LUKA 14:13 - Laibaibal Thiang (BSI)

¹³ Sihmanhsehlaw rawldanghnâk na tuah tikah, misifak, pumtling lomi le kebei, mitcaw tu na sawm hna lai.

Lai (Hakha) Common Language Bible 2006

¹³ Rawl danghnak na tuah tikah, misifak, kutzeng, kezeng le mitcaw kha va sawm hna law

LUKA 14:13 Խաչաձեւ Հղումներ

LUKA 14:21

Cuticun sinum nih apu cu ava chimh. Inn ngeitu cu a thin a hung i a sinum sinah, ‘Khulrang in va kal law, zatlâng lam le, kirkhawr vialte va ṭol law misifak, pumtlinglo le kebei le mitcaw kha hika ah ratpi hna,’ tiah a ti.

PHUNGTHLÛKBIA 14:31

Misifâk lamhchihtu cu anmah sertu zomhtaihtu a si, asinain sertu a upat tu nih michambau zângfahnâk a ngei.

HEBRU 13:2

Ṭha te i khualtlung zohkhenh hi philhhlah u, cubantuk an philh lio cân ah cheukhat hna cu vancungmi nih an tlun tawn hna.

MATTHAI 22:10

Cuticun sinum hna cu zatlâng lamah an kal, an hmuhmi pauh misual he miṭha he an rak hruai hna i ṭhitumhnâk in kha an khat.

1TIMOTE 5:10

ṭhatnâk tuahnâk kongah thangṭhatmi, fale zong tlamtling in a rak bawmtu le, thilṭha kip ṭhahnem ngai i tuahtu a si ahcun nuhmei ah ṭial khawh a si.

1TIMOTE 3:2

Cuticun kawhhran hotu cu dotla, nupi pakhat ngei, â sumkhomi, ralringmi, nun can ṭha, mi conglomh thiam, cawnpiak thiam,

TITAS 1:8

asinain conglomh thiam, ṭhatnâk duhmi, lungfimmi, a dingmi, a thiangmi le amah le amah â uk khomi an si awk a si,

FILEMON 1:7

Zeitintiah unau, nanmah thawngin mithiang hna lungthin tharchuah in a um cang, na dawtnâk nih a liannganmi lawmhnâk le hnangamnâk a ka pêk.

LAMKALTU 9:39

Peter cu a tho i an sinah a kal. A phâk tikah in cungdot ah an kalpi i cuka i nuhmei vialte kha a pawngah dirin Dorkas an sin i a um lio i angki a sermi le puan a tahmi hna zoh pah in an ṭap.

LUKA 11:41

Nan ngeih ciami in mi sifak hna bawm hna ngat u, cuticun nan caah zeizong vialte a thianghlim cang lai.

PHUNGTHLÛKBIA 22:9

Nunsiangmi nih thluachuah a hmuh lai, zeicatiah misifak hna sinah ei awk a pêk tawn caah.

MATTHAI 15:30

Mitampi nih an panh, mitcaw, ke bei, a holh kho lomi, pumtling lo, a phun phun an si. Jesuh kehram ah an chiah hna i a rak damter hna.

LUKA 14:12

Cuticun amah sawmtu sin zongah, “Chun ah siseh, zanah siseh, rawldanghnâk na tuah tikah, na hawikawm, na rualchan, na chungkhat na innpa mirum hna cu sawm hna hlah. Zeicatiah an in sawm ve lai i an in cham ṭhân lai.

LUKA 14:14

Cuhna nih chamnâk ding an ngeih lo caah thluachuah nahmuh lai, miding mi hna thawhṭhân ni ah cham na si te lai,” tiah a ti.