MARKA 1:1 - Laibaibal Thiang (BSI)

¹ Pathian Fapa, Jesuh Krih thawngṭha hramthawknâk:

Lai (Hakha) Common Language Bible 2006

¹ Pathian Fapa Jesuh Khrih kong Thawngṭha cu hitihin aa thawkning a si.

MARKA 1:1 Խաչաձեւ Հղումներ

JOHAN 20:31

Asinain hi hna hi Jesuh cu Krih Pathian Fapa a si tiah nan zumh i cu zumhnâk thawngin nunnâk Amah min in nan ngeih khawh nâkhnga ṭialmi an si.

MATTHAI 17:5

A chim lioah khan, zohhmanh, a rângmi minmei nih a tuam hna i chikkhatteah minmei chungin aw pakhat a hung chuak, “Hihi Ka Fapa dawtmi a si, Amah bia kha ngai u,” tiah a ti.

MATTHAI 4:3

Tukforhtu cu a ra i, “Pathian Fapa na si ahcun, hi lung hi changreu i cang dingin nawl pe hna ngat,” tiah a ti.

MATTHAI 14:33

Cuticun tilawng chungah a ummi hna cu an ra i an biak; “Pathian Fapa na si taktak ko,” an ti.

MATTHAI 3:17

Cun ngaihmanh, van in aw a rung chuak i, “Hihi ka Fapa dawt, ka lawmh tukmi a si,” tiah a ti.

ROM 8:3

Zeitintiah thisa zângder ruangah nawlbia nih a tuah khawh lomi kha, Pathian nih a Fapa kha sual thisa bantukin, sual ruangah a run thlah i thisa ah a ummi sualnâk cu thiam lo a coter,

JOHAN 1:14

Bia cu titsa ah â cang i kan sinah khua a sa, a sunparnâk kan hmuh. Pa Fa ngeihchun sunparnâk bantukin, zângfahnâk le biatak in a khat.

JOHAN 6:69

Krih Pathian nung Fapa na si kha kan hngalh i kan zumh,” tiah a leh.

JOHAN 3:16

Zeitintiah Pathian nih vawlei hi a dawt tuk hringhran i a Fapa ngeihchun kha a pêk, Amah a zummi pauh cu lotlau loin zungzal nunnâk an ngei lai.

JOHAN 1:49

Nathanael nih, “Rabbi, Pathian Fapa na si! Israel Siangpahrang na si,” tiah a leh.

JOHAN 1:34

Ka hmuh cang i hihi Pathian Fapa a si kha ka hngalhter cang,” tiah a ti.

LUKA 1:35

Vanmi nih a sinah, “Thiang thlarau na sinah a phân lai i Cungnung bik thiltikhawhnâk nih an khuh lai; cucaah a Thiangmi fa a chuak hngami cu Pathian Fapa, ti a si lai.

SALM 2:7

“Nawlpêk kha ka phuan lai: BAWPA nih, ‘Nang cu ka Fapa na si, ni hin ah kan hrin’ tiah ka sinah a chim cang.

ROM 8:32

A fapa hmanh zuah loin kan dihlak caah a kan pêk ahcun, zeitindah thil vialte zong Amah sinah manlo tein pêkchih loin a kan um hnga?

LAMKALTU 1:22

Johan nih Baptisma a pêk ri in kan sinin Jesuh vanah lakchoh i a um tiang a kan kom zungzaltu lakah mi pakhat a thawhṭhannâk a kan hngalhpitu pakhat a um awk a si,” tiah a ti.

LAMKALTU 13:24

A rat hlanah Johan nih ngaihchihnâk baptisma kong Israel mi vialte sinah a rak chimh chung hna.