LUKA 10:22 - Laibaibal Thiang (BSI)

²² Ka Pa nih zeizong vialte ka kutah a chiahcang. Pa in dah tilo cun Fapa hi mizei a si kha ahohmanh nih an hngal lo. Pa zong cu mizei a si tiah, Fapa le an sin i Fapa nih a phuanduhnâk dah ti lo cun ahohmanh nih an hngal kho lo,” tiah a ti.

Lai (Hakha) Common Language Bible 2006

²² “Ka Pa nih zeizong vialte kha a ka pek cang: Pa nih dah ti lo nih cun ahohmanh nih Fapa kha ahodah a si, ti awk an hngal lo, Fapa le an sinah Fapa nih Pa a phuan duhmi hna dah ti lo nih cun Pa kha ahodah a si ti awk ahohmanh nih an hngal lo,” tiah a ti.

LUKA 10:22 Խաչաձեւ Հղումներ

MATTHAI 11:27

Ka Pa nih thil vialte ka kut ah a chiah cang, Pa dah ti lo cun ahohmanh nih Fa hi an hngal lo. Pa zong cu Fa le an sin i Fa nih a hngalhter duhmi dah ti lo cun ahohmanh nih an hngal kho lo.

JOHAN 1:18

Zeitikhmanh ah Pathian cu ahohmanh nih an hmu ballo. Fapa ngeihchun, Pa `angchungah a ummi nih Amah cu a phuan cang.

JOHAN 10:15

Pa nih aka hngalh bangin, kei zong nih Pa ka hngalh i tuu caah ka nunnâk ka pêk.

2 JOHAN 1:9

Mizei pauh Krih cawnpiaknâk ah hmun loin a buartu nih cun Pathian an ngei lo. Krih cawnpiaknâk i a hmunmi lawng nih Pa le Fa an ngei.

2 KORIN 4:6

Zeitintiah Jesuh Krih muihmaiah khan Pathian sunpar ning hngalhnâk ceu cu a kan pêk nâkhnga muihnâk chungin ceunâk pe ding i nawlpetu Pathian nih kan lungthin hi a ceuter.

1JOHAN 5:20

Pathian Fapa cu a ra i a dikmi Amah kha kan hngalh khawhnâk dingah hngalhthiamnâk a kan pêk cang ti kha kan hngalh. Kannih cu a Fapa Jesuh Krih a dikmi Amah ah khan kan um. Hihi Pathian dik le zungzal nunnâk a si.

JOHAN 17:26

An sinah na min ka hngalhter cang, ka hngalhter ṭhân ko lai. Naka dawtnâk bantuk dawtnâk kha anmah i a um khawh nâkhnga, kei zong anmah i ka um khawh nâkhnga,” tiah a ti.

JOHAN 17:2

Mi vialte cung i nawlngeihnâk na pêk bangin, Anih zong nih na pêkmi vialte zungzal nunnâk a pek khawh hna nâkhnga.

MATTHAI 28:18

Cun Jesuh cu an sinah rain bia a chimh hna, “Lei le van i nawlngeihnâk vialte ka sinah pêk a si cang.

JOHAN 13:3

Jesuh nih a kutah Pa nih thil vialte a pêk cangnâk le, Pathian sinin a rat bangin Pathian sinah a kir ṭhân lai ti kha a hngalh,

JOHAN 3:35

Pa nih Fapa a dawt i a kut ah zeizong vialte a pêk cang.

HEBRU 2:8

A ke tangah zeizong vialte na chiah,” Zeitintiah a tangah zeizong vialte a chiah cang caah, a tangah chiah lomi zeihmanh a um lo. Asinain atu ah cun a tangah zeizong vialte a ummi bangin kan hmu rih lo.

EFESA 1:21

bawinâk, nawlngeihnâk, ṭhawnnâk le uknâk vialte, hi vawlei lawnghmanh si loin a um laimi vawlei zongah min bunhmi vialte lakah cungnung bik a si.

1 KORIN 15:24

Cuticun biaceihnâk vialte, nawlngeihnâk vialte le ṭhawnnâk vialte a donghter tikah donghnâk tak tak a phân lai i Pa Pathian sinah Pennâk cu a chanh lai.

JOHAN 17:10

Kata vialte nata an si i nata zong kata an si, anmah ah thangṭhat in ka um.

JOHAN 17:5

Maw, ka Pa, vawlei umhlan in na sinah sunparnâk ka ngeihmi khan, atu ah Nangmah he ka sunparter hrâm ko.

MATTHAI 11:25

Cu cân ah Jesuh nih, “Maw, ka Pa, lei le van Bawipa, Nangmah nih mifim le mithiam hna lakah hi bia hi na thuh i ngakchia sem sin tu ah na phuan caah lawmhnâk bia kan chimh.