LUKA 18:13 - Laibaibal Thiang (BSI)

¹³ Cun ngunkhuai khawltu cu hla pi ah a dir i van lei zong a zoh ngam lo, ‘Pathian, kei misual hi ka zângfah ko,’ tiah a ṭâng â cum leng mang.

Lai (Hakha) Common Language Bible 2006

¹³ Sihmanhsehlaw ngunkhuai khawltupa cu lamhlatpi ah khin a dir i vanlei hmanh zoh ngam loin a ṭang aa cum i, ‘Maw Pathian, kei misual cungah hin zaangfahnak ngei ko,’ tiah a ti.

LUKA 18:13 Խաչաձեւ Հղումներ

1TIMOTE 1:15

Krih Jesuh cu misual hna khamh dingah vawlei ah a ra, ti hi zumh awk a tlâkmi le cohlan awk a tlâkmi a si, an lakah a sual bik ka si.

SALM 41:4

“BAWIPA, ka zângfah ko; ka nunnâk hi damter ko, zeitintiah nangmah ralchanh in ka sual cang,” tiah ka ti.

LUKA 23:48

Cu thil zoh awkah â pummi vialte nih, thil umtuning cu an hmuh tikah an ṭang i cûm lengmang in an kir.

HEBRU 8:12

Zeitintiah an dinlonâk ah vel ka ngei lai i an sualnâk le nawlbuarnâk hna zong ka hngalh piak ti hna lai lo,” tiin.

LAMKALTU 2:37

Cu bia an theih tikah, an lungthin a hriah hna i Peter le lamkaltu hna sinah, “U le nau hna, zeidah kan tuah kun lai?” tiah an ti.

HEBRU 4:16

Cucaah bomh kan herh cân ah vel le zângfahnâk kan co khawh nâkhnga zângfahnâk ṭhutdanh cu ralṭha in panh u sih.

ROM 5:8

Asinain Pathian nih a dawtnâk cu kan sinah hitihin a langhter. Misual kan si ko rih lioah Krih cu kan caah a thi.

LUKA 5:8

Simon Peter nih cucu a hmuh tikah, Jesuh kehram ah a bawk i, “Maw, Bawipa, misual ka si, ka kaltâk,” tiah a ti.

SALM 25:11

Zeitintiah maw BAWIPA, na min ruangah ka sualpalhnâk ka ngaithiam, zeitintiah a ngan tuk hring hran.

2 KORIN 7:11

Pathian duhning i ngaihchiatnâk nih a chuahpi mi hna cu hun zoh hna u sih law; taihmâknâk, mah le mah kilvennâk, sual huatnâk, sual tuah ngamlonâk, ṭhatnâk lei duhnâk, ṭhahnem ngaihnâk, sual dântat duhnâk te hna an ngeihter hna. Hi thil vialte hna chungin chuah nan si zia hi nan hngalh.

SALM 25:7

Ka nolio sualnâk hna le ka nawlbuarnâk hna kha ka theihpiak sawh hlah, zeitintiah na vêl le ṭhatnâk thawngin maw BAWIPA, ka philh sawh hlah.

MATTHAI 9:13

Raithawinâk nâkin zângfahnâk ka duh deuh timi sullam hi va cawng u. Zeitintiah miding caah ka ra lo i misual hna ngaihchihtertu ah ka ra.” tiah a ti hna.

LUKA 17:12

Khua pakhat i a luh lai ah, thinghmuimi pahra hna nih an rak ton i hlapi ah an dir.

SALM 130:7

Aw, Israel BAWIPA kha i ruahchan; zeitintiah BAWIPA sinah vêl a um. A sinah duh a dimmi tlanhnâk a um.

SALM 119:41

Maw BAWIPA, na velngeihnâk le na bia ningin na khamhnâk kha ka sin zongah phân ko seh.

SALM 106:6

A kan hringtu hna he kan rak sual cang, sualpalhnâk kan tuah i suaksual ngaiin kan tuah.

SALM 40:12

Zeitintiah relcawklo Ṭhatlonâk nih anka dûm; ka palhsualnâk hna nih anka tei, cuticun cunglei ka zoh kho lo; kalu i samfa nâkin an tam deuh; cucaah ka lungthin cu a ba.

MATTHAI 6:5

Thla nan cam tikah mi depde hna bangin nan cam lai lo. Annih nih mi nih ka hmu hna seh tiah sinagog le zatlâng lamah dir buin thlacam an hmang. Biataktein kan chimh hna, an ṭuanman cu an hmuh cang.

MATTHAI 10:3

Filip le Bartholomi, Thomas le ngunkhuai khawltu Matthai, Alfai Fapa Jeim, Thadias ti zongah kawhmi, Lebbai,

MARKA 11:25

“Cun thlacam i nan dir tikah, aho cung zongah bia nan ngeih ahcun ngaithiam hna u, cuticun van i nan Pa zong nih nan sualnâk an ngaihthiam ve hna lai.

LUKA 22:41

Anih cu lungchep tluk ah ava kal i a khuk bil in thla a cam,