LUKA 9:3 - Laibaibal Thiang (BSI)

³ An sinah, “Nan khualtlawnnâk ah zeihmanh i ken hlah u, ṭhiangṭhunh siseh, zal siseh, chuncaw siseh, phaisa siseh zeihmanh i ken hlah u, angkizong pahnih ngei hlah u.

Lai (Hakha) Common Language Bible 2006

³ Annih cu a thawh hna i, “Atu khual nan tlawn lainak ding caah hin zeihmanh i phorh hlah u: ṭhiangṭhunh siseh, zal siseh, riahcaw siseh, tangka siseh, angki khethuan siseh, zeihmanh i phorh hlah u.

LUKA 9:3 Խաչաձեւ Հղումներ

LUKA 22:35

Cun an sinah, “Phaisa bawm le zal, kedanh tel lo i khual kan tlawnter hna ah khan baumi nan ngei maw?” tiah a ti hna. Annih nih, “Ngei hlah” tiah an ti.

SALM 37:3

BAWIPA i bochan law, ṭhatnâk tuah; ram chungah um law, zumhtlâk a sinâk nih an cawm lai.

2TIMOTE 2:4

Ralkap i a latu lungton dingah ralkap i a um liomi nih raldoh lio ah nunchung khuasaknâk in hna an i hnawhter bal lo.

LUKA 12:22

Cuhnuah a Lamkaltu sinah, “Cucaah kan chimh hna, nan nunnâk kong le ei le din kongah nan lung re thei hlah seh, nan pum le hnipuan kong zong fak tukin ruat hlah u.

LUKA 3:11

Anih nih an sinah, “Angki pahnih a ngeimi pauh nih, a ngei lomi pe seh, ei awk a ngeimi pauh nih cubangin tuah ve seh,” tiah a leh hna.

LUKA 12:28

Cuticun ramkung, ni hin ah a nung i a thaizingah mei i khangh ding a simi hmanh Pathian nih cutlukin a thuamh ahcun, maw nannih, zumhnâk a tlawmmi hna, zeitlukindah an thuamh chin chin hna lai?

LUKA 5:29

Levi nih a innah Jesuh caah rawldanghnâk nganpi a tuah i cuka ah ngunkhuai khawltu tampi le midang kha an sinah an ṭhu.

MARKA 6:7

Hleihnih kha a kawh hna i thlarau thûr cungah nawlngeihnâk kha a pêk hna i pahnih duahmah in a thlah hna.

LUKA 9:4

Nan tlunnâk innah umpeng u law, cu hmun in nan chuak ṭhân lai.