LAMKALTU 7:56 - Laibaibal Thiang (BSI)

⁵⁶ “Zohhmanh u, van â ongmi ka hmuh i Pathian orhlei i Mi Fapa dir zong ka hmuh! tiah a ti.

Lai (Hakha) Common Language Bible 2006

⁵⁶ Aa thawh i, “Zohhmanh u, vancung aa hun i Pathian orhlei kamah Mi Fapa a dir kha ka hmuh,” tiah a ti.

LAMKALTU 7:56 Խաչաձեւ Հղումներ

BIAPHUAN 19:11

Cubangin van â ongmi ah, zohhmanh, rang râng ka hmuh. Cun a cungah a ṭhumi cu Zumhtlâk le Biatak tiah kawhmi a si i dinnâk in bia a ceih i ral a doh tawn.

BIAPHUAN 11:19

Cuticun van ah Pathian ṭempal cu â ong i a ṭempal chungah a biakamkuang kha a lang. Cun nimtlau â lek i thawngpang a thang, khua a ri, li kha â hnin i a ngan ngaimi rial kha an tla.

LAMKALTU 10:11

van â ongmi a hmuh i bawm nganpi puan killi in an run ṭhumh i vulei ah a phân.

MATTHAI 3:16

Baptisma a in dih in, Jesuh cu ti chungin a hung chuah le cângkâ, ngaihmanh a caah van â ong, Pathian Thlarau ṭhuro bangin a rung ṭum i a cungah â fut kha a hmuh.

BIAPHUAN 4:1

Cu thil hna hnuah ka hun zoh i zohhmanh van ah innkâ â hun kha ka hmuh. Cun aw ka rak theih hmasatmi, muko thawng bantuk nih khan ka sinah, “Hika ahhin ra law, hmailei cân i a um lai ding thil kha kan chimh lai,” tiah a ka ti.

LAMKALTU 10:16

Cubantuk lawng tein voithum a rak um i bawm cu van ah a kai ṭhân.

JOHAN 1:51

Anih nih, “Biataktein, biataktein kan chimh, hi hnu ah, â ong mi vanah, Pathian vanmi Mi Fapa cung i an ṭum an kai kha nan hmuh te lai,” tiah a ti.

LUKA 3:21

Mi vialte nih baptisma an in lio ah, Jesuh zong nih baptisma a in ve, thla a cam lio ah van kha â ong.

MARKA 1:10

Cun ti chungin a chuah le cângkâ van â ong i Thlarau kha ṭhuro bangin a cung i a rung ṭum kha a hmuh.

MATTHAI 25:31

Mi Fapa hi a sunparnâk in â thawmh i vanmi thiang vialte hna he arat tikah a sunparnâk ṭhutdanh ah a ṭhu lai.

MATTHAI 8:20

Jesuh nih, “Cinghngia nih kua an ngei, vate nih bu an ngei, Mi Fapa nih luchiahnâk hmanh a ngei lo,” tiah a ti.

LAMKALTU 7:57

Annih cu thang ngaiin an au, an hna an phih i amah cu an namchih.