LUKA 18:12 - Laibaibal Thiang (BSI)

¹² Zarhkhat ah rawl voihnih ka ulh i ka ngeihmi pauh cheuhra cheukhat ka pêk tawn,’ tiah a ti.

Lai (Hakha) Common Language Bible 2006

¹² Zarh khat chungah voi hnih lengmang rawl ka ul i chawva ka hmuhmi vialte cheu hra cheu khat kan pek,’ tiah a ti.

LUKA 18:12 Խաչաձեւ Հղումներ

LUKA 11:42

Nannih Farasih mi hna, ngaihchia nan va sidah. Zeitintiah puṭinan, khamhhmuai le thlai phunkip kha cheuhra cheukhat nan pêk, diknâk le Pathian dawtnâk kha zeiah nan rel fawn lo. Hi hna hi pei nan tuah deuh awk a si cu, a dang zong daithlanh hlei loin.

MATTHAI 9:14

Cuhnuah Johan zultu kha a sinah an ra i, “Kannih le Farasih hna nih rawl kan ulh tawn, asinain na zultu hna nih an ul bal lo?” tiah an ti.

LUKA 17:10

Cubantukin nan nih zongnih, nan sin i nawlpêk vialte bangin nan tuah dih hnu ah, ‘san a tlai lomi sinum kan si. Kan tuah awk kan tuah a si ko,’ tiah ti u,” tiah a ti.

1TIMOTE 4:8

Zeitintiah taksa zuam nâkin cawlcanghnâk zong hi san a tlai ve ko, asinain Pathian-ṭihzahtu sinâk i cawlcanghnâk nih cun atu nunchung le hmailei caah biakam a ngeih caah a lamkip in san a tlai.

MATTHAI 6:1

Thil nan ṭhenhmi kha minung mithmuh lawngah ṭhen lo dingin i ralring u; culoahcun van i nan Pa sinin ṭuanman nan hmu lai lo.

EFESA 2:9

tuahsernâk in a si lo, culoahcun, an ruam a kai sual lai.

GALATI 1:14

Judah biaknâk ah ka ṭhirual le ka phunhawi hna ka chawhkanh hna i pupa hna phung ka ṭanhnâk ah a hleihluat in â zuammi ka si.

1 KORIN 1:29

cuticun ahohmanh Amah hmai ah an i porhhlaw kho lo.

ROM 3:27

Nâ uahnâk cu khuazeiahdah a um? Lodiam hlonh a si cang. Zei phunglam in? Tuahsernâk in maw? A si lo, zumhnâk phungin a si.

MATTHAI 6:16

“Cuhleiah, rawl nan ulh tikah, mi depde hna bantukin hmaichia in um hlah u. Zeitintiah annih nih rawl an ulh kha mi nih kan hngal hna seh tiah hmai chia ṭiamṭuam in an um tawn. Biataktein kan chimh hna, an ṭuanman an hmuh cang.

MATTHAI 6:5

Thla nan cam tikah mi depde hna bangin nan cam lai lo. Annih nih mi nih ka hmu hna seh tiah sinagog le zatlâng lamah dir buin thlacam an hmang. Biataktein kan chimh hna, an ṭuanman cu an hmuh cang.

MATTHAI 5:20

Zeitintiah nan dinnâk nih nawlbiacawnpiaktu hna le Farasih hna dinnâk a lonh lo ahcun vanbawi pennâk ah nan lut hrimhrim lai lo, tiah kan chimh hna.