LAMKALTU 7:10 - Laibaibal Thiang (BSI)

¹⁰ a harnâk vialte chungin a khamh i Izip siangpahrang Faraw hmai ah fimnâk le duhpiaknâk a pêk. Cun Izip mi vialte le a inchung mi vialte uktu ah a canter.

Lai (Hakha) Common Language Bible 2006

¹⁰ harnak a inmi dihlak chungin him tein a chuahter. Josef cu Izipt siangpahrang Faro hmaiah a chuah tikah khan nuncan dawh le fimnak kha a pek. Faro nih cun Josef cu ram uktu bawi le siangpahrang innchungkhar uktu bawi ah a ser.

LAMKALTU 7:10 Խաչաձեւ Հղումներ

PHUNGTHLÛKBIA 3:4

Pathian le minung hmaiah mithmai ṭha le cawisannâk na hmuh lai.

2TIMOTE 4:18

Cun Bawipa nih sual rianṭuannâk vialte chungin a kan khamh lai i a vanlei pennâk ah him tein a kan phâkter lai. Amah sinah zungzal in zungzal tiang sunparnâk um ko seh. Amen!

PHUNGTHLÛKBIA 2:6

Zeitintiah BAWIPA nih fimnâk a pêk i a hmurkâ in hngalhnâk le theihthiamnâk a chuak tawn.

SALM 22:24

Zeitintiah amah nih harnâk tuartu hna harnâk kha a zomhtaih lo i an sinin a hmai a thup lo; asinain a sin an au tikah a theih hna.

BIAPHUAN 7:14

Keinih a sinah, “Ka pu nangmah nih na hngalh” tiah ka ti. “Hi hna hi harnâk nganpi chungin a rakchuakmi an si, an angki kha an suk i Tuufano thisen in ran termi an si tiah a ka leh.

SALM 37:40

BAWIPA nih a bomh hna lai i a khamh hna lai; amah an i bochan caah misuaksual hna sinin a chuah hna i a khamh tawn hna.

PHUNGTHLÛKBIA 16:7

BAWIPA lomhnâk i mi a nun tikah, a ral he hmanh a remter hna.

JEIM 5:11

Asi, a dongh tiang ing khomi hna cu mi thluachuak ah kan ruah hna. Job lungsauning kha nan hngalh, Bawipa nih a donghnâk i a tuahmi zong kha nan hngalh, kha thil ah khan Bawipa cu zângfahtu le velngeitu a si zia kha fiang tein a lang.