LUKA 8:18 - Laibaibal Thiang (BSI)

¹⁸ Cucaah zeitindah nan theih ti hi ruat u. A ngeimi pauh cu an chap lai i a ngei lomi cu, a ngeihmi bang i ruahmi hmanh an lâkpiak lai.

Lai (Hakha) Common Language Bible 2006

¹⁸ “Cucaah nan ngaihning kha i ralring u; zeicahtiah a ngeimi kha chap chin an si lai i a ngei lomi kha ka ngeih tiah an i ruahmi thil tlawmte hmanh kha lakpiak an si lai,” tiah a ti.

LUKA 8:18 Խաչաձեւ Հղումներ

MATTHAI 13:12

Zeitintiah a ngeimi pauh tam chinchin in a ngeih nâkhnga an chap chih hna lai, a ngei lomi cu a ngeihchun hmanh an lâkpiak lai.

LUKA 19:26

Zeitintiah a ngeimi pauh an chapchih lai i a ngei lomi cu a ngeihchun zong an lâk piak lai.

MATTHAI 25:29

Zeitintiah a ngeimi pauh ngeih chin chin awkah an chap chih lai i a ngei lomi pauh a ngeihchun hmanh an lâk piak lai.

JOHAN 15:2

Keimah i â pehmi nge, thei a tlai lomi pauh a hlawnh tawn i thei a tlaimi nge pauh a tlai a tam chinchin nâkhnga a thenh tawn.

HEBRU 2:1

Cucaah kan theihmi thil hna kha biapi ngaiah kan ruah awk a si, culoahcun tlau lakin kan tawlh sual lai.

1 KORIN 14:37

Mi zeipauh nih profet ah maw, thlarau mi ngai ah maw â ruah ahcun, nan sin i ka ṭialmi hi Bawipa nawlpêk a si ti a hngalhpi awk a si.

1 KORIN 8:2

Mizei pauh nih thil hngal ngai i â ruah ahcun a hngalh ding zat cu a hngal rih lo, tinâk a si.

1 KORIN 3:18

Ahohmanh mah i hleng hlah seh, nan lakah aho pauh kha vawlei thil i mifim ah â ruah ahcun, a fim khawh nâkhnga hrut hmasa seh.

ROM 12:3

Zeitintiah Pathian pekmi zângfahnâk ruangah hin, nan lakah ahohmanh nih mah sinâk cungah i santer loin, Pathian nih mikip sinah zumhnâk a pêkning cio in, felfai tein ruat cio hna seh ti ka duh.

LAMKALTU 17:11

Cu khuami hna cu Thesalonika khuami hna nâk in an ṭha deuh, bia kha timhcia tein an rak cohlan, hi thil hna hi a si taktak maw si taktak lo ti hngalhnâk caah nichiar tein Cathiang in an dothlat.

LAMKALTU 10:33

Cuticun na sinah mi ka rak thlah cawlhnâk hi a si, na ratmi cu a ṭha taktak. Bawipa nih an pêkmi bia ngai dingin, atu Pathian hmai ah kan dihlak in hika i kan um hi a si,” tiah a ti.

LUKA 9:44

“Hi bia hi nan hna ah pil seh; zeitintiah Mi Fapa hi minung hna kutah tlaihter a si te lai,” tiah a ti.

FILIPI 3:4

a ngaingai tiah keizong thisa kongah bochan awk ka ngei ve. Thisa cungah bochan ding ka ngei a timi an um ahcun, ka ngei chin chin,

MARKA 13:14

Cuticun ṭhiotu fihnung profet Daniel chimmi kha a dir lonâk dingah a dir nan hmuh tikah (a relmi pauh nih a sullam hngal ko seh), khi cân ah, Judia ram i a ummi kha tlang cungah zâm hna seh.

PHUNGTHLÛKBIA 14:12

Mi ruahnâk ah lam dik sidawh ngai a si nain, a donghnâk tu thihnâk lam a simi a um.