LAMKALTU 4:32 - Laibaibal Thiang (BSI)

³² Zumtu hna cu lungthin hmunkhat le thlarau hmunkhat in an um, an lakah pakhat hmanh nih an ngeihmi ka ta ti loin thil vialte an i hrawm.

Lai (Hakha) Common Language Bible 2006

³² Cun zumtu hna cu an bu ningte in an ruahnak le an lungthin aa khat dih. Ahohmanh nih an thil kha, keimah ta, an ti lo i an ngeihmi paoh kha an i hrawm dih.

LAMKALTU 4:32 Խաչաձեւ Հղումներ

1 KORIN 1:10

Ule nau hna, kan Bawipa Jesuh Krih min in kan nawl hna, nan lakah i ṭhennâk um lo in, nan chimmi i khat sehlaw, ruahnâk le biakhiahnâk ah lungnge te le tlamtling te in hmunkhat ah nan i pehtlaih khawh nâkhnga.

1 PETER 3:8

A hnu bik ah nan dihlak in ruahnâk hmunkhat in um ulaw vêl i ngeih hna u, unau bangin i daw u, zângfahthiam le toidornâk tein um u;

2 KORIN 13:11

A donghnâk ah ule nau hna, dam tein. Tlamtling tein um u. Hnangam tein um u, ruahnâk pakhat ngei ulaw, daihnâk he nung u, cun dawtnâk le daihnâk Pathian nih an umpi hna lai.

LAMKALTU 2:1

Penticost ni a phâk tikah, an dihlak in, hmun pakhat ah lungrual tein an um.

FILIPI 1:27

Zeiasihmanhah, nan nunning le Krih thawngṭha cu i rem ko seh, cuticun nan sin i ka rat i kan hmuh hna ah siseh, nan sin i ka um lo ah siseh, thlarau pakhat i nan umnâk kong le ruahnâk pakhat i thawngṭha bia ah ṭhahnem nan ngaihning kha kan theih khawh lai,

LAMKALTU 1:14

Cu vialte cu nu hna le Jesuh nu Mary, Jesuh nau le hna he ruahnâk hmunkhat i thlacam le nawlnâk tuah in an um peng.

JOHAN 17:11

Atu cu vawlei ah ka um ti lai lo, annih cu vawlei i ummi an si. Na sinah kara lai. A thiangmi ka Pa, naka pêkmi hna hi na min in kilveng ko hna, kannih pumkhat kan si bantukin pumkhat an si khawh nâkhnga.

1 PETER 4:11

Jesuh Krih thawngin Pathian cu zeizong vialte ah thangṭhat i a um khawh nâkhnga, mi zei pauh nih phung a chim ahcun Pathian chimning tein chim seh, mizei pauh nih rian a ṭuan ahcun Pathian nih ti khawhnâk a pêk ning tein ṭuan seh, sunparnâk le biaceihnâk cu zungzal in zungzal tiang Amah ta a si. Amen.

ROM 12:5

cubangin kannih zong, tampi kan sikonain, Krih ah taksa pumkhat kan si, pakhat cio in a nge kan si dih.

LAMKALTU 5:12

Mizapi sinah lamkaltu hna kut hmangin Pathian nih hmelchunhnâk le khuaruahharnâk tampi a tuah. Annih cu ruahnâk pakhat ngei in Solomon innlêng timi ah an i pum tawn.