LUKA 6:20 - Laibaibal Thiang (BSI)

²⁰ A zultu lei hawih in a hun zoh hna i: “Nannih sifakmi hna mithluachuak nan si, zeitintiah vanbawi pennâk cu nanmah ta a si.

Lai (Hakha) Common Language Bible 2006

²⁰ Jesuh nih a zultu kha a zoh hna i a thawh hna i, “Nannih sifakmi hna i lawm u, Pathian Pennak cu nanmah ta a si.

LUKA 6:20 Խաչաձեւ Հղումներ

JEIM 2:5

Ka dawtmi unau hna, zohhmanh u, Pathian nih hi vawlei thil i misifak hna hi zumhnâk ah rumding le Amah dawtu hna sinah a kamhmi pennâk kha co cawk ah a thimmi an si lo maw?

2 KORIN 8:9

Zeitintiah kan Bawipa Jesuh Krih zângfahnâk cu nan hngalh, Amah cu rum hmanhsehlaw, a sifahnâk thawngin nannih nan rum nâkhnga, a si a fak.

LUKA 12:32

Bu tlawmte hna, ṭih hlah u, zeitintiah pennâk pêk hi nan Pa lawmhnâk a si.

MATTHAI 25:34

“Cuticun Siangpahrang nih a orh leimi hna sinah, ‘Ka Pa, thluachuahmi hna, ra u law, vawlei ser lio i nan ca i timhmi pennâk cu co u:

BIAPHUAN 2:9

“Na tuahmi le na harnâk le na sifahning (a sinain na rum) kha ka hngalh; Judah mi tak si loin Judah mi ka si â timi hna nih an in thangchiat mi zong kha ka hngalh, asinain annih cu Satan sinagog an si,

2 KORIN 6:10

ngaihchia bangin, i lawmpeng ṭungin, sifak mi bangin, mitampi rumter ṭungin, zeihmanh ngei lo bangin, zeizong vialte ngei ṭungin kan um tawn.

JEIM 1:12

Tukforhnâk lungsau in a tuartu cu mi vanṭha a si, zeitintiah hngalhpiak a si tikah nunnâk luchin, Bawipa nih Amah dawtu hna ca i a timhpiakmi kha a co lai.

2 THESALON 1:5

A dingmi Pathian biaceihnâk ah Pathian pennâk chungmi si awktlak i rel chih nan sinâk cu nan teminnâk hi a si,

1THESALON 1:6

Cun harnâk fakpi temtuar buin bia kha cohlâng in Thiang thlarau ah lawmhnâk he Bawipa le kanmah zultu ah nan i cang,

2 KORIN 8:2

kha bantuk harnâk le hneksaknâk nganpi an ton lio ah lawmhnâk i an khah ning le, sifahnâk khor thuk pi chungah an um nain pêknâk i an rum ning kha.

LAMKALTU 14:22

Harnâk tampi tuarin Pathian pennâk ah kan luh awk a si ko, tiin zultu hna lungthin kha an ṭhawnter i zumhnâk ah fekte i dir dingin thazâng an pêk hna.

LUKA 14:15

Cabuai i rawl adûm pimi hna chungin mi pakhat nih a sinah, “Pathian pennâk chungah rawl a ei khomi hna cu mithluachuak an va si lai dah,” tiah a ti.

LUKA 13:28

‘Abraham, Isak, Jokob le Profet vialte kha Pathian pennâk chung i an um nan hmuh i nannih tu leng i hlawnh nan si tikah, cuka ahcun ṭah le hacang rialnâk a um lai.

LUKA 4:18

BAWIPA Thlarau cu ka cungah a um, zeicatiah sifakmi hna sin i Thawngṭha chim dingin chiti a ka thuh; lungkuaimi hna damter awkah aka thlah i saltangmi hna luatter ding le, mitcawmi hna khua hmuhter ding le, lamhchihmi hna luatnâk ding

MATTHAI 11:5

Mitcaw mi nih khua an hmuh, kei beimi ke in an kal, thinghmuimi an thiang, hnachetmi nih thawng an theih, mithi hna thawhter an si i sifak hna nih thawngṭha an theih.

PHUNGTHLÛKBIA 19:1

Biachim ngerhngawi le hruh nâk cha cun, sifahbu i zumhawk tlâk i nun a ṭha deuh.

PHUNGTHLÛKBIA 16:19

Ruamkaimi hna sin i hranchaw i phawt nâkcha cun, tangdormi hna sin i niamter i um a ṭha deuh.

LUKA 16:25

Sihmanhsehlaw Abraham nih, ‘Ka fapa na nunlio ah khan thilṭha vialte na co i Lazaruh nih thilṭha lo vialte a co kha philh hlah, asinain atu cu hika ah hnangam tein anih cu a um i nang cu harnâk natuar a si kha.

SALM 37:16

Misuaksual rumnâk cha cun midingmi tlawmte ngeih a ṭha deuh.

MATTHAI 5:1

Mibu kha a hmuh tikah tlâng cungah a kai i a ṭhut hnu ah zultu kha a sinah an ra.