KOLOSE 3:4 - Laibaibal Thiang (BSI)

⁴ Kan nunnâk Krih a langh tikah nannih zong Amah sinah sunglawi ngaiin nanlang ve lai.

Lai (Hakha) Common Language Bible 2006

⁴ Nan nunnak taktak cu Khrih kha a si i amah cu a langh tikah nannih zong amah sinah cun nan lang ve lai i a sunparnak cu nan i hrawm lai.

KOLOSE 3:4 Խաչաձեւ Հղումներ

JOHAN 11:25

Jesuh nih, “Thawhṭhannâk le nunnâk cu keimah hi ka si: Aka zummi pauh cu thi hmanhsehlaw, a nung lai.

1JOHAN 3:2

Ka dawt le hna atu ah Pathian fa le kan si i zeidah kan si telai ti tu cu langhter a si rih lo, asinain Amah a langh tikah, Amah bang kan si lai ti kha kan hngalh, zeitintiah Amah cu a sining tein kan hmuh lai.

GALATI 2:20

Krih sinah khenhchih in ka um nain ka nung; keimahtu ka si ti lo, Krih cu keimah ah a nung cang, atu thisa i ka nun hi, Pathian Fapa, aka daw i ka ai ah â pemi zumhnâk ah ka nung.

1 PETER 1:13

Cucaah a herhmi pauh ṭuan awkah nan ruahnâk cu timhcia in um sehlaw, mah le mah i tei in, Jesuh Krih a langhtikah, nan sinah a run phorh laimi zângfahnâk cungah nan ruahchannâk kha bunh u,

FILIPI 3:21

Zeizong vialte Amah nawl i a umter khotu rianṭuannâk bangin a niam ngaimi kan pum hi a sunglawimi Amah pum bantukah a thlen te lai.

JOHAN 17:24

Kapa, naka pêkmi hna hi ka umnâk i ka sinah umter ka duh hna, naka pêkmi sunparnâk kha an hmuh khawh nâkhnga. Vawlei umhlan hmanh in Nangmah nih naka dawt cang.

1 PETER 5:4

cun tuukhal hna Bawibik kha a langh tikah sunparnâk luchin a ziamkho lomi nan hmuh lai.

1JOHAN 2:28

Atu ah hin nau le hna, Amah ah hmun ko u; cuticun Amah a langh i a rat tik ah Ahmai ah ralṭha le ningzak loin kan um kho lai.

HEBRU 9:28

cubantukin Krih zong mi tampi sualnâk phor dingin voikhat pêkchanh in a rak um cang. Hngahhlang ngaiin Amah hngaktu hna caah, sual tel loin, khamhnâk caah a voi hnihnâk ah a ra ṭhân lai.

BIAPHUAN 22:14

Khualipi kutkâ ah an luh i nunnâk thing cungah nawl an ngeih khawh nâkhnga a nawlpêk hna a tuahtu cu mithluachuak an si.

1 KORIN 15:43

Zeihmanhlo bangin tuh a si i sunpar ngaiin thawhter a si. Der ngaiin tuh a si i ṭhawng ngai in thawhter a si.

BIAPHUAN 22:1

Cun nunnâk tiva a fim tak takmi crystal lungvar bangin a fiangmi Pathian le Tuufano bawiṭhutdan in a rak luangmi kha a ka hmuhsak.

JUDAS 1:24

Cubangin nan tlûk nâkhnga lo an kilveng khotu le a sunparnâk hmai ah lawmhnâk taktak he thûrhnawm lo in an chia khotu,

1JOHAN 5:12

Fapa a ngeitu nih nunnâk cu a ngei: Pathian Fapa a ngeilotu nih nunnâk cu a ngei lo.

TITAS 2:13

Ruahchannâk duhnung, a lianngan mi kan Pathian le kan Khamhtu Jesuh Krih sunparnâk he â langhnâk kha kan cuan.

MATTHAI 13:43

Miding cu an Pa pennâk ah ni bangin an ceu cang lai. Theihnâk dingah hnâ a ngeimi nih thei ko hna seh.

2TIMOTE 4:8

Ahnubik ah dinnâk luchin cu ka caah chiah a si, cucu biaceihtu fel, Bawipa nih cu Ni ah aka pêk lai, kasin lawngah a si lai lo, Â langhnâk â ngaihmi vialte sin zongah a pêk lai.

2 KORIN 4:17

Atu mitṭhep chung i harnâk hmete kan teminmi hi, tahchunh khawh lomi zungzal sunparnâk i a kan luhtertu an si.

JOHAN 14:6

Jesuh nih, “Keimah hi lam le, biatak le, nunnâk ka si. Keimah in dah ti lo cun ahohmanh Pa sin ah an phân bal lo.

JOHAN 14:3

Cun nan ca i hmun ka timhlamh hnu ah ka rak kir ṭhân lai i ka sinah kan lâk hna lai. Ka umnâk ah nannih zong nan um ve nâkhnga.

SALM 17:15

Kei nih cun, dinnâk he na hmai ka hmuh lai, nangmah bangin kâ hlauh tikah ka di a riam te lai.

2TIMOTE 1:1

Paul Krih Jesuh ah a ummi nunnâk biakam ningin Pathian duhning i Krih Jesuh lamkaltu nih,

1THESALON 4:17

Cuhnuah kannih a nung rihmi hna hi, cunglei i Bawipa hungton awkah anmah hna he minmei lakah cawi in kan um lai. Cubangin zungzal in Bawipa sinah kan um cang lai.

1 KORIN 1:7

cuticun kan Bawipa Jesuh Krih â langhnâk kha hngak in, thilpêk lei ah chambau in nan um lo,

JOHAN 20:31

Asinain hi hna hi Jesuh cu Krih Pathian Fapa a si tiah nan zumh i cu zumhnâk thawngin nunnâk Amah min in nan ngeih khawh nâkhnga ṭialmi an si.

SALM 73:24

Na remruatnâk in naka hruai lai, cuhnuah sunparnâk ah cohlan ka si lai.

BIAPHUAN 2:7

“Thlarau nih kawhhran hna sinah a chimmi hi hnâ a ngeimi nih thei ko hna seh. Teitu sinah Pathian Paradis laifang i a ummi nunnâk thing ei awkah ka pêk lai,” tiah a ti.

1TIMOTE 6:14

kan Bawipa Jesuh Krih â langhṭhân hlan tiang hi nawlpêk hi mawhchiat awk le sawiawk umlo in rak kilveng,

LAMKALTU 3:15

Nunnâk Bawi kha nan thah, asinain Pathian nih Amah cu a thawhter, cucu hngalhpitu kan si.

LUKA 17:30

Cubantukin Mi Fapa a langhni ah a um te lai.

ROM 8:18

Zeitintiah atu cân i temtuarnâk hna hi hmailei i langhter ding sunparnâk he cun tahchunh tlâk ah ka ruat lo.

ROM 8:19

Zeitintiah Pathian fale langhter an si lainâk kha sermi thil vialte nih hngahhlang ngai le i ruahchan ngaiin an cuan.