LAMKALTU 2:11 - Laibaibal Thiang (BSI)

¹¹ Judah mi kan si ah, Judah phun hrawm Jentel mi kan si ah, a cheu cu Krit tikulh le Arabia rammi kan si, asinain Pathian tuahmi thil lianngan kong an chimmi kan holh cio in kan rak theihmi hi,” tiah an ti.

Lai (Hakha) Common Language Bible 2006

¹¹ Judah mi kan si ah, Judah phun aa hrawmmi Jentail mi kan si ah, cun a cheu cu Krit tikulh le Arabia ram in a rami kan si fawn — asinain Pathian nih thil lianngan a tuahmi hna kha an chim tikah an chimmi cu kan holh in an chim tiin kan theih cio hna,” tiah an ti.

LAMKALTU 2:11 Խաչաձեւ Հղումներ

1 KORIN 12:10

midang sinah khuaruahhar tuahkhawhnâk pêk a si, midang sinah biaphuan khawhnâk pêk a si; midang sinah thlarau dik le dik lo thleidan khawhnâk pêk a si, midang sinah holh phundang dang i biachim khawhnâk pêk a si, midang sinah holh dangdang leh khawhnâk pêk a si.

HEBRU 2:4

Pathian zong nih hmelchunhnâk le khuaruahharnâk, thilmak a phun phun hna le Amah duhning tein Thiang Thlarau laksawng he a hngalhpi hna.

TITAS 1:12

Anmah profet hna lak i pakhat zong nih, “Kret tikulh chungmi hna cu mi lihchim a sualmi sahrang bantuk, mi thathu mi pawkau an si,” tiah a ti kha.

SALM 26:7

Lomhnâk biachimnâk aw ka chuah nâkhnga le, na tuahmi khuaruahhar vialte ka phuan khawh nâkhnga.

TITAS 1:5

Hiruangah Kret tikulh ah kan chiah ta, cucu lîm lomi thil kha ningcang tein narak tuah i nawl kan pêk bangin khua kipah upa kha na rak chiah hna nâkhnga-

LAMKALTU 27:12

Cun khuasik cân i umnâk ah tilawng dinhnâk cu a ṭhat lo caah, mi tam deuh nih tilawngin chuah i Foinisia khua phanh i cuka i khuasik cân hman kha an duh. Foinisia cu Kret tikulh i tilawng dinhnâk hmun a si, chaklei nitlak le thlanglei nitlak ralden in a ummi a si.

LAMKALTU 27:7

Duhsah tein ni saunawn kan kal hnuah har ngai in Nidas khua pawng kan phân. Thli ruangah hmailei kan panh khawh lo caah Salmoni pawng i Kret tikulh phen i thli khurnâk lei ah kan i mer.

SALM 136:4

Khuaruahhar lianngan a tuahtu sin lawnglawng ah, zeitintiah a vêlngeihnâk cu zungzal in a hmun.

SALM 111:4

Khuaruahhar thil a tuahmi kha hngalh zungzal ding i a tuahmi an si, BAWIPA cu zângfahnâk le vêl i a khatmi a si.

SALM 107:21

Aw, minung hna nih hin BAWIPA ṭhatnâk ruangle, minung fale caah khuaruahhar a tuahmi ruangah lawmhnâk bia hei chim hna sehlaw cu mu!

SALM 107:15

Aw, minung hna nih BAWIPA ṭhatnâk ruangle, minung fale hna ca i khuaruahhar a tuahmi ruangah hin lawmhnâk bia hei chim hna sehlaw cu mu!

SALM 107:8

Aw, minung hna nih hin BAWIPA ṭhatnâk ruangah, Minung fale hna caah khuaruahhar thil a tuahmi ruangah hin lawmhnâk bia hei chim hna sehlaw cu mu!

SALM 96:3

Mi phunkip sinah a sunparnâk phuang u law, mikip sinah a tuahmi khuaruahhar kha phuang u.

SALM 89:5

Maw BAWIPA, van hna nih khuaruahhar na tuahmi an thangṭhat lai, mithiang hna pumhnâk ah zumhtlâk na sinâk hi an thangṭhat lai.

SALM 78:4

Cucu an fale hna sinah kan thup lai lo, ṭhangthar a um laimi hna sinah BAWIPA thangṭhat sullam le, a ṭhawnnâk le thilmak a tuahmi kha kan chim lai.

SALM 77:11

BAWIPA rianṭuanmi kha ka philh hna lai lo, hlan lio i thilmak a tuahmi hna kha ka philh lai lo.

SALM 71:17

Maw Pathian, ka no lio cân in narak ka cawnpiak cang, atu tiangin khuaruahhar thil na tuahmi kha ka phuan tawn.

SALM 40:5

Maw BAWIPA ka Pathian, khuaruahhar thil na tuahmi hna le kan kong na ruahmi hna cu an tam tuk; â chang thliahmah in relcawk ding a si lo, ka chim le ka phuan hna ahcun, rel khawhmi pin lei an si.

GALATI 4:25

Cuticun Hagar hi Arabia ram i Sinai tlâng a si i atu lio Jerusalem sining he â khatmi a si, a fa le he salah an um.

GALATI 1:17

Lamkaltu ka si hlan i lamkaltu a rak simi umnâk Jerusalem zongah kal loin, Arabia ram tu ah ka kal i Damaska ah ka kir ṭhân.

1 KORIN 12:28

Pathian nih a kawhhran ah hi hna hi a chiah hna, pakhatnâk ah, lamkaltu, pahnihnâk ah profet, pathumnâk ah cawnpiaktu, cu hnu ah khuaruahhar tuah kho tu, cuhnu ah damnâk thilpek ngeitu, mi bawm khotu, biaceihthiam mi, holh phun dangdang chim khotu hna an um.

LAMKALTU 2:10

Frizia, Pamfili, Izip le Libia ram chung i Sairin khua pawng rammi kan si, cun Rom khua in a rami,

LAMKALTU 2:12

An dihlak in mak an ti i an ar ko. “Hihi zeitindah a si khawh?” tiah an ti.

LAMKALTU 27:13

Chaklei thli cu duhsah tein a hrang pah lengmang i an duhning a rak phân ko rua tiah an ruah, rili pi ah kan kal i Kret tikulh tikam cu kan ṭol cuahmah ko.