LAMKALTU 14:3 - Laibaibal Thiang (BSI)

³ Cucaah cuka ah sau nawn an câm, a zângfahnâk bia hngaltu an si bangin Bawipa ah ralṭha in bia cu an chim, hmelchunhnâk le khuaruahharnâk kha an kut in a tuahter hna.

Lai (Hakha) Common Language Bible 2006

³ Khika ah lamkaltu hna kha saupi an cam. Bawipa kong kha ralṭha ngaingai in an chim i a velngeihnak kong an chimmi kha ahmaan ti hmuhsaknak caah khuaruahharnak tuah khawhnak kha a pek hna.

LAMKALTU 14:3 Խաչաձեւ Հղումներ

HEBRU 2:4

Pathian zong nih hmelchunhnâk le khuaruahharnâk, thilmak a phun phun hna le Amah duhning tein Thiang Thlarau laksawng he a hngalhpi hna.

LAMKALTU 20:32

Atu ah hin ule nau hna, Pathian le a zângfahnâk bia ah kan chanh hna, cu nih cun an dirter khawh hna i mithiangmi hna sinah comi ro an ngeihter hna lai.

LAMKALTU 20:24

Asinain hi thil hna nih hin `ihnâk pakhat te hmanh anka pe lo. Tlik kâ zuamnâk lam zulh i Bawipa Jesuh sinin ka hmuhmi rian Pathian Zângfahnâk Thawng`ha bia theihter hi lunglawm tein ka lîm khawhnâk ding a si ahcun ka nunnâk hmanh hi ka zâng a râm lo.

1THESALON 2:2

Asinain khahlan ah khan temtuarnâk kan rak in cang, Filipi khua ah diriam ngai i tukvelhnâk kan rak ton, kha tluk i dohdalnâk lakah Pathian thawngṭha phuang dingin kan Pathian ah kan ral a ṭhatning zong nan hngalh.

ROM 1:16

Krih thawngṭha cu ka zahpi lo, zeitintiah a zummi vialte caah khamhnâk dingah Pathian ṭhawnnâk a si; a hmasa in Judah mi caah a si i Grik mi ca zongah a si.

MARKA 16:20

Cun annih cu an kal i kakip ah phung an chim, Bawipa nih anmah a ṭuanpi hna i bia kha fehter dingin hmelchunhnâk in a zulh peng hna. Amen.

LAMKALTU 5:32

Cu thil hna hngalhpitu cu kan si. Cubangin Pathian nih a nawl a ngaimi hna sin i a pêkmi Thiang Thlarau hi hngalhpitu a si ve,” tiah an leh.

LAMKALTU 2:22

“Nannih Israel mi hna, hi bia hi ngai u; Nazaret Jesuh kha, nan lakah a liannganmi thil le, khuaruahhar le hmelchunhnâk hna hmangin Pathian nih a dirkamh i a langhtermi a si kha nanmah hrimhrim nih nan hngalh.

LAMKALTU 13:46

Paul le Barnabas cu an ral a ṭha chinchin i, “Pathian bia hi nanmah sin i chim hmasat awk a si hrimhrim. Asinain nan duh lo i zungzal in nung dingah nan ruah lo hnuah, zohhmanh u, Gentel lei kan hoih ve cang lai.

JOHAN 4:48

Jesuh nih, “Hmelchunhnâk le khuaruahharnâk nan hmuh lo ahcun nan zum hrim lai lo,” tiah a ti.

LAMKALTU 4:31

Thla an cam dih in an i pumhnâk inn kha â hnin, an dihlak in Thiang Thlarau in an khat i ralṭhatnâk he Pathian bia kha an chim.