LUKA 12:32 - Laibaibal Thiang (BSI)

³² Bu tlawmte hna, ṭih hlah u, zeitintiah pennâk pêk hi nan Pa lawmhnâk a si.

Lai (Hakha) Common Language Bible 2006

³² “Tuurun hmete hna, nan thinphang hlah u! Zeicahtiah nan Pa nih Pennak cu nanmah kha pek an duh hna.

LUKA 12:32 Խաչաձեւ Հղումներ

HEBRU 12:28

Cucaah hninhkhawh lomi ram a cotu kan si caah, zângfahnâk ngei u sih, cuthil ruangah Pathian ṭihzah buin Amah cohlan awktlâk in a rian kan ṭuan khawh lai.

BIAPHUAN 1:6

A Pa le a Pathian caah siangpahrang le tlângbawi ah a kan sertu sinah, Amah sin hrimhrim ah cun sunparnâk le uknâk cu zungzal in zungzal tiang um ko seh. Amen.

FILIPI 2:13

zeitintiah Amah lawmhnâk le duhnâk bangin nanmah ah a ṭuntu cu Pathian a si.

LUKA 10:21

Cu cân ah Jesuh cu Thlarau ah â lawm tuk i, “Ka Pa, lei le van Bawipa, na cungah kâ lawm. Nang nih mifim le mithiam hna sinah hi thil hi na thuh i ngakchia sem sintu ah na phuan. Asi, Ka Pa, cubantuk thil cu na mithmuh ah a ṭha.

MATTHAI 25:34

“Cuticun Siangpahrang nih a orh leimi hna sinah, ‘Ka Pa, thluachuahmi hna, ra u law, vawlei ser lio i nan ca i timhmi pennâk cu co u:

2 THESALON 1:11

Cucaah kan Pathian nih a kawhnâk ah tel awk a tlâkmi ah an ruah hna i a ṭhatnâk chungah a lawmhmi thilṭha hna cu ṭhawnnâk le zumhnâk in nan tlinter khawh nâkhnga nan caah thla kan cam tawn.

2 PETER 1:11

cuticun Jesuh Krih kan Bawipa le khamhtu nih zungzal ram i luhkhawhnâk cu siangngai in an pek hna lai.

MATTHAI 14:27

Asinain Jesuh nih a hun chawnh zau hna i, “Hnangam tein um u; Keimah dahkaw ka si; ṭih hlah u,” tiah a ti hna.

BIAPHUAN 22:5

Cuka ah zan a um ti lai lo: Ni ceunâk le meiin an herh ti lo, zeitintiah Bawipa Pathian nih a ceuh hna lai. Cun zungzal in zungzal tiang an uk lai.

2 THESALON 1:5

A dingmi Pathian biaceihnâk ah Pathian pennâk chungmi si awktlak i rel chih nan sinâk cu nan teminnâk hi a si,

ROM 6:23

Zeitintiah sualman cu thihnâk a si, asinain Pathian thilpêk cu kan Bawipa Jesuh Krih thawngin zungzal nunnâk a si.

JEIM 2:5

Ka dawtmi unau hna, zohhmanh u, Pathian nih hi vawlei thil i misifak hna hi zumhnâk ah rumding le Amah dawtu hna sinah a kamhmi pennâk kha co cawk ah a thimmi an si lo maw?

JOHAN 18:36

Jesuh nih, “Ka pennâk cu hi vawlei pennâk hi a si lo. Ka pennâk cu hi vawlei pennâk hi sisehlaw, Judah mi hna kut i ka phâk nâkhnga lo ka sinum hna nih an doh ve hnga. Asinain ka pennâk cu hika ah a si lo,” tiah a ti.

MATTHAI 20:16

Cuticun hmadung bik hmasa bik a si lai i hmasa bik hmadung bik a si lai. Zeitintiah sawmmi cu tampi an si i thimmi bel tlawmte an si, tiah a ti.

MATTHAI 7:15

Profet deu kha i ralring u; tuu phaw aih in nan sinah an ra lai na in an chunglei tu cu a hrangmi cenghngia an si.

LAMKALTU 20:28

Cucaah Pathian kawhhran, a thisen i a cawkmi hna tuukhal si nanmah chungin Thiang Thlarau nih hotu an sitermi ah hin nanmah le nan tuurun vialte hna kongah i ralring u.

LAMKALTU 20:29

Zeitintiah ka kal hnuah cinghnia hrangrual an rak lut lai i tuu kha an ngân hna lai lo, ti kha ka hngalh.

1 KORIN 1:21

Zeitintiah vawlei fimnâk nih Pathian a hngalh khawhlo hnu ah, Pathian fimnâk hmangin, hruhbia hmang i phungchimnâk a zumtu hna khamh an si kha Pathian â lawm deuh.