LUKA 18:1 - Laibaibal Thiang (BSI)

¹ Cuticun lungdong loin thla an cam nâkhnga tahchunhnâk in a cawnpiak hna,

Lai (Hakha) Common Language Bible 2006

¹ Lungdong loin thla nan cam zungzal awk a si, ti cawnpiaknak caah Jesuh nih hi bianabia hi a chimh hna.

LUKA 18:1 Խաչաձեւ Հղումներ

KOLOSE 4:2

Thla cam lengmang u law, ṭha te i ruah buin lawmhnâk bia chim u.

ROM 12:12

ruahchanhnâk ngeiin i lawm ulaw, harnâk lakah inkhawhnâkin, ṭhahnem ngaiin thla cam lengmang ko u.

1THESALON 5:17

Ngol loin thla cam u.

FILIPI 4:6

Zeithilhmanhah lungrethei in um hlah u, zeizong vialte ah thlacam le hal in, lawmhnâk bia chimchih pengin, nan duhnâk hna cu Pathian sinah hngalhter u,

EFESA 6:18

thlacamnâk le nawlnâk vialte kha Thlarau in tuah ulaw, fimhring te le ralring tein mithiang vialte caah biatak tein thla cam u-

LUKA 21:36

Curuangah cuthil vialte a phân hngami chungin luat awk tlâk le Mi Fapa hmai i dir awk tlâk nan si khawh nâkhnga thla cam zungzal u law i ral ring u.

GALATI 6:9

Cuticun thilṭha tuah neng hlah u sih. Kan i thlahdorh lo ahcun a cân te ah kan zûn te ko lai.

SALM 86:3

Maw BAWIPA, ka zângfah hrâm ko, zeitintiah nitlâk tein nangmah cu kan auh.

SALM 102:17

Chambaumi hna thlacamnâk cu a ngaihpiak hna i an nawlnâk cu zeirel loin a um lo.

2 KORIN 4:1

Cucaah zângfahnâk kan hmuhning cio in hi rian hi kan hmuh bangin kan lung a dong bal lo.

KOLOSE 4:12

Epafaras nanmah chungmi, Krih Jesuh ah ṭemmi sal nih nan kut an tlaih hna. Pathian duhning in lamkip i nan um i tlam nan tlin khawh nâkhnga, fak piin nan caah thla camtu a si.

SALM 65:2

Maw nang thlacamnâk a ngaitu, thisa vialte na sinah an ra lai.

SALM 27:13

Nunnâk ram ah hin BAWIPA ṭhatnâk hmuh lai rak zum hlah ning law, ka lung a dong cang lai.

LUKA 11:10

Zeitintiah a halmi pauh nih an co, a kawlmi nih an hmuh i a kingtu pauh cu onpiak an si lai.