MARKA 2:12 - Laibaibal Thiang (BSI)

¹² Chikkhatteah a tho i a ihphah zualin an dihlak hmuhah a chuak cawlh, an dihlak in mak an ti ngaingai. “Hi bantuk hi kan hmu bal lo!” tiin Pathian an thangṭhat.

Lai (Hakha) Common Language Bible 2006

¹² An dihlak in an zoh ko lioah khan mipa cu a tho i a ihphah cu aa lak i khulrang in a kal. An dihlak in khuaruahhar in ar koin an um i Pathian kha an thangṭhat i, “Hi bantuk thil hi zeitikhmanh ah kan hmu bal lo,” tiah an ti.

MARKA 2:12 Խաչաձեւ Հղումներ

MATTHAI 9:33

Khuachia kha ṭhawl a si tikah holh kho kha a holh. Mizapi cu an khuaruah a har i, “Israel mi hna lakah hibantuk thil hi hmuhawk a um bal lo,” tiah an ti.

MATTHAI 9:8

Mizapi nih an hmuh tikah, an khuaruah a har i minung sinah cubantuk thiltikhawhnâk a petu Pathian kha an thangṭhat.

LUKA 7:16

Mi vialte cungah ṭihnâk a phân i Pathian an thangṭhat. “Kan lakah Profet lianngan a rak phân a si hih,” tiah an ti. “Pathian nih a mi hna a rak veh hna,” tiah an ti ṭhân.

LAMKALTU 4:21

Cuticun fak chinchin in an hro hnu ah an thlah hna, mizapi ruangah dân an tat kho hna lo, zeicatiah an tuahmi thil ruangah khan an dihlak in Pathian an thangṭhat.

JOHAN 9:32

Vawlei semka in mitcaw cia in a chuakmi mitdeinâk kong kan thei bal rih lo.

JOHAN 7:31

Mitampi nih Amah cu an zumh i Krih a rak phâk tik zongah, Hi pa nâkin hmelchunhnâk tam a tuah hlei hnga maw?” tiah an ti.

LUKA 17:15

Cun anlak i pakhat nih ka dam tiah â hngalh tikah, a kir ṭhân i aw thang piin Pathian a thangṭhat,

LUKA 13:13

A cungah akut a chuan i hmakhat teah ding tein a dir kho i Pathian a thangṭhat.

LUKA 5:26

An dih lakin mak an ti ngaingai i Pathian thangṭhat in, “Nihin ah thilmak ngai kan hmuh,” tiah an ti i an ṭih ngaingai.

MARKA 1:27

An dihlak in mak an ti ngaingai, “Hihi zei thil ko dah a si? Zeibantuk cawnpiaknâk thar dah a si? Zeitintiah nawlngei ngai in thlarau thur tiangin nawl a pêk hna i an zulh,” tiah anmah le anmah an i caih.

MATTHAI 15:31

Cuticun a holh kho lomi an holh i pumtling lomi an tling ṭhân, kebeimi kein an kal i mitcaw nih khua an hmuh kha mizapi nih an hmuh tikah an khuaruah a har i Israel Pathian kha an thangṭhat.

MATTHAI 12:23

Mizapi nih mak an ti ngaingai, “Hipa hi David Fapa cu a si kho hnga lo maw?” tiah an ti.

MARKA 2:11

“Tho law, na ihphah la in na innah tlung,” tiah a ti.