LUKA 22:30 - Laibaibal Thiang (BSI)

³⁰ cuticun ka Pennâk chung i ka cabuai cungah nan ei i nan din khawh nâkhnga le, Israel phun hleihnih bia ceihpiak in, bawi ṭhutdanh i nan ṭhut khawh nâkhnga,” tiah a ti.

Lai (Hakha) Common Language Bible 2006

³⁰ Ka Pennak ah ka cabuai ah nan ding nan ei lai i Israel mi phun hleihnih kha biaceihpiak awkah bawi ṭhutdan cungah nan ṭhu lai,” tiah a ti.

LUKA 22:30 Խաչաձեւ Հղումներ

MATTHAI 19:28

Jesuh nih, “Biataktein kan chimh hna, sertharnâk ah, Mi Fapa hi a bawiṭhutdanh cung i a ṭhut tikah, nannih aka zultu hna hi, Israel phun hleihnih cungah biaceihtu siin, bawiṭhutdanh hleihnih cungah nan ṭhu ve lai.

MATTHAI 8:11

Hihi kan chimh hna, chak le thlangin mi tampi an ra lai i vanbawi pennâk chungah Abraham, Isaak le Jakob sinah an ṭhu lai.

BIAPHUAN 3:21

Teitu sinah ka bawiṭhutdan cungah ka pawng i ṭhutnâk nawl ka pêk lai, kei zong nih ka tei i ka Pa sinah a bawiṭhutdanh cung i ka ṭhut bantukin.

LUKA 14:15

Cabuai i rawl adûm pimi hna chungin mi pakhat nih a sinah, “Pathian pennâk chungah rawl a ei khomi hna cu mithluachuak an va si lai dah,” tiah a ti.

LUKA 12:37

Anpu rat tikah timhcia tein a rak ummi sinum hna cu mithluachuak an si. Biataktein kan chimh hna, â timhtuah lai i rawl ei awkah a ṭhutter hna lai, amah tu nih a zoh khenh hna lai.

BIAPHUAN 19:9

Anih nih ka sinah, “Tuufano nupi ṭhitnâk i sawmmi hna cu mithluachuak an si,” tiah ṭial tuah, a ka ti. Cun ka sinah, “Hi hna hi Pathian chimmi taktak an si,” tiah a ti.

BIAPHUAN 4:4

A laifang i bawiṭhutdan vêlchum ah bawiṭhutdan kul le li an um i cuka ah angkifual rang â aihmi upa kul le li an ṭhut kha ka hmuh hna, anlu ah suiluchin kha an i chinh.

SALM 49:14

An thihnâk hmun lei ah kalpimi tuu bantuk an si; thihnâk nih a rak cawm hna lai; Midik hna nih khua a dei tikah an uk hna lai; an umnâk hmun in a hlatnâk hmun ah, an taksa dawhnâk hna cu thlân ah a ciam dih lai.

MATTHAI 5:3

“Thlarau in sifakmi cu mithluachuak an si, zeitintiah vanbawi pennâk cu anmah ta a si.

2TIMOTE 2:12

Kan tuar ahcun Amah he bia kan ceih lai. Amah kan hlawt ahcun Amah zong nih a kan hlawt ve lai.

JEIM 1:1

Jeim, Pathian le Bawipa Jesuh Krih sal nih, kakipah â ṭhenmi miphun 12 nan kut an tlaih hna.