LAMKALTU 15:9 - Laibaibal Thiang (BSI)

⁹ Kannih le annih thleidang loin zumhnâk in an lungthin a thianter hna.

Lai (Hakha) Common Language Bible 2006

⁹ Kannih le annih karlak ah zeihmanh thleidannak a tuah lo; annih nih an zumh caah an lungthin kha a thianter ve ko hna.

LAMKALTU 15:9 Խաչաձեւ Հղումներ

EFESA 3:6

Cu biathli cu Thawngṭha thawngin Krih ah Gentel mi hna hi rocopi hawi, pum ṭengnge, biakam co pitu an si, timi hi a si.

LAMKALTU 10:28

Cun an sinah, “Judah mi ca i miphun dang pawlkomh le an sin i kal cu phungning a si loning nan hngalh. Asinain mizei pauh hi thianglo le thûr ka ti hna awk a si lo zia Pathian nih fiang tein a ka hmuhter.

KOLOSE 3:11

Cukaah cun Grik mi le Judah mi, cuarpartan le tanlo, miphun niam, Skuthia mi, sal le miluat zong um khawh a si lo, Krih cu zeizong ah zeizong a si.

GALATI 5:6

Zeitintiah Krih Jesuh ah cun cuarpartan hi zeihmanh a ṭhahnem lo, cuarpar tanlo zong zeihmanh a ṭhahnem hlei lo. Zumhnâk, dawtnâk i ṭuan lawng kha a ṭhahnemmi cu a si.

GALATI 3:28

Cuka ah Judah siseh, Grik siseh um khawh a si lo. Cuka ah sal siseh, miluat siseh um khawh a si lo, pa le nu zong an um kho hlei lo. Krih Jesuh ah nan dik lakin pumkhat nan si.

1 KORIN 1:2

Korin khua i Pathian kawhhran, Krih Jesuh ah thleidanmi, mithiang si ding i kawhmi hna sinah le ramkip i kan Bawipa Jesuh Krih min kotu vialte sinah le, annih le kan nih sin zongah:

ROM 3:22

cucu Pathian dinnâk, Jesuh Krih zumh ruangah a zummi vialte sin i langhtermi cu a si. Zeitintiah thleidannâk zeihmanh a um lo;

LAMKALTU 11:12

Cuticun Thlarau nih lungawṭawm lo tein anmah zul cawlh dingin a ka thlah. Hi unau paruk hna zong nih anka zulh i an innah kan lut.

1 PETER 1:22

Unau dawtnâk taktak kha ngei in, Thlarau thawngin biatak zum in, nan thlarau nan thianter cang caah, lungthin thiang te le biatak tein pakhat le pakhat i daw u,

LAMKALTU 10:34

Peter nih bia chim a thawk i, “Pathian nih thleidan a ngei lo tihi fiang tein ka hngalh.

1 KORIN 7:18

Cuarpar tanmi kawh an um maw? Cuarpar tan lomi ah i canghlah seh. Cuarpar tanlo lio ah kawhmi an um maw? Cuarpar i tan theng hlah seh.

ROM 9:24

kannih zong hi a kawhmi kan si, Judah mi lawng si loin Gentel mi zong an si ve lo maw?

ROM 3:9

Zeidah a si kun lai? Annih nâkin kan ṭha deuh hlei maw? Ṭha deuh hlei naisai hlah. Zeitintiah Judah mi le Grik mi hna cu sualnâk salah an um dih tiah kan chim cang kha.

LAMKALTU 14:27

An phâk hnu ah kawhhran kha an kawh hna i Pathian nih anmah hmangin a tuahmi vialte le Gentel mi hna caah zumhnâk lam Bawipa nih a onpiaknâk kong kha an chim hna.

LAMKALTU 14:1

Ikonion khua ah Judah mi hna sinagog ah an lut i bia an chim i Judah mi le Grik mi tampi nih an zumh.

LAMKALTU 10:15

Aw nih a voihnihnâk ah, “Pathian nih a thianter cangmi cu a thianglo na ti awk a si lo,” tiah a ti.

SALM 51:10

Maw Pathian, ka chungah lungthin thiang ser ṭhân law, keimah ah hin a fekmi thlarau kha tharchuah hrâm ko.