KOLOSE 3:16 - Laibaibal Thiang (BSI)

¹⁶ Krih bia cu fimnâk phunkip he nanmah ah khat ko seh, biazâi le hla, thlarau lei hla hna in i cawm changin i cawnpiak u law, Bawipa sinah nan lungthin in zângfahnâk he hla sa u.

Lai (Hakha) Common Language Bible 2006

¹⁶ Khrih bia cu nan chungah tam piin a fimnak he khan um seh. Fimnak in pakhat le pakhat i chim u law i cawnpiak u. Thangṭhatnak hla, Pathian biaknak hla le hla thiang kha sa hna u; Pathian kha lawmhnak in hla in thangṭhat u.

KOLOSE 3:16 Խաչաձեւ Հղումներ

SALM 119:11

Na cungah sualnâk ka tuah nâkhnga lo, na bia kha ka lungchung ah ka thuh hna.

EFESA 5:19

Biazâi le hla in, thlarau lei hla hna he pakhat le pakhat i chawnbia u law, hlasak pah in Bawipa cu nan lungthin ah ring-awn tum piak u.

JOHAN 15:7

Nannih ka chungah nan umpeng i ka bia nan chungah a umpeng ahcun nan duhmi pauh ka hal u, nan ca tuah in a um lai.

ROM 10:17

Cuticun theihnâkin zumhnâk a um i theihnâk cu Pathian bia in a um.

1JOHAN 2:24

Cucaah a hramthawk in nan theihmi kha nanmah ah hmunhter u. A hramthawk i nan theihmi nanmah ah a hmunh ahcun, nanmah zong Fapa le Pa ah nan hmun peng lai.

EFESA 1:17

Kan Bawipa Jesuh Krih Pathian, sunparnâk Pa nih Amah hngalhnâk ah, biaphuannâk le fimnâk thlarau an pêk khawh hna nâkhnga,

JEIM 3:17

Asinain cung leiin a chuakmi fimnâk cu hmaisa bik ah a thiang, cuhnu ah daihnâk a duh, a nun a nem, nawl a ngai, zângfahnâk le theipar ṭha in a khat, thleidan a ngei lo i ziar a ngei lo.

2 JOHAN 1:2

biatak kan sinah a hmunmi le zungzal in kan sinah a um lai caah:

2TIMOTE 3:15

zeitintiah Krih Jesuh zumhnâk thawngin khamhnâk hmu lakin an fimter khotu Cathiang kha, na ngakchiat lio tein na hngalh cang.

KOLOSE 1:9

Hiruangah kannih zong nih thlarau lei fimnâk le theihthiamnâk vialte nan ngeih i Amah duhning i hngalhnâk in nan khah khawh nâkhnga, nan kong kan theih ni in nan ca thlacam le nawlpiak kan ngol lo;

BIAPHUAN 5:9

Hlathar an sa i, “Nangmah cu cazual kha la in, a chinchiahnâk kha phoihawk ah nâ tlak. Zeitintiah thah in na um cang i phunkip, holhkip, mikip le hrin kip chungin Pathian caah na thisen in na tlanh cang hna.

1JOHAN 2:27

Asinain Amah sin in nan comi sathau thuhnâk kha nan chungah a hmun i aho cawnpiak hmanh nan herh lo; sathau thuhnâk lila nih khan thil vialte an cawnpiak hna, cun lih si loin a dikmi a si, cawnpiak nan sining te khan Amah ah hmun ko u.

KOLOSE 4:6

Nan chimmi pauh ah cite in al termi zângfahnâk telhchih zungzal u law, cuticun mikip sinah zeitindah leh ding a si ti kha nan hngalh lai.

EFESA 5:17

Cucaah mihrut bangin um hlah u, Bawipa duhnâk zeidah a si ti kha hngalh u.

SALM 28:7

BAWIPA cu ka ṭhawnnâk le ka phaw a si; ka lungthin in kâ bochan i bomh ka si; cucaah ka lungthin hi â lawm ngaingai, ka hla he amah cu ka thangṭhat lai.

JEIM 5:13

Nanlakah fahnâk a tuarmi nan um maw? Thlacam seh. Â lawmmi nan um maw? Thangṭhat hla sa seh.

SALM 71:23

Nangmah thangṭhat i hla ka sak tikah, ka hmur hi zeitlukindah â lomh lai! Na tlanhmi ka nunnâk zong hi â lawm lai.

