LAMKALTU 20:4 - Laibaibal Thiang (BSI)

⁴ Beria khua mi Sopata le Thesalonika khua mi Aristarkas le Sekandas le Derbe khua mi Gaius le Timote, Asia ram mi Tikhikas le Trofimas hna nih Asia ram tiangin an thlah.

Lai (Hakha) Common Language Bible 2006

⁴ Berea khuami Pirhas fapa Sopater le Thesalonika khuami Aristarkas le Sekandas le Derbe khuami Gaius le Asia ram mi Timote, Tikhikas le Trofimas kha a sinah cun an kal.

LAMKALTU 20:4 Խաչաձեւ Հղումներ

LAMKALTU 19:29

Cuticun khua dihlak cu buainâk in a khat i Gaius le Aristarkas, Masidonia rammi Paul zultu kha an tlaih hna i zohnuam chuahnâk hmun ah an kalpi hna.

2TIMOTE 4:20

Erastas cu Korin khua ah a um i Trofimas tu cu Miletas ah dam loin ka kaltâk.

EFESA 6:21

Nannih zong nih ka kong le ka um tuning nan hngalh khawh nâkhnga Ṭaikhikhas, Bawipa i dawtmi unau le zumhawktlak rian ṭuntu nih hin zeizong vialte an chimh hna lai,

TITAS 3:12

Artemas maw, Taikhikhas maw na sinah ka rak thlah tikah Nikopolis khua ah ka sinah rat i zuam te, zeitintiah cuka ah khuasik chung um kâ tim.

2TIMOTE 4:12

Cun Ṭaikhikhas cu Efesa ah ka thlah.

KOLOSE 4:7

Ṭaikhikhas kan unau dawtmi, rianṭuantu zumhtlâk, Bawipa i kan sal hawi a simi nih ka konglam vialte an chimh hna lai.

LAMKALTU 21:29

(Zeitintiah hi hlan ah hin Efesa mi Trofimas kha khuachung ah amah he an hmuh i cucu Paul nih ṭempal ah a luhpi rua tiah an ruahmi a si)

LAMKALTU 16:1

Derbe le Lustra khua ah an kal i ngaihmanh, cuka ah zultu pakhat, a min Timote a um, amah cu Judah zumtu nu pakhat fapa a si i a pa tu cu Grik mi a si.

LAMKALTU 14:6

annih nih an i timhmi an theih tikah Likaonia ram khualipi Lustra le Derbe le a pawngkam ram hna ah lodiam an zâm.

KOLOSE 4:10

Aristarkhas, thong i ka tlâkpi hawi nih nan kut an tlaih hna: Marka Barnabas tupa zong nih nan kut an tlaih hna, (amah kong i tuahawk thil ka chim cang kha: nan sin a rat tikah rak cohlang u).

3 JOHAN 1:1

Upa nih, Dawtmi Gaias, biatak i ka dawtmi sinah:

FILEMON 1:24

ka ṭuanpi hawi Marka, Aristarkhas, Demas le Luka zong nih cubantukin na kut an tlaih.

2TIMOTE 1:2

Ka dawtmi fa Timote sinah kan Pa Pathian le kan Bawipa Krih Jesuh sinin zângfahnâk le velngeihnâk le daihnâk um ko seh.

1TIMOTE 1:1

Paul, Pathian a kan khamhtu le kan i ruahchanmi Jesuh Krih nawlpêk bangin Jesuh Krih lamkaltu nih.

FILIPI 2:19

Nan kong ka theih i lungdai tein ka um khawh nâkhnga Timote hi nan sinah kuat zau dingin Bawipa Jesuh ah zumhnâk ka ngei.

2 KORIN 1:19

Zeitintiah Pathian Fapa Jesuh Krih kong kei le Silvanas le Timote nih nan sin i kan chim tawnmi hi, “Asi ti le A silo, tiah cawhmi a si hrimhrim lo, Asi ti cu Amah ah a um.

2 KORIN 1:1

Paul, Pathian duh ningin Jesuh Krih lamkaltu le kan unau Timote nih Korin khua i a ummi Pathian kawhhran le Akai ram pumpi i mithiang vialte sinah:

ROM 16:23

Keimah le kawhhran vialte tlunnâk Gaias nih nan kut an tlaih hna.

ROM 16:21

Kan rianṭuan hawi Timote le, ka phunhawi Lusias, Joson le Sosipater hna nih nan kut an in tlaih hna.

LAMKALTU 27:2

Cuticun Adramittium khua tilawng, Asia rili kam hrawngtu ah kan i cit i Mesidonia ram Thesolonika khua mi Aristarkas zong kan sinah a um.

LAMKALTU 17:1

Cubangin Amfipolis khua le Apollonia khua lanhtâk in Thesalonika khua an phân. Cuka ah Judah mi hna sinagog a um.

LAMKALTU 14:20

Asinain zultu hna a pawng i an dir lioah a hung tho i khuachung ah a lut. A thaizing ah a chuak i Barnabas he Derbe khua ah an kal.

LAMKALTU 2:9

Kannih cu Parthian, Medes, Elom, Mesopotamia, Judia, Kappadosia, Pontas, Asia,

LAMKALTU 16:6

Thiang Thlarau nih Asia ram i phungchim a onh lo ruangah, Frizia le Galatia ram tu an tlawng.

LAMKALTU 17:13

Asinain Thesalonika khua i Judah mi hna nih Paul nih Beria khua ah Pathian bia a chim ti kha an theih tikah an ra i mizapi kha an tukforh hna.

LAMKALTU 20:16

Zeitintiah Paul nih Asia ram i an rauh sual nâkhnga lo Efesa zong kha lanhtâk a timh. A sikhawh ahcun Jerusalem ah Pentikos ni hman a timh caah khulrang deuh i kal a duh.

LAMKALTU 20:18

A sin an phâk tikah bia a rak ruah hna. Asia ram ka phanh hramthawk in nan sin ka um tiangah nan sin i ka nunning kha nan hngalh.