LUKA 8:24 - Laibaibal Thiang (BSI)

²⁴ Cun a sinah an va kal i an hun hlauh, “Cawnpiaktu, Cawnpiaktu, kan lotlau cuahmah ê!” tiah an ti. A tho i thli le tilet kha a sîk. Cuticun an ngol i dai tein a um.

Lai (Hakha) Common Language Bible 2006

²⁴ A zultu hna cu Jesuh sinah khan an ra i an hlauh i, “Saya, saya, kan thi dengmang ko hih,” an ti. Jesuh cu a hung tho i thlitu le tilet cu a caak hna. Thlichia cu a dai i zeizong vialte cu dai zirziar in a um.

LUKA 8:24 Խաչաձեւ Հղումներ

LUKA 4:39

A pawngah ava dir i a taklinh kha a sik i a taklin cu a dai cawlh. A tho zau i rawl a chuanpiak hna.

LUKA 5:5

Simon nih, “Cawnpiaktu, zan khaudei ka vorh cang i zeihmanh ka tlai lo, asinain na bia in sur ka vorh lai” tiah a ti.

SALM 65:7

Rili a awn cuahmahmi le, tilet a tho cuahmahmi hna le, mizapi thawng a thang lenmi hna daihtertu na si.

MATTHAI 14:30

Asinain thlitu a hrang lenmi kha a hmuh tikah a ṭih i ti chungah pil hram â thawk, “Bawipa, ka khamh tuah,” tiah a au.

MATTHAI 8:25

Cuticun a zultu kha a sinah an ra i, “Bawipa, kan khamh tuah, kan thi dih lai hih,” tiah an ti.

MARKA 4:39

Anih cu â hlau i thli kha a sîk, tilet sinah, “I din law, dai tein um,” tiah a ti. Cun thli cu a dai i king ringriang tein a um.

LUKA 4:35

Sihmanhsehlaw Jesuh nih a sik i, “Dai tein um law, a chungin chuak,” tiah a ti. Khuachia nih an lakah a hlawnh ta i fahnâk tu pe loin a chuak.

LUKA 8:25

Anih nih, “Nan zumhnâk cu khuazeiahdah a um? tiah a ti hna. Annih nih an ṭih ngaingai, “Hi pa hi mizeidah a si hnga? Thli le ti hmanh nawl a pêk i an zulh ko ê,” tiah an i ceih.