TITAS 3:6

cucu kan Khamhtu Jesuh Krih thawngin kan cungah duhdim tein Amah nih a kan toih,

1 KORIN 14:26

Unau hna zeitindah a si rih lai? Nan i pumh tikah mikip nih thangṭhatnâk hla siseh, cawnpiaknâk siseh, holh dang siseh, langhnâk siseh, holh lehnâk siseh, nan ngeih tikah thil vialte hi ṭhathnemnâk ah tuah dih si hna seh.

JEIM 1:5

Nan lakah fimnâk a baumi nan um ahcun, Pathian sinah hal seh law, mi vialte sinah siangngai le uilo tein a pe tawntu nih a pêk lai.

KOLOSE 1:28

Kan chimmi cu Amah hi a si, mikip hi Krih Jesuh ah tlinter an si ti hi fimnâk vialte he cawnpiak in mi kip ralrin kan pêk hna.

SALM 32:7

Nang cu kâ thuhnâk hmun na si, buainâk chungin naka himter lai, khamhnâk hla hna in naka kulh lai.

BIAPHUAN 15:3

Pathian sal Moses hla le Tuufano hla kha an sa: “Bawipa Pathian Zeizongtuahkho, Na rianṭuanmi hna cu a Lianngan in khuaruahhar an si! Aw mithiang hna Siangpahrang, Na lam hna cu a ding i a dik.

1JOHAN 2:14

Pa le hna a hramthawk in nan sin i a um pengmi kha nan hngalh caah nan sinah ka ṭial. Tlangval hna nan ṭhawng i Pathian bia nanmah ah a hmun i misual pa cu nan tei caah nan sinah ka ṭialmi a si.

1TIMOTE 6:17

Tuchan mirum hna nih an rumnâk kha porhlawtnâk i hmanglo ding le bochan awk a tlâk lomi chawva an i bochan nâkhnga lo le thil vialte kan i lawmhnâk dingah a kan petu Pathian kha i bochan dingin chimhring hna.

2 THESALON 3:15

Asinain ral zoh in zoh hna hlah u, unau bangin chimhring hna u.

1THESALON 4:18

Cucaah hi bia in pakhat le pakhat nan hna i ngamter u.

1 KORIN 14:15

A tlângkawmhnâk cu zeidah a si kun lai? Ka thlarau in thla ka cam lai i ka hngalhnâk zongin ka cam lai. Ka thlarau in hla ka sa lai i ka hngalhnâk zongin ka sa lai.

MATTHAI 26:30

Cun hla an sak dih in an chuak i Olive tlângah an kal.

PHUNGTHLÛKBIA 14:8

Mah sining hngalh hi ruahthiamnâk ngeimi fimnâk a si, asinain mihrut hna hruhnâk cu hlennâk a si.

SALM 138:1

Ka lungthin dihlak in kan thangṭhat lai; pathian dang hna hmaiah na sinah thangṭhatnâk hla ka sa lai.

SALM 119:54

Ka khualtlawnnâk innah hin, na phunglam kha ka hla an si.

ROM 15:14

Atu ah ka u le ka nau hna, hngalhnâk vial tein khahter nan si i ṭhatnâk zongin nan khat, pakhat le pakhat â chimhring kho in nan um ca ah, nan kongah keimah zong hnangam tein ka um.

LUKA 2:51

Cuticun an sinah a kal ve i Nazaret an phâk tikah an nawl tangah a um, asinain anu nih cuthil hna cu a lungchungin â cinken.

BIAPHUAN 19:10

Cun ake hram in biak ka timh. Asinain ka sinah, “Hitihin tuah hlah! Keimah cu nanmah le nan unau Jesuh hngalhternâk bia cohlangtu nan sal hawi ka si ve ko. Pathian tu bia! Zeitintiah Jesuh hngalhternâk cu chimchungnâk thlarau a si,” tiah a ti.

BIAPHUAN 14:3

Bawiṭhutdan hmai le thilnung pali le upa hna hmai ah hlathar bantuk khi an sak i vawlei in tlanhmi 144000 hna dah ti lo ahohmanhnih cu hla cu an cawng kho lo.

PHUNGTHLÛKBIA 18:1

Mahlawng i a ummi nih amah duhnâk lawng a kawl i a fimmi biaceihnâk vialte kha a ralchanh tawn.

EFESA 5:26

anih cu bia hmangin ti in a khawlh-ṭawl i a thianter khawh lai;

1THESALON 1:8

Zeitintiah Bawipa bia cu nan sinin a thang i Masidonia le Akai ram lawngah si loin ramkip ah a thang dih. Pathian nan zumhning hi a thang ngai ngai i kan chim len hmanh a herh lo.