LUKA 2:51 - Laibaibal Thiang (BSI)

⁵¹ Cuticun an sinah a kal ve i Nazaret an phâk tikah an nawl tangah a um, asinain anu nih cuthil hna cu a lungchungin â cinken.

Lai (Hakha) Common Language Bible 2006

⁵¹ Cuticun Jesuh cu an sinah Nazareth khua ah khan a kir i a nu le a pa kut tangah nawl ngai tein a um: Hi thil vialte hi a nu nih a lung chungah aa ken dih.

LUKA 2:51 Խաչաձեւ Հղումներ

LUKA 2:19

Asinain Mary nih cu thil vialte cu a lung chungin â cinken.

MARKA 6:3

Hipa hi Mary fapa, Jeim le Joses le Judas le Simon hna u, zungthiampa kha a si lo maw? A far le zong kan sin i a ummi hi an si lo maw?” tiah an ti. Cuticun Amah cu zeiah an rel lo.

1 PETER 2:21

Zeitintiah cubantuk tuah awk i kawhmi nan si, zeicatiah Krih zong nih an tuarpiak hna caah a keneh i nan zulh dingah zohchunh awk an chiah tâk hna.

MATTHAI 3:15

Asinain Jesuh nih, “Atu ah rem ti ko, dinnâk vialte zulh dih hi kan caah â tlakmi a si,” tiah a ti i Johan nih rem a ti.

EFESA 5:21

Pathian ṭihzahbu tein pakhat le pakhat i hmaizah u.

LUKA 2:39

Cubangin Bawipa nawlbia bang i thil vialte an tuah dih hnu ah Galili ram i an khua Nazarel ah an tlung ṭhân.

SALM 119:11

Na cungah sualnâk ka tuah nâkhnga lo, na bia kha ka lungchung ah ka thuh hna.

MATTHAI 12:46

Mizapi sin i bia a chim lio ah, ngaihmanh, anu le a nau le cu Amah chawnh duh ah lêngah an dir.

MARKA 1:9

Cu cân ah Jesuh cu Galili ram i Nazaret khua in a ra i Jordan tiva ah Johan sinah Baptisma a in.

LUKA 4:16

Cuticun a tlawnlennâk khua Nazaret ah a phân. A tuah tawn bangin, Sabbath nih ah Sinagog ah a lut i rel dingin a dir.

LUKA 4:23

Anih nih, “Hi phungthlukbia hi nanka chim hnawh ko lai lo maw? Sibawipa, nanmah i damter tuah! Kapernaum khua i na tuahmi kan rak theihmi kha, na khua le na ramah hin tuah ve ngat, nan ti ko lai hih,” tiah a ti.

LUKA 18:37

Annih nih, “Nazaret Jesuh a lan lio,” tiah an ti.