LAMKALTU 2:20 - Laibaibal Thiang (BSI)

²⁰ Bawipa ni lianngan le ṭih a nungmi a phâk hlan ah, ni muihnâk ah a cang lai i thlapa thisen ah a cang lai.

Lai (Hakha) Common Language Bible 2006

²⁰ Bawipa Ni, a sunglawimi ni le a liannganmi ni a phak hlanah khan Ni cu a mui lai i thlapa cu thisen bantukin a sen lai.

LAMKALTU 2:20 Խաչաձեւ Հղումներ

2 PETER 3:10

Asinain Bawipa ni cu zan i mifir bangin a ra lai, cuni ah van khi fak piin an awn lai i an tlau lai, thil hram hna cu mei nih lo lakin a emh hna lai, vawlei le a chung i a ummi rian vialte hi a kâng dih lai.

MATTHAI 24:29

Cubantuk harnâk cân a dih le cângkâ, ni a mui lai i thlapa nih a ceunâk a chuah ti lai lo. Van in arfi kha an tla lai i van ṭhawnnâk cu ai hnin lai.

1THESALON 5:2

Zeitintiah Bawipa ni cu zanah mifir bangin a rak phân lai tiah nanmah lila nih tling tein nan hngalh ko.

2 PETER 3:7

Asinain cubia lila nih atu i van le vawlei hi a tlaih, Pathian zeiah a rel lomi hna cung i biaceihnâk le lohtlaunâk ni caah mei i khangh ding i zuahmi a si.

LUKA 21:25

“Cun ni le thla le arfi ah hmelchunhnâk a um lai. Rili le tilet thawngpang ruangah vawlei ah a ruah awk an hngalh lo tiangin harsatnâk le vansannâk a phân lai.

MARKA 13:24

Asinain cu ni hna le, harnâk cân a dih cun, nika a mui lai i thlapa a ceu ti lai lo.

BIAPHUAN 16:8

Cuticun vanmi palinâk nih a hraicu ni ah a toih, cun ni cu mei he minung hna emh dingin ṭhawnnâk pêk a si.

BIAPHUAN 6:12

Chinchiahmi paruknâk a phoih lio kha ka zoh i ngaihmanh fakpi in li â hnin i ni cu sahmul puan bangin a nak i thlapa zong thisen bantuk in a um.

1 KORIN 5:5

cubantuk thil a tuahtu cu a thlarau Bawipa ni ah khamh a si khawh nâkhnga a pumsa cu hrawh dingin Satan pe ko u sih, tiah ka ti.

MATTHAI 27:45

Chun suimilam hleihnih in zanlei pathum tiang khua a mui dih.

LAMKALTU 2:19

Cunglei vanah khuaruahhar thil le, tanglei vawlei ah hmelchunhnâk kha ka langhter lai; thisen le mei le a zâmmi meikhu hna he:

LAMKALTU 2:21

Cun hitihin a si lai, Bawipa min a aumi pauh cu khamh a si lai,’ a timi kha.