LUKA 5:29 - Laibaibal Thiang (BSI)

²⁹ Levi nih a innah Jesuh caah rawldanghnâk nganpi a tuah i cuka ah ngunkhuai khawltu tampi le midang kha an sinah an ṭhu.

Lai (Hakha) Common Language Bible 2006

²⁹ A hnuah Levi nih khan a inn ah cun Jesuh kha rawl danghnak nganpi a tuahpiak i ngunkhuai khawltu tampi hna le midang hna kha an sinah cun an ṭhu.

LUKA 5:29 Խաչաձեւ Հղումներ

LUKA 15:1

Cuhnuah ngunkhuai khawltu le misual vialte nih a bia ngai dingin an run naih.

1 KORIN 10:27

Zumlotu nih rawl ei an in sawm i kal naduh ahcun chiaṭha hngalhnâk ruangah dot-hlat theng lo in an in pêkmi pauh cu ei ko.

JOHAN 12:2

Cuka ah zanriah an timh piak, Marta nih rawl a chuang i Lazaruh tu cu cabuai i rawl a dumpitu pakhat ah a si.

MARKA 2:15

Cubangin Levi in i rawl a ei lio ah, ngunkhuai khawltu le misual tampi nih Jesuh le lamkaltu kha rawl an dûmpi hna, an tam ngai i Amah kha an zulh.

MATTHAI 9:10

Jesuh cu inn chungah cabuai i rawl a dum lioah, zohhmanh, ngunkhuai khawltu tampi le misual kha an ra i a sinah a zultu hna he an ṭhu.

MATTHAI 5:46

Zeitintiah an dawtu hna lawng nan dawt ah hin, zeidah a man nan hmuh? Ngunkhuai khawltu hmanh nih cucu an tuah ve lo maw?

MATTHAI 9:9

Cuka hmun in Jesuh cu a kal i mi pakhat a min Matthai ngunkhuai khawlhnâk hmun i a ṭhut ko kha a hmuh i a sinah, “Ka zul” tiah a ti. Cun a tho i a zulh cawlh.

MATTHAI 11:19

Mi fapa a ra i a ei, a ding, zohhmanh u, zuram le pawkau pa, ngunkhuai khawltu le misual hna hawikawm nan ti. Asinain fimnâk cu a fale nih thiam an coter ko.