KOLOSE 3:15 - Laibaibal Thiang (BSI)

¹⁵ Cun Pathian daihnâk nih nan lungthin kha uk ko seh, cubantuk i um dingin pum pakhat ah kawh nan si, cun â lawmmi si u.

Lai (Hakha) Common Language Bible 2006

¹⁵ Khrih nih an pekmi hna daihnak kha nan lung chung i biaceihtu ah ser u; zeicahtiah hi daihnak hmuh awkah hin Pathian nih pum khat chung i um awkah an kawh hna. Cun lunglawmhnak in khat u.

KOLOSE 3:15 Խաչաձեւ Հղումներ

JOHAN 14:27

“Daihnâk kan chiahta hna, keimah daihnâk kan pêk hna, vawlei pêkmi bangin kan pek hna lo. Nan khuaruah har hlah seh, ṭih zong ṭih hlah u.

ROM 15:13

Thiang Thlarau ṭhawnnâk thawngin ruahchannâk in a khatmi nan sikhawh nâkhnga, ruahchannâk Pathian nih nan zumhnâk ah lomhnâk le daih nâkin in khahter hna seh.

1THESALON 5:18

Thil vialte ah lawmhnâk bia chim u, zeitintiah hihi Krih Jesuh ah nan ca i Pathian duhmi a si.

SALM 29:11

BAWIPA nih a mi hna sinah ṭhawnnâk a pek lai i BAWIPA nih a mi le kha daihnâk he thlua a chuah hna lai.

ROM 5:1

Cucaah zumhnâk thawngin thiamcoter kan si caah, ka Bawipa Jesuh Krih thawngin Pathian he remnâk kan ngei.

KOLOSE 3:17

Bia in siseh, tuahsernâk in siseh, nan tuahmi thil kipah Bawipa Jesuh min in tuah dih u law, Amah thawngin Pa Pathian sinah lawmhnâk bia chim u.

JOHAN 16:33

Keimah ah hnangam tein nan i dinh khawh nâkhnga hi bia hi nan sinah ka chimmi a si. Vawlei ah hin harnâk nan ton tawn, asinain hnangam tein um u, vawlei cu ka tei cang.”

EFESA 5:20

Kan Bawipa Jesuh Krih min in Pa Pathian sinah zeizong vialte ah lawmhnâk bia chim u.

2 KORIN 9:11

nansiannâk ruang i zeizong vialte ah an rumter hna nâk thawngin kannih lei zong nih Pathian sinah lawmhnâk bia chim awk kan rak ngei ve.

EFESA 4:4

Ruahchannâk pakhat i kawh nan si bangin, pum pakhat le Thlarau pakhat lawnglawng a um,

ROM 14:17

zeitintiah Pathian pennâk cu ei le din a si lo, dinnâk le daihnâk, Thiang Thlarau ah i lawmhnâk te hna hi an si.

SALM 116:17

Lomhnâk biachim raithawinâk na sinah ka pêkchanh lai i BAWIPA min cu ka auh lai.

1TIMOTE 2:1

Cucaah a hmaisa bikah nawlnâk, thlacamnâk, midang ca i nawlnâk le lawmhnâk biachimnâk kha mi vialte caah tuah awkah kan forh,

KOLOSE 2:7

Amah ah hrambunh in sakmi si u law, zumhnâk ah a fekmi si uh, cawnpiak nan rak si cang bangin lawmhnâk bia tampi in chim uh.

EFESA 5:1

Cucaah a fa dawtmi bangin Pathian â zohchunhtu si ko u.

2 KORIN 4:15

Zeitintiah thil vialte hi nanmah ṭhatnâk dingah a si, zângfahnâk cu mi tampi sinah a karh chin chin lai i Pathian sunparnâk dingah lawmhnâk biachimnâk zong a tam chinchin ko lai.

BIAPHUAN 7:12

“Amen! Thluachuahnâk, sunparnâk, fimnâk, lawmhnâk bia, upatnâk, thiltikhawhnâk le ṭhawnnâk kha zungzal in zungzal tiang kan Pathian sinah um ko seh. Amen.” tiah an ti.

EFESA 4:16

Amah in pum dihlak kha, rem tein hmunkhat ah pehtonh dih in, nge vialte rianṭuan ning cio cu fonh in, dawtnâk i i sersiam awkah, pum cu a ṭhanter tawn.

SALM 107:22

Lawmhnâk bia chim raithawinâk pe hna sehlaw, a tuahmi kha lunglawm in phuang hna seh.

KOLOSE 1:12

cuticun ceunâk chungah mithiang hna co hngami ro hrawm awktlâk i a kan cantertu Pa sinah lawmhnâk bia kan chim.

SALM 100:4

Lomhnâk biachimnâk he a kutka ah lut u law, thangṭhatnâk he a biakinn tualrawn ah lut tuah u. A sinah lomhnâk biachim u law, amin kha thangṭhat u.

HEBRU 13:15

Cucaah Amah thawngin thangṭhat raithawinâk hi Pathian sinah pechân lengmang u sih, cucu hmurkâ in a min kan ṭanhnâk theipar a si.

1 KORIN 7:15

Asinain zumlotu deuh nih ṭhen a duh ahcun ṭhen ko seh. Cu kongah unau pa le unau nu kha hrênpiak an si ti lo. Pathian nih cun daihnâk umtertu ah a kan kawh.

ROM 1:21

zeicatiah Pathian an hngal ko nain, Pathian bangin an thangṭhat duh lo, lawmhnâk bia zong an chim duh lo, pakpalawng a simi tu kha an ruat i a hrutmi an lungthin kha muihnâk in a khat.

1 KORIN 10:17

Zeitintiah kannih hi tampi kan si nain, changreu tlangkhat, taksa pumkhat kan si. Changreu tlangkhat chungin kan co cio mi a si.

1TIMOTE 6:12

Zumhnâk i raldohnâk ṭha kha doh in zungzal nunnâk kha i tlaih, cucu co ding i kawh na si, hngalhpitu tampi mit hmuh ah zumhnâk ṭha na phuan cang kha.