LAMKALTU 5:11 - Laibaibal Thiang (BSI)

¹¹ Cuticun kawhhran vialte le cu kong a theitu vialte nih an ṭih ngai ngai.

Lai (Hakha) Common Language Bible 2006

¹¹ Khrihfabu le cu thawng a theimi paoh cungah khan ṭihnak nganpi a tlung.

LAMKALTU 5:11 Խաչաձեւ Հղումներ

LAMKALTU 5:5

Ananias nih cu bia a theih tikah â teng i a thi. Cu thil a theitu vialte cungah ṭihnâk nganpi a phân.

HEBRU 4:1

Cucaah, ṭih u sih, a dinhnâk chung luhnâk biakam a hmunh lio ahhin nan lakah a tling lomi nan um sual lai.

LAMKALTU 19:17

Cu thil cu Efesa khua i a ummi Judah mi le Grik mi zong nih an theih dih. Mi vialte nih an ṭih i, Bawipa Jesuh min cu a lianngan chin chin.

FILIPI 2:12

Cucaah ka dawt le hna, nawl nan ngaih tawn bangkhan, ka um lio lawngah si loin, atu ka um lo zongah ngai chin chinin ṭih le ther buin khamh nansinâk kha chuak lakin ṭuan ve u,

HEBRU 12:15

I ralring u, Pathian zângfahnâk ah tling loin nan um sual lai. Khâtnâk hram a corhmi nih an buaiter hna lai, mi tampi nih thûrhnomhnâk ah an hman cang;

SALM 89:7

Mithiang hna pumhnâk ah Pathian cu lianngan ngai i ṭih awk a si, a pawngkammi vialte zong nih an hmaizah awk a si.

HEBRU 12:28

Cucaah hninhkhawh lomi ram a cotu kan si caah, zângfahnâk ngei u sih, cuthil ruangah Pathian ṭihzah buin Amah cohlan awktlâk in a rian kan ṭuan khawh lai.

BIAPHUAN 15:4

Aw Bawipa, ahodah Nangmah ṭih loin a um lai i na min thangṭhat lo in a um lai? Zeitintiah Nangmah lawnglawng a thiangmi na si. Zeitintiah a dingmi na biaceihnâk cu langhter a si cang caah, Miphun vialte na sinah ra in an in biak lai,” tiah an sak.

1 PETER 1:17

Cun thleidannâk um loin mikip tuahning cio i ceihpiaktu kha Pa ah nan i ngeih ahcun, hika i nan câm chung pauh cu Amah ṭihzahnâk he nung u.

HEBRU 11:7

Zumhnâk in Noa cu hmuh rih lomi thil kongah cung leiin ralrin pêk a si, Pathian ṭih buin a chungkhar khamhnâk caah tilawng a tuah, cu nih cun vawlei kha thiamlo a coter i zumhnâk ningin dinnâk ro cotu a si.

LAMKALTU 2:43

Cuticun Lamkaltu hna hmangin khuaruahharnâk le hmelchunhnâk kha tuah a si i mi vialte cungah ṭihnâk a tlung.

LAMKALTU 9:31

Cuticun kawhhran hna cu Judia ram vialte le, Galili le Samaria ah an fek chin lengmang i hnangam tein an um. Bawipa ṭihzah le Thiang thlarau hnangam terin an um i ankarh chin lengmang.