LUKA 9:26 - Laibaibal Thiang (BSI)

²⁶ Zeitintiah keimah le ka bia a zahpimi pauh cu, Mi Fapa nih a sunparnâk le a Pa sunparnâk le a van mithiang hna sunparnâk he a rat tikah a zahpi ve lai.

Lai (Hakha) Common Language Bible 2006

²⁶ Ahohmanh keimah le ka cawnpiaknak kha a kan zahpimi cu, Mi Fapa nih ka sunparnak le ka Pa le a thiangmi vancungmi hna sunparnak he ka rat tikah, ka zahpi ve hna lai.

LUKA 9:26 Խաչաձեւ Հղումներ

2TIMOTE 2:12

Kan tuar ahcun Amah he bia kan ceih lai. Amah kan hlawt ahcun Amah zong nih a kan hlawt ve lai.

ROM 1:16

Krih thawngṭha cu ka zahpi lo, zeitintiah a zummi vialte caah khamhnâk dingah Pathian ṭhawnnâk a si; a hmasa in Judah mi caah a si i Grik mi ca zongah a si.

MARKA 8:38

Zeitintiah tuchan ṭhangthar ṭangdang kai a hmangmi le misual hna lakah keimah le ka bia a zahpimi pauh, Mi Fapa nih, van mithiang hna he a Pa sunparnâk thuamin a rat tikah cu minung cu a zahpi ve lai,” tiah a ti.

BIAPHUAN 21:8

Asinain miralchia, zumlotu, fihnungmi, lainawngmi, horduh cuaimi, doihthiammi, milem biami hna le lih chimmi vialte umnâk ding cu mei le kât mei tili, thih voihnihnâk cu a si.

MATTHAI 16:27

Zeitintiah Mi Fapa hi a vanmi hna le a Pa sunparnâk he i thuamin a ra ṭhân lai, cu cân ah cun an tuahmi he â tlakin ṭuanman pêk an si te lai.

MATTHAI 25:31

Mi Fapa hi a sunparnâk in â thawmh i vanmi thiang vialte hna he arat tikah a sunparnâk ṭhutdanh ah a ṭhu lai.

JOHAN 12:43

Zeitintiah Pathian thangṭhatmi sinâk in minung thangṭhatmi si kha an thaihchan deuh.

BIAPHUAN 20:11

Cuticun a nganmi bawiṭhutdan râng le a cung i a ṭhumi kha ka hmuh, a hmaikâ in van le vulei an zâm dih. Cun an caah umnâk hmun a um lo.

JUDAS 1:14

Cubangin Enok Adam in pasarihnâk nih khan, cubantuk mi hna sinah a rak chimchung cang,

2TIMOTE 1:12

Hiruangah dahkaw hi thil hna hi katuar cu, asinain ka ning a zak lo, zeitintiah ka zumhmi kha ka hngalh, A sin i ka chhiahmi kha cu Ni tiangin him tein a umter khawh ti kha ka hngalh.

BIAPHUAN 3:5

A teitu cu puanrang aihter a si lai i Nunnâk cauk chungin amah min kha ka hrawk lai lo, ka Pa hmai le a vanmi hna hmaiah a min kha ka ṭanh lai.

BIAPHUAN 1:7

Zohhmanh, khuadawm lakah ara lai, mit vialte nih an hmuh lai, Amah a chunhtu hrimhrim nih khan an hmuh lai. Cun lei i miphun vialte cu Amah ruangah an ṭap lai, cubantuk cu si ko seh. Amen.

GALATI 6:14

Kan Bawipa Jesuh Krih vailam dah ti lo cu Pathian nih hmaihngal pi a ka sianglo, cu thawng cun vawlei hi ka caah khenhchih a si i kei zong vawlei caah khenh chih ka si ve.

MATTHAI 26:64

Jesuh nih, “Na chimning kha a si ko. Asinain kan chimh, tu hnu ah Mi Fapa hi Thiltikho orhlei kam i a ṭhut le, van in khuadawm lak i a rat kha na hmuh lai,” tiah a ti.

HEBRU 13:13

Cucaah Amah an zomh taihnâk cu phor in, haulenglei ah a sinah kal u sih.

HEBRU 11:26

Krih ruang i minchiatnâk cu Ezip ram i rumnâk nâkin chawva sunglawi deuh ah a ruah i a hmuh hngami laksawng kha a conh peng caah.

2 KORIN 12:10

Cucaah Krih ruangah derthawmnâk le, thangchiatnâk, chamhbaunâk le, serhsatnâk le, vansannâk hnaah kâ lawm tawn. Zeitintiah ka derthawm tikah ka ṭhawng tawn.

JOHAN 5:44

Nannih mah le mah â conglawmmi hna. Pathian in a chuakmi conglomhnâk kawl loin zeitindah nan zumh khawh lai?

LAMKALTU 10:22

Annih nih, “Kornelias, ralbawi pa mi dik, Pathian a ṭih i Judah mi vialte nih an thangṭhat ngaimi pa sinah na kal i na bia a ngaih khawh nâkhnga van mithiang nih a chimh,” tiah an ti.

1TIMOTE 5:21

Pathian le Bawipa Jesuh Krih le vanmi thiang hna hmaiah hi bia hna hi ruahning ngei cia lo le thleidan ngei lo tein fekte i dirpi dingin nawl kan pêk.