LAMKALTU 16:3 - Laibaibal Thiang (BSI)

³ Paul nih a sin i kal ve dingah a duh i cuka hrawng i Judah mi hna ralven ruangah a cuarpar a tanter, zeicatiah apa kha Grik mi a si ti an hngalh dih.

Lai (Hakha) Common Language Bible 2006

³ Paul nih cun Timote kha i ṭhit a duh caah a cuarpar kha a tan. Cu bantukin a tuah cu khika hrawng i a ummi Judah mi vialte nih Timote a pa cu Grik mi a si ti kha an hngalh caah a si.

LAMKALTU 16:3 Խաչաձեւ Հղումներ

GALATI 2:3

Kâ kalpimi Titas zong Grik mi a si nain cuarpar tanpiak a si theng lo.

1 KORIN 9:20

Judah mi ka tei khawhnâk hnga Judah milakah Judah mi bangin ka um tawn. Nawlbia tang i a ummi hna ka tei khawh nâkhnga nawlbia tang i a ummi bantukin ka um tawn.

GALATI 5:6

Zeitintiah Krih Jesuh ah cun cuarpartan hi zeihmanh a ṭhahnem lo, cuarpar tanlo zong zeihmanh a ṭhahnem hlei lo. Zumhnâk, dawtnâk i ṭuan lawng kha a ṭhahnemmi cu a si.

GALATI 2:8

(zeitintiah cuarpar tanmi lamkaltu Peter sinah hlawk ngaiin rian a ṭuntu nih khan, Gentel Lamkaltu ka sin zongah hlawk ngaiin rian a ṭuan),

1 KORIN 7:19

Cuarpar tan hi zeihmanh a si lo i cuarpar tanlo zong hi zeihmanh a si hlei lo. A biapi bik cu Pathian nawlpêk zulh hi a si.

LAMKALTU 15:40

Paul nih Sailas â thim i unau hna nih Bawipa zângfahnâk ah an chiah hna hnuah an chuak ve.

LAMKALTU 15:37

Cubangin Barnabas nih Johan, Marka an timi cu an sinah hruai a timh peng.

LAMKALTU 15:20

Milem biaknâk sa ei le, nupa sualnâk tuah le hngawngdih sa ei le sathi ei kha i sûm hna seh, tiah an sinah ca ṭial u sih, tiah ka ruah bik ko,” tiah a ti.

FILIPI 2:22

Asinain a nih cu a sining nan hngalh cang, fa nih a pa caah a ṭuan bantukin thawngṭha rian a ka ṭuanpi tawn.