:25

Johan zultu hna le Judah mi hna cu ṭawlthiannâk kongah an i êl.

MATTHAI 23:26

Nang Farasih mitcaw, hrai le kheng chunglei kha ṭawl hmasa, cuticun a lenglei zong a thiang lai.

MARKA 7:8

Zeitintiah Pathian nawlpêk zei rel loin, minung phung nan i tlaih, hrai le ûmkhêng ṭawl le thil dangdang hna zong fekṭhup in nan i tlaih,” tiah a ti